Amos 7:8 - Ghari

⁸ Maia e veisuau inau, “?A Amos, laka nagua o reia?” Minau au gokovisu mau tsaria, “Au reia kesa na itai na totovo.” Mi muri maia e tsarivaniau, “Inau au gini aqo na itai na totovo iani gana kau sauvulagia laka igira niqu tinoni ara vaga kesa na baravatu e tu riu. Me sauba e utu goto kau olia niqu papada rongona na kedeaqira niqu tinoni.

Amos 7:8 Referans Kwoze

Amos 8:2

Ma na Taovia e veisuaau: “?A Amos, laka nagua o reia?” Minau au gokovisu vania mau tsaria, “Au reia kesa na kei na vuanagai mada.” Ma na Taovia e tsarivaniau, “E laba nogo na susuina na dani vanigira niqu tinoni ni Israel. Inau sauba e utu goto kau olia niqu papada tana rongona na kedeaqira igira.

Tangitangi 2:8

Na Taovia e padakuti matena nogo laka igira sui na baravatuna na Sion kara viri puka. Aia e tovoa na katsiqira gana ke gini vui pukaligira sui lakalaka. Maia e naua migira na kusudato ma na baravatu ara viri tsaro toroutsa sui i lao.

Jeremia 15:6

Igamu amu sove taniau inau, mamu piloligi taniau. Me vaga ia, minau au tatakatsinia na limaqu mau labuginigamu, rongona au qisi nogo na tangolivisuana na korequ.

Mika 7:18

Me tagara goto sa god ke vaga igoe Taovia; igoe o padale vanigira niqira sasi nimu tinoni igira ara kauvisu. Mo tau goto dona na tangoli okaana nimu kore, mo gini mage moa na sauvulagi vaniamami nimu galuve vo oli.

Isaia 28:17

Minau sauba kau naua ma na pedegoto ke lia vaga na totovona nimui sasaga, ma na goko mana ke lia vaga na totovona nimui tsaqina goko.” Ma kau moloa na kolina usa kakai vaga na vatu ke salaligigira sui lakalaka nimui tsaqina goko peropero amu vataragi bâ i koniqira, ma na obo loki ke obotigira sui na omea igamu amu tsotsovata i koniqira.

2 Taovia Tsapakae 21:13

Inau sauba kau kedea na Jerusalem vaga au naunogoa vania na Samaria, me vaga goto au nauvania a Ahab na taovia tsapakae ni Israel migira sui na kukuana. Sauba kau tsapua na Jerusalem ma kara maleligi sui saikesa na tinonina, vaga moa na peleti ara vulimalea mara mamatsalia, mara kovoragini lakâ.

Sekaria 5:2

Ma na angelo e veisuaau, “?Laka nagua o morosia?” Minau au gokovisu vania mau tsaria, “Au morosia kesa na viviruna papi e lovomai tana masaoka; e sangava tsege na katsina me sangava ruka tabailima na damana.”

Isaia 34:11

Igira moa na tei ma na kaokao sauba kara totuvia. Ma na Taovia sauba ke naua me ke totu manga lê tugua vaga kalina tana tuturigana na barangengo.

Amos 7:7

Mi muri bâ, ma na Taovia e sauvulagi vaniau kesa goto na omea i laona na moro. Au reia na Taovia e tutû i ligisana kesa na baravatu ara tovoginia na itai na totovo kalina ara logoa, maia na Taovia e tatangolia i limana kesa na itai na totovo.

Sekaria 4:10

Ma na angelo e tsarivaniau, “Tugira vitu na laeti tugira nogo na papadana tu vitu na matana na Taovia aia e gini moro tsapatugu i laona na barangengo popono.”

Hosea 1:6

Mi muri ma ko Gomer e vasua na rukanina dalena, ma na baka ia na baka daki. Ma na Taovia e tsarivania a Hosea, “Ko soaginia na baka daki ia ‘Tau Galuvea,’ rongona inau sauba kau tau nogo galuvegira na tinoni ni Israel, se kau padalea niqira sasi.

Sekaria 4:2

Maia e veisuaau, “?Laka nagua o reia?” Minau au gokovisu mau tsaria, “Inau au reia kesa na gai gana na tsauragini laeti ara aqosiginia na qolumila. Mi kelana tsotsodo na gai ia e totu kesa na bilo loki na oela. Mara tu vitu na laeti ara tu tsautsau tana gai, me pipi na laeti e tamanina kesa na basa, gana ke gini liutsunamai na oela i laona talu tana bilo loki.