2 Timoti 1:5 - Ghari

⁵ Au padatugua laka igoe o totukakai nogo tana nimu tutuni, aia na vatana na tutuni vaga nogo kaira na kavemu ko Lois, maia na tinamu ko Eunis ara ka tamaninogoa. Minau au tutunina laka igoe goto o tamanina na tutuni vaga ia.

2 Timoti 1:5 Referans Kwoze

1 Timoti 1:5

Ma na pukuna na omea au raiginigo igoe laka ko tovoa na galisiana i tobaqira na tinoni: aia nogoria na galuve e talumai tana tobamale, ma na sasaga dou, ma na tutuni manana.

Aqoaqo 16:1

A Paulo e babaa saviliu, me batsau i Derbe mi Listra. Mi tana e totu kesa na mane Kristiano, a Timoti na asana. Ma na tinana aia, aia goto na Kristiano, maia e daki na Tsiu. Ma na tamana a Timoti aia na mane ni Gris.

1 Timoti 4:6

Ti vaga igoe a Timoti ko tsaritutugudoua vanigira na tasida tana tutuni na rongoqira na omea vaga gira, migoe sauba ko lia nina maneaqo dou a Iesu Kristo. Mi tana ke gini labamaka laka igoe o gini mauri nogo na gokona na tutuni ma na sasani manana vaga igoe o lavu nogo na muriana.

2 Timoti 3:15

Mo dona goto laka e tuu tana bakamu igoe o donaginia na Mamare Tabu, mo gini sasaga tana omea e kalea na mauri saliu tana tutuni i laona a Iesu Kristo.

Roma 15:14

Tasiqu, inau segeniqu nogo au dona laka igamu amu tinoni dou sosongo, mamu donagininogoa nagua kamu naua, mamu donadougotoa na vaisasanigi.

Hibru 6:9

Migamu na kulamami galugaluve, e atsa moa ti igami ami goko kakai vaga ia vanigamu, mami donagininogoa laka igamu e utu kamu naua na omea seko vaga ia. Amu muridounogoa na sautu e kalea na mauri saliu.

2 Timoti 1:12

Maia nogoria na rongona ti inau au gini rota vaga ia kalina eni. Me atsa moa, minau au tau gini vangamaa rongona au donaginia asei aia inau au norua. Mau dona goto laka aia nogo sauba ke reitutugudougira tsau tana Dani na Pede na omea sui aia e noruginiau inau na nauana.

2 Korint 6:6

Tana nimami mauri tobamale, mi tana nimami donaginiana na manana, ma nimami berengiti, ma nimami tobadou vaniaqira na tinoni, ami gini sauvulagia laka igami nina tinoni aqo manana God. E sangagami na Tarunga Tabu te ami gini dona na galuve laka vaniaqira na tinoni sui,

Roma 8:38

Inau au dona saikesa nogo laka e tagara ke kesa na omea tangomana ke molovotagita tania nina galuve God vanigita: atsa moa na mate se na mauri; atsa moa ti na angelo se kesa na omea susuliga ni gotu; atsa moa tana tagu ni dani eni se i muri baa;

Roma 4:21

E noru kalavatavia nomoa laka e tau utu vania God ke manalia na omea aia e vekenogoa vania.

Linge 116:16

Taovia inau nimu tinoni aqo; mau aqo vanigo vaga nogo na tinaqu e naua. Migoe nogo o maurisiau tania na mate.

Linge 86:16

Ko pilomai i koniqu mo ko galuveau; ko susuligasiau mo ko maurisiau, rongona inau au aqo dou vanigo vaga saikesa nogo e nauvanigo na tinaqu.

Hibru 11:13

Na tinoni sui girani ara tutunina babaa moa poi ara mate. Mara tau vati reilakana moa na omea God e vekea vanigira. Ara morosigira baa ao moa, mara gini magemage. Mara reigadovi segeniqira mara koe vaga, “Igami ami tau tamanina sa veramami pukuga i lao eni. Ami totu tsinogo moa.”

Roma 14:14

Niqu mauripata koluana nogo a Iesu Kristo e naua, ti inau au gini donamaka laka e tagara sa vatana na mutsa segenina ke tau masidi tana vovorona na lotu. Eo, me ti vaga kesa tinoni ke tutunina laka kesa na vatana na mutsa e tau masidi tana vovorona na lotu, ma na mutsa ia e gini tau masidi vanisegeninogoa ia.

Roma 14:5

Visana tinoni ara pada mamavasia baa kesa moa na dani liusigira na dani sui tavosi, me visana tinoni tavosi ara pada laka pipi sui moa na dani ara kesaniatsa. Mi tana rongona na omea vaga ia, ma nina aqo nogo pipi tinoni ke pede segenina nagua ma nagua ke dou vania.

Aqoaqo 26:26

!Migoe a Agripa na Taovia Tsapakae! Igoe o donaginigira nogo na omea girani, te inau au gini goko malemale vanigo tana rongoqira. Mau dona goto e tagara sa vidaqira na omea girani kara popoi vanigo, rongona na omea sui girani ara laba i malena, mara tau goto totu popoi kesa tana tsuruna.

Ioane 1:47

Mi kalina a Iesu e morosia a Nataniel e maimai, me gini goko tana rongona aia me tsaria, “!Iani e kesa na Israel manana, me voo na malapalu!”

Jeremia 3:10

Mi murina e laba na omea sui girani, aia Juda, na tasina Israel aia e tau totukakai i koniqu, e malapalu moa laka e visumaitugua i koniqu inau, me tau moa naua tana tobana popono. Inau na Taovia au tsaria na omea iani.”

Linge 81:15

Mi tana ti igira sui ara reisaviau inau kara tao tsuporu i mataqu tana matagu; ma gaqira kede ke totu saviliu me ke tau goto sui na dani ma na dani.

Linge 77:6

Tana bongi popono au totu tû moa mau papada sosongo; au totu mui mau papada mau veisua segeniqu vaga iani:

Linge 66:3

Tsarivania God, “!Ara loki sosongo manana na omea sui igoe o naugira! Eo, e loki sosongo nomoa na susuligamu, aia na rongona ti igira gamu gala ara taotsuporu i matamu tana matagu.

Linge 22:10

Eo, tû tana dani au botsa vaolu, inau au vataragi saikesa moa i konimu igoe; migoe saikesa moa niqu God pipi kalina.

Linge 18:44

Igira na tinoni na puku tavosi ara mai tsuporu i mataqu, mi kalina ara rongomia niqu goko migira ara tû mara rongomangaqu.

Linge 17:1

Taovia ko rongomivatavia niqu ngangaidato vanigo tana rongona na pedegoto. Ko boeginiau kalina au nongigo ko sangaau. Ko tû mo ko rongomia niqu nonginongi, rongona e tagara goto ke kesa na gokopero e dona ke rutsu i mangaqu.

1 Petero 1:22

Mi kalina eni, igamu amu murinogoa nina sasani a Iesu Kristo. Mamu tapiu taninogoa na sasi e sorivatavigamu i sau. Mamu gini dona nogo na vaigaluvegi koluaqira gamui tutunikolu. Vaga ia, me dou baa ti kamu vaigaluvegi manana tana tobamui popono.