2 Samuel 3:9 - Ghari

^9-10 Na Taovia e veke vaninogoa a David laka sauba aia ke adiligia na susuligana na aqotagao tania a Saul migira na dalena, me ke molokaea a David ke lia na taovia tsapakae kaputikaira sui na Israel ma na Juda, ke tû kesa tabana butona momoru me ke tsau bâ i tabana. Mi kalina ia, God nogo ke labumatesiau inau ti vaga inau kau tau manalivania na omea aia e vekea!”

2 Samuel 3:9 Referans Kwoze

1 Samuel 15:28

Ma Samuel e tsarivania, “I dani eni nogo na Taovia e ratsiligi tanigo igoe nimu aqotagao vanigira na Israel, me saunogoa vania kesa aia e mane dou liusigo bâ igoe.

1 Taovia Tsapakae 19:2

Maia ko Jesebel e mologoko bâ vania a Elija me vatsa me tsaria: “Kara labumatesiau igira na god ti tana tagu vaga nogo iani ke dani kau tau nauvanigo na omea vaga igoe o naunogoa vanigira na propete.”

1 Turupatu Dato 12:23

Mi kalina a David e totu moa i Hebron, mara danga sosongo na mane vaumate tamani sagore ara sangasage tana nina alaala na mane vaumate, gana kara sanga na molokaeana a David ke lia na taovia tsapakae na tuguna a Saul, vaga e vekenogoa na Taovia. Iani nogo e vaga na dangaqira: Igira na Juda: ara 6,800 na mane ara tamani tovu niqira tako ma niqira bao; migira na Simeon: ara 7,100 na mane vaumate ara dona dou na aqona na vailabu; migira na Levi: ara 4,600 na mane; migira ara tsarimurina a Jehoiada na kukuana a Aaron: ara 3,700 na mane; migira na kamana a Sadok aia kesa na mane vaolu e malagai sosongo tana vailabu: ara 22 na tinoni lokiloki; migira na Benjamin, nina puku segeni nogo a Saul: ara 3,000 moa na mane, rongona na dangana na tinoni tana puku konina a Benjamin ara totukakai moa i konina a Saul; migira na Epraim: ara 20,800 na mane ara tangirongo i laona niqira duli segeni; migira na Manase Tabana i Tasi: ara 18,000 na mane ara viligira kara ba molokaea a David ke lia na taovia tsapakae; migira na Isakar: ara 200 na mane tagao, kolugira na mane ara totu i vavana niqira tagao ma na mane tagao girani ara dona dou na pedeana na omea kara naua igira na Israel, mi tana tagu gua e dou vania na nauana; migira na Sebulun: ara 50,000 na mane ara lavu nogo tana vailabu, mara tamaninogoa pipi moa vatana na vangana na vailabu mara padakuti matena moa na sangaana a David; migira na Naptali: ara 1,000 na taovia tagao kolugira 37,000 na mane ara tangolinogoa niqira tako ma niqira bao; migira na Dan: ara 28,600 na mane ara dona dou na aqona na vailabu; migira na Aser: ara 40,000 na mane ara totu vangarau matena na vano tana vailabu; Mi tugira na puku tabana i longa na Kô Jordan, tugira na Ruben, ma na Gad ma na Manase Tabana i Longa: ara 120,000 na mane ara dona na gini aqo pipi moa vatana na vangana na vailabu.

1 Samuel 28:17

Na Taovia e manalinogoa vanigo na omea aia e tsarivanigo tana mangaqu inau: aia e adiligi tanigo nogo nimu aqo taovia tsapakae me sauvaninogoa a David na tugumu igoe.

Nina Papi Ko Rut 1:17

Iava moa ko mate igoe, i tana inau goto kau mate, mi tana nogo sauba kara qiluau. !Au vatsa i matana nimu God igoe, laka e utu goto ke kesa na omea tangomana ke votaau tanigo igoe! Na mate moa ti sauba ke votakaita.”

2 Samuel 19:13

Ma David e tsarivanikaira goto kara ka tsarivania a Amasa, “Igoe goto kesa na kamaqu. Ke tû i dani eni me ke bâ, inau au mologo igoe ko tagaovigira niqu mane vaumate na tuguna a Joab. !Maia God ke labumatesiau inau ti kau tau naua!”

2 Samuel 3:35

Mi tana dani popono ia, migira na tinoni ara raiginia a David laka ke mutsa, maia David e gini vatsa me tsaria, “!God ke labumatesiau inau ti kau gania sa omea ti ke sui na dani i dani eni!”

1 Samuel 25:22

!Aia God ke labumatesiau inau ti kau tau labumatesigira sui lakalaka na mane girani ti ke tsau tana matsaraka!”

1 Samuel 14:44

Ma Saul e tsarivania, “!God ke labumatesiau inau ti ko tau mate igoe a Jonatan!”

1 Samuel 3:17

Ma Eli e veisuâ, “?Ma nagua e tsarivanigo na Taovia? Ko laka goto na poivaniaqu sa omea. Sauba God ke kedego kakai ti vaga ko tau tsarivaniau pipi na omea sui aia e tsarivanigo.”

2 Samuel 19:14

Ma nina goko vaga ia a David ara rongomingao sosongolia igira sui na tinoni tana Juda, mara mologokona bâ vania ke visumai kolugira sui nina mane sasanga.

1 Taovia Tsapakae 2:23

Mi tana ma Solomon e tû me vatsa tana asana na Taovia me tsaria, “!God ke labumatesiau nomoa inau ti vaga a Adonija ke tau mate i dani eni nogo rongona aia e nongia i koniqu na omea vaga ia!