2 Samuel 7:9 - Ghari

⁹ Minau au totu kolugo igoe pipi sui tana nauna i tana o liu, mau tuliusigira pipi sui gamu gala kalina igoe o maimai moa i sautu. Me sauba inau kau naua me ke tangiloki bâ na rongomu liusigira na taovia loki sui tana barangengo.

2 Samuel 7:9 Referans Kwoze

2 Samuel 5:10

Ma David e dato susuliga babâ rongona na Taovia God Susuliga Sosongo e totu i konina.

1 Turupatu Dato 17:8

Minau au totu kolugo igoe pipi sui tana nauna i tana o liu, mau tuliusigira pipi sui gamu gala kalina igoe o maimai moa i sautu. Me sauba inau kau naua me ke tangiloki bâ na rongomu liusigira na taovia loki sui tana barangengo.

2 Samuel 8:6

Mi muri, maia e mologira nina mane vaumate kara totu babâ i laona niqira butona kao popono igira na Siria, migira goto na Siria ara totu i vavana nina tagao a David mara tsonitakisi vania. Na Taovia nogo e naua maia David e gini susuliga na tuliusiaqira gana gala pipi moa tana nauna.

1 Samuel 18:14

maia e tangomana pipi kalina tana omea sui aia e naua, rongona na Taovia nogo e totu i konina.

2 Samuel 8:14

Maia e mologira nina mane vaumate kara totu babâ moa i laona na Edom popono, migira na tinoni ni tana ara totu i vavana nina tagao a David. Ma na Taovia nogo e naua maia David e gini susuliga na tuliusiaqira gana gala pipi moa tana nauna.

Tuturigana 12:2

Inau sauba kau tusuvanigo ke danga na kukuamu, migira sauba kara pabo ma kara lia na puku loki. Me sauba inau kau vangalaka bâ vanigo, ma kau naua me ke gini tangiloki sosongo na soamu, mi tana soamu nogo igoe ti sauba kara gini tsotsovata na tinoni sui tana barangengo popono.

Luka 1:52

Me molotsunaligira tania niqira sasana na totukae igira na taovia susuliga, me molokaegira igira ara palatsuna.

Linge 89:23

Sauba kau tsogori rapasigira igira ara tau gana tabana kolu aia, ma kau labumatesigira sui igira ara tobaseko vania.

2 Samuel 22:30

Igoe o malagaisiau agana kau gini susuliga na baginiaqira gaqu gala, mo susuligasiau agana kau tsipu kaoniginia niqira bara.

1 Samuel 2:8

E adikaegira igira ara tau tamanina sa omea tania niqira mauri sekoseko lê, me adikaegira goto igira ara kilia na sasanga tania niqira toturota. Me mologira kara ba totu pala kolugira na dalena na taovia tsapakae, ma kara totuvia na sasaqira na tinoni loki. Rongona aia nogo na Taovia e tamanigira na papakana na barangengo; mi kelaqira nogo igira aia e molokaea na barangengo.

2 Samuel 22:1

Mi kalina na Taovia e laumaurisia a David tania na limana a Saul migira goto gana gala tavosi, maia David e teâ na linge iani vania na Taovia:

1 Samuel 31:6

Aia nogo e vaga na mateana a Saul mi tugira tolu na dalena, maia goto na borau e kalagaia gana sagore; migira sui lakalaka nina mane vaumate a Saul ara mate sui tana dani ia.

1 Samuel 5:10

Migira ara tû mara molovanoa na Bokisi na Taso i Ekron, i tana e kesa goto niqira verabau na Pilistia. Mi kalina e ba tsau i tana, migira na tinoni ara ngangaidato mara tsaria, “!Alao! !Igira ara adimaigotoa ieni nina Bokisi na Taso na God ni Israel gana ke gini matesigita sui goto igita!”

2 Samuel 8:13

Me tangiloki goto bâ ganarongo a David kalina aia e visumai na vailabu i tana e matesigira ara sangavulu alu toga na Edom tana Qou ni Solo.

2 Samuel 23:1

Aia David na dalena a Jese, aia na mane God e naua me gini tangiloki gana rongo, aia nina God a Jakob e vilinogoa ke lia na taovia tsapakae, maia nogoria e teagira na linge rorongo dou sosongo vanigira na Israel. Migirani nogo na susuina nina goko a David:

Josua 6:27

Ma na Taovia e totu kolua a Josua, ma gana tangirongo e kuvia na vera popono.

1 Samuel 18:30

Me pipi kalina igira na mane vaumate ni Pilistia kara mai na vailabu, ma David e tangomana sosongo liusigira bâ igira sui nina mane sasanga tavosi a Saul. Mi tana nauvaganana ia, me gini tangi loki sosongo bâ gana rongo a David.

2 Samuel 22:43

Inau au tsogori rapasigira, migira ara rapa vaga saikesa ti na papasa lê; mau tsogorigira lê vaga moa ti na boko tana sautu.

Linge 21:6

Ma nimu vangalaka igoe ara totu kalavata i konina na dani ma na dani. Me gini dangatovu tobana na magemage na totu i matamu igoe.