2 Samuel 23:3 - Ghari

³ Aia na God ni Israel e goko nogo; maia segeni nogo niqira reitutugu igira na Israel e tsarivaniau: “Kalina kesa na taovia tsapakae e dona na gini tagao na pedegoto, me naua nina aqotagao tana kukuni tania God,

2 Samuel 23:3 Referans Kwoze

2 Samuel 22:32

Na Taovia aia segenina moa e God; God segeni moa aia nida isutugu.

Na Vaolusi Ketsa 32:4

“Na Taovia aia nogo nimui isutugu susuliga, e doulaka me gotolaka pipi sui tana nina omeomea. Nimui God e gotolaka me mana saviliu; maia e naua moa na omea e mana me goto.

Binaboli 18:21

Ma na kamagana ia, e dou ti ko viligira kara visana na mane dou, igira ara kukuni tania God mara tinoni nonoru, mara tau dona na adiqolona na sanga pede kesa tabana, mo ko mologira kara ida vanigira na tinoni: visana kara ida vanigira na toga, visana vanigira na sangatu, ma na tsege sangavulu ma na sangavulu.

Hibru 1:8

Mi tana goko e kalea na Dalena segeni nogo, God e tsaria: “!Nimu tamani, igoe Taovia God, sauba ke totu kalavata, me utu ke sui! O tagaovigira nimu tinoni tana pede goto.

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Linge 72:2

rongona aia ke pede gotosiginigira nimu tinoni, me ke tagaovidouginigira igira ara bingi sekoligira.

Linge 42:9

Au tû, mau tsarivania God aia e reitutuguau, “?Matena gua te o padaleau igoe? ?Egua vaga ti niqu aqo moa inau kau tsodorota babâ vaga ia tana niqira tobaseko ara naua vaniau igira gaqu gala?”

Tuturigana 33:20

Maia e logoa kesa na belatabu i tana me tangomalavuginia El niqira God na Israel.

Jeremia 23:5

Ma na Taovia e tsarigotoa, “Eo, e varangi nogo ke laba na tagu i tana inau sauba kau vilia kesa na kukuana a David, aia na tinoni dou me gotolaka nina sasaga, ke lia na taovia tsapakae. Maia sauba ke tagao sasaga, me ke naua moa na omea e dou me gotolaka vanigira na tinoni sui.

Isaia 32:1

Kesa dani sauba ke totu kesa na taovia tsapakae aia ke tagaolaka, migira sui na tagaovera kara gini tagao na pedegoto.

Goko Tabana 31:9

Ko goko tuguqira na tinoni vaga gira, migoe ko lia na tinoni pede gotolaka. Ko isutuguqira na tinoni ara tau tamanina sa omea migira goto ara kili sasanga.”

Linge 110:2

Sauba na Taovia ke tû i Sion me ke pabovanigo gamu susuliga, me ke tsaria: “Igoe ko tagaovi kaputigira gamu gala.”

Nehemia 5:14

I laona e sangavulu ruka na ngalitupa, tana tagu popono inau au taovia tagao tana Juda, e tû tana rukapatunina ngalitupa e taovia tsapakae a Artaserkses me tsau tana tolu sangavulu rukanina ngalitupa nina aqo tagao, atsa moa inau migira na kamaqu, ami tau goto adia sa qolo na matena niqu aqo tagao gana na voliginiana gamami mutsa.

Binaboli 20:2

“Inau na Taovia nimui God minau nogo au adirutsumigamu tania na Ejipt i tana igamu amu totu tseka.

Binaboli 3:15

Ko tsarivanigira na tinoni ni Israel laka inau, na Taovia niqira God igira na mumuaqira, ma tu niqira God a Abraham, ma Isaak ma Jakob, au mologo bâ vanigira. Iani nogo na asaqu na dani ma na dani; maia nogoria kara soaginiau vaga igira na vatavata sui kara botsamai i muri.

1 Taovia Tsapakae 10:9

!Tsonikaea na Taovia nimu God! Aia e sauvulagia laka aia e reingaogo igoe te e mologinigo ko lia gaqira taovia tsapakae na tinoni ni Israel. Mi tana rongona e totu saviliu nogo nina galuve vanigira na Israel, te aia na Taovia e mologinigo mo lia gaqira taovia tsapakae, rongona igoe ko gini vaturia na goto ma na pedelaka i laoqira nimu toga.”

Nina Papi A Job 34:17

?Laka tangomana kesa, aia e reisavia na pedegoto, ke tagaovi gotosigira na tinoni? ?Mo padâ laka e tugugo igoe na kedeana God, aia e gotolaka me susuliga sosongo?

Linge 72:1

God ko sasania na taovia tsapakae me ke gini dona na pedegoto; ko patakoluginia nimu pedegoto segeni nogo igoe,

2 Samuel 8:15

A David e tagaovi kaputia na Israel popono me tovoa pipi kalina ke pedegoto me ke pedeatsa vanigira nina tinoni.