2 Samuel 8:2 - Ghari

² Mi muri maia e tuliusigira goto na Moab. Me ketsaligira kara tsaro tana kao i laona ke tolu palatete. Me labumatesigira sui ara totu i laona ruka na palatete, me molo maurisigira igira i laona na tolunina palatete. Migira ara ba totu i vavana nina tagao a David, mara tsoni takesi vania.

2 Samuel 8:2 Referans Kwoze

Tsoko Tinoni 24:17

Mau morosi bâ tana tagu ke mai i muri, mau reia na puku loki na tinoni ni Israel. E kesa na taovia tsapakae, aia ke maka vaga moa na veitugu, sauba ke tukae i laona na puku loki ia. Sauba aia ke tû i Israel me ke mai labu pukaligira niqira ida na Moab, me ke tsogori tsunagira sui na dalena a Set.

Linge 60:8

Mi Moab ke lia niqu popo na vulivuli, mi tana Edom sauba kau tsonidatoa gaqu porotua, na papadana laka inau nogo au tamanina i tana. Me mana nogo gaqu tana vailabugi koluaqira na Pilistia, mau gini gudato tana magemage.”

2 Samuel 8:6

Mi muri, maia e mologira nina mane vaumate kara totu babâ i laona niqira butona kao popono igira na Siria, migira goto na Siria ara totu i vavana nina tagao a David mara tsonitakisi vania. Na Taovia nogo e naua maia David e gini susuliga na tuliusiaqira gana gala pipi moa tana nauna.

1 Samuel 10:27

Migira visana na tinoni e tabaru niqira sasaga ara tsaria, “?Sauba ke laumaurisi koeguanigita igita na mane iani?” Migira ara peâ moa a Saul mara tau goto adibavania sa vangalaka.

Isaia 36:16

!Kamu laka na rongomiana a Hesekia! Aia na taovia tsapakae ni Asiria e ketsaligamu kamu rutsuligi sui tania nimui verabau, ma kamu molo segenimui i limaqu inau. Me ti vaga kamu nauvaganana ia, me sauba igami kami tamivanigamu kamu ganigira na vuana uaeni tana nimui itai na uaeni segeni, ma na vuana nimui vuagai mutsamutsa segeni, ma kamu inuvia na kô tana nimui tuvu segeni,

Linge 108:9

Mi Moab ke lia niqu popo na vulivuli, mi tana Edom sauba kau tsonidatoa gaqu porotua, na papadana laka inau nogo au tamanina i tana. Me sauba kau gudato tana magemage rongona e managaqu tana vailabugi kolugira na Pilistia.”

2 Turupatu Dato 26:8

Migira na Amon ara voli takesi vania a Usia, me pabo babâ gana susuliga me gini tangiloki gana rongo tsau bâ tana Ejipt.

1 Turupatu Dato 18:2

Maia e tuliusigira goto na Moab, mara totu i vavana nina tagao mara tsonitakesi vania.

2 Taovia Tsapakae 17:3

Maia Salmaneser na taovia tsapakae ni Asiria e mai na vailabu koluana a Hosea me tuliusia. Me pipi ngalitupa nina aqo a Hosea ke voli takisi vania Salmaneser.

2 Taovia Tsapakae 1:1

Mi murina na mateana a Ahab na taovia tsapakae ni Israel, migira na tinoni ni Moab ara sove tanigira na Israel kara tagaovigira.

2 Samuel 12:31

me adigira goto na tinonina na verabau ia, me mologira kara aqovania tana soa, ma na tapala na pilokao ma na rarati, me turuginigira kara aqosi briki. Maia e nauvanigira vaga goto igira na tinonina na vera tavosi sui tana Amon. Mi muri, maia migira nina mane ara visutugua i Jerusalem.

1 Samuel 14:47

Mi kalina a Saul e tukakai nogo tana nina aqotagao tana Israel, maia e vailabu kolugira sui ganagala pipi tana nauna: e vailabu kolugira na tinoni ni Moab, mi Amon, mi Edom, migira na taovia tsapakae ni Soba, migira goto na Pilistia. Maia e tangomana iava moa i tana e ba vailabu.

Linge 83:6

igira nogo na tinoni ni Edom migira na Ismael; na tinoni ni Moab migira na Hagri;

1 Samuel 22:3

Ma David e mololea i tana me vano i Mispa tana Moab, me tsarivania na taovia tsapakae ni Moab, “Kiki, ko tamivanikaira na tamaqu ma na tinaqu kara ka mai totu kolugo ieni, poi tsau kalina inau kau tsodovulagia na omea God sauba ke nauvaniau.”

1 Samuel 22:4

Me vaga ia, ma David e molokaira na tamana ma na tinana i konina na taovia tsapakae ni Moab, mara ka totu i tana tana tagu popono a David e totu popoi i laona na vatuluma.

1 Taovia Tsapakae 4:21

A Solomon e tagaovi kaputigira popono na puku tavosi sui tû tana Kô Euprates me tsau bâ i Pilistia mi tana vovosana na Ejipt. Migira sui na tinoni tana vera gira ara saua niqira takisi vania, mara totu i vavana nina tagao a Solomon tana maurina popono.

Linge 18:45

E viri puka lê sui gaqira susuliga, mara gariri lê kalina ara rutsu tania niqira baravatu kakai.

Linge 60:10

?Egua laka igoe o sove tanigami manana nomoa igami? ?Me laka tagara ko tau goto dulikolugira nimami alaala na malagai?