2 Samuel 8:1 - Ghari

¹ Me kesa tana tagu i muri, ma David e baginigira tugua na Pilistia me tuliusigira, me tangolia niqira kao.

2 Samuel 8:1 Referans Kwoze

2 Samuel 7:9

Minau au totu kolugo igoe pipi sui tana nauna i tana o liu, mau tuliusigira pipi sui gamu gala kalina igoe o maimai moa i sautu. Me sauba inau kau naua me ke tangiloki bâ na rongomu liusigira na taovia loki sui tana barangengo.

2 Samuel 2:24

Mi kaira moa a Joab ma Abisai ara ka takuvi tsaria a Abner, mi tana sû na aso kaira ara ka ba tsau tana tetena ni Ama, aia e totu tabana i longa i Gia tana sautu e liu bâ tana kaomate ni Gibeon.

Hibru 11:33

Igira sui ara tutunina God, mara gini tangomana tana vailabu, mara sugutigira danga na vera loki. Ara naua na omea e goto i matana God, mara gini adia na omea God e vekea. Ara vongo kapusia na mangaqira na laeone kara gini tau veigaa.

Hibru 11:34

Mara matesia na iruna na lake loki, mara pitsa tania na mate tana isi. Ara maluku lee tana idana, mi muri mara malagai mara susuliga sosongo tana vailabu, mara tuliusigira niqira malagai na vera tavosi.

2 Samuel 19:9

Mi laona na Israel popono ara tuturiga na gini vaigokovigi i laoqira segeni mara tsaria, “Aia nogo a David na taovia tsapakae e maurisigita tanigira gada gala, me laumaurisigita tania na limaqira na Pilistia, mi kalina ia maia e tsogo tania a Absalom me mololea na verada.

2 Samuel 22:44

Igoe o maurisiau tania na limaqira niqu tinoni vanga livusuguradi, mo kakaisitugua niqu tagao kaputigira na puku tavosi danga; migira na tinoni inau au tau vati donaginigira moa, igira goto ara totu sui moa i vavana niqu tagao inau.

Linge 18:43

Igoe o maurisiau tania na limaqira na tinoni vanga livusuguradi, mo molokaeau mau gini tagaovi kaputigira na puku danga. Migira na tinoni inau au tau vati donaginigira moa, igira goto ara lia sui moa niqu tinoni inau.

Linge 60:8

Mi Moab ke lia niqu popo na vulivuli, mi tana Edom sauba kau tsonidatoa gaqu porotua, na papadana laka inau nogo au tamanina i tana. Me mana nogo gaqu tana vailabugi koluaqira na Pilistia, mau gini gudato tana magemage.”

1 Samuel 7:13

Vaga ia, migira na Israel ara tuliusigira na Pilistia, ma na Taovia e tukapusigira kara tau goto sagemai i laona niqira butona na kao na Israel tana tagu popono a Samuel e tagao tana Israel.

2 Samuel 5:17

Kalina igira na Pilistia ara rongomia laka ara molokaea a David me lia nogo na taovia tsapakae kaputia na Israel popono, migira ara tû mara aligiri na ba tangoliana. Mi kalina a David e rongomi vaganana ia, aia e tû me vano tana nauna ara barapoliginia na vatu.

2 Samuel 5:25

Ma David e naua moa na omea vaga na Taovia e ketsaliginia, me gini tangomana na tsiavisuaqira na Pilistia tû i Geba me tsau bâ i Geser.

Linge 60:2

Igoe segenimu nogo o naua me kasisi na kao, me gini tangiti; mi kalina eni e dou ti igoe ko mavusia na bokana, rongona e varangi nogo ke toroutsa popono.