Amos 5:1 - Ghari

¹ Igamu na tinoni ni Israel, kamu rongomia na linge na qiluqilu iani inau au lingena vanigamu:

Amos 5:1 Referans Kwoze

Esekiel 19:1

Ma God e tsarivaniau inau kau lingena na linge na melu iani vanikaira ruka na taovia tsapakae tana Israel:

Jeremia 9:17

Na Taovia Susuliga Sosongo e tsaria, “!Kamu padadoua na omea ara laba! Kamu soamaigira igira na daki ara lingena na linge na matemate.”

Jeremia 9:10

Minau a Jeremia au tû mau tsaria, “Sauba kau tangisigira na vungavunga, ma kau ngangaisigira na butona kao i tana e dato dou na buruburu, rongona ara viri makede takuti, me tagara goto ke kesa ke liu i laoqira. Ma na tatangina niqira kanga na buluka ara tau nogo rongomia i tana; migira na manu ma na omea tuavati atsi ara tsogoligi sui taninogoa.”

Jeremia 7:29

Kamu tangitangi igamu na tinoni ni Jerusalem. Kamu putsia na ivumui ma kamu tsoniligia. Kamu lingena na linge na tangitangi i kelaqira na tetena, rongona inau na Taovia au kore loki sosongo, mau sove saikesa tanigamu niqu tinoni.’ ”

Mika 2:4

Mi kalina ke laba na tagu vaga ia, migira na tinoni tavosi sauba kara gini goko gamui, ma kara tê gamui linge na tangitangi rongona e tagara lê vanigamu nogo, ma kara tsaria: !Igami ami seko pitsu sui nogo! Na Taovia e adiligi tanigami nogo nimami kao, Me tusuvanigira igira ara raqa tsekagami.”

Amos 5:16

Ma na Taovia God Susuliga Sosongo e tsaria, “Sauba na tangitangi ma na ngangai na melu ke viri tangidato tana sautu i levugana na verabau. Ma kara soagira goto na tinoni aqo uta kara mai sanga na tangitangi kolugira igira ara voligira gana nogo na tangitangi.

Amos 4:1

Kamu rongomia na goko iani igamu na daki ni Samaria, igamu amu paquru vaga saikesa nogo na buluka daki ara paladoua i Basan. !Igamu amu rotasigira na sekona lê, mamu bingi sekoligira igira ara tau tamanina sa omea, mamu ketsaligira na savamui kara tau kuti na adimai vaniamui gamui inu papara!

Amos 3:1

Igamu na tinoni ni Israel, kamu rongomi vatavia na goko iani aia na Taovia e tsaria tana rongomui igamu, igamu na tinoni popono aia e adirutsumigamu tania na Ejipt.

Esekiel 32:16

Ma na gokona na parovata kakai iani sauba ke lia na lingena na qiluqilu. Migira na daki tana puku tavosi sui sauba kara lingena gana na mani tangisiana na Ejipt migira sui nina tinoni. Inau nogo na Taovia God au tsaria na omea iani.”

Esekiel 32:2

“Dalena tinoni igoe, ko ba parovatavikakaia na taovia tsapakae ni Ejipt, mo ko tsarivania na goko iani e talu i koniqu inau: Igoe o pada segenimu laka o susuliga vaga saikesa moa na laeone i laoqira na puku na tinoni sui, minau au tsaria laka igoe o vaga saikesa moa kesa na vua loki e tsipu tsunadato i laona na kô, mo vuloa na boko me gini kuma.

Esekiel 28:12

“Dalena tinoni igoe, ko lingena na linge na melu vania na taovia tsapakae ni Tire. Mo ko tsarivania na omea inau na Taovia God au tsaria: I sau igoe o dou tsapakae liusigira bâ pipi na tinoni sui. Mo sasaga loki me dou sosongo bâ na rereimu.

Esekiel 27:2

“Dalena tinoni igoe, ko lingena na linge na qiluqilu vania na Tire,

Esekiel 26:17

Mi tana ti igira sauba kara lingena vanigo na linge na qiluqilu vaga iani: !E toroutsa sui kiki nogo na verabau tangirongo! Migira nina vaka e tsonilongagira sui nogo na tasi. Tana idana igira na tinoni tana verabau iani ara tagaovi kaputia na tasi. Migira sui ara totu i tasi taligu ara matagunigira sosongo.

Esekiel 19:14

Ma na lake e gania na pukuna, mara iru sui na arana ma na vuana. Migira na arana sauba e utu goto kara susuliga visutugua, me ke gini utu goto kara lia gana itoro na taovia tsapakae.” Miani nogo e vaga na linge na melu ara dona na lingena pipi moa tagu.

Jeremia 9:20

Minau au tsaria vanigira, “Igamu na daki, kamu rongomidoua na omea e tsarivanigamu na Taovia. Kamu sasanigira na dalemui daki ma kara dona na tangitangi, migira na kulamui kara dona na lingena na linge na matemate.

Jeremia 9:9

?Egua laka sauba kau tau kedegira tana rongona na omea vaga girani? ?Me laka kau tau tangotuguqu inau i konina na puku vaga iani? Inau nogo na Taovia au tsaria na omea iani.”

Jeremia 18:13

Na Taovia e goko me tsaria, “Ko veisuagira na tinoni pipi sui tana vera ti vaga kara reia ke laba i sau na omea vaga girani. !Igira na tinoni ni Israel ara sasi loki sosongo!

Amos 8:14

Migira ara gini vatsa tana asana na god peropero ni Samaria mara tsaria, ‘Au vatsa tana asana na god ni Dan,’ se, ‘Au vatsa tana asana na god ni Beerseba,’ igira nogo na tinoni vaga ia sauba kara pukamate, me utu vanigira goto kara tû tugua.”