2 Samuel 22:4 - Ghari

⁴ Inau au soâ na Taovia, maia e laumaurisiau tania na limaqira gaqu gala. !Tsonikaea na Taovia!

2 Samuel 22:4 Referans Kwoze

Linge 18:3

Inau au ngangaidato vania na Taovia, maia e laumaurisiau tania na limaqira gaqu gala. !Tsonikaea na Taovia!

Na Katemai 5:12

Mara lilinge loki mara tsaria, “!Aia na Dalena Sipi ara labumatesinogoa, e ulagana sosongo nomoa ke tagao susuliga, me ke tamanina na omea danga, me ke sasaga loki, me ke susuliga liuliu baa, migira na tinoni sui kara soalokia, ma kara tsonikaea ma kara soadatoa!”

Roma 10:13

E vaga ara marenogoa tana Mamare Tabu, “Pipi asei ti ke nongia na Taovia ke sangaa sauba ke mauri.”

Linge 116:2

Aia e rongomiau pipi kalina au ngangaidato vania.

Linge 96:4

Na Taovia e loki tsapakae, me ulagana sosongo nomoa igita ka tsonikaea; aia nogo igita ka kukuni loki tania liusigira bâ na god tavosi

Linge 48:1

Na Taovia e loki me ulagana kara tsonikae sosongolia bâ i laona nina verabau nida God, tana nina vungavunga tabu.

Na Katemai 4:11

“!Igoe nimami Taovia ma nimami God! Me ulagana sosongo kami tsonikaego, ma kami padamamavasigo ma kami katea na susuligamu loki. Rongona igoe nogo o volagira pipi sui lakalaka na omea, mi tana nimu kili nogo igoe te ara botsamai mara mauri na omea sui.”

Linge 116:17

Me sauba kau savori vanigo na kodoputsa na mani soadouamu ma kau saudatoa niqu nonginongi vanigo.

Linge 116:13

Sauba kau savori vania na sausau na uaeni na mani soadouana rongona aia e maurisiau.

Linge 116:4

Te au tû, mau ngangaidato vania na Taovia mau tsaria, “!Taovia au ngasugo ko maurisiau!”

Linge 106:2

?Asei nomoa tangomana ke tsarivulagia pipi na omea loki sui aia e naugira nogo? ?Masei sagata e tugua ke tsonikaea vaga e ulagana?

Linge 66:2

!Lingena na tsonikaeana na asana tabu; katevulagia gana tangirongo!

Linge 56:9

Tana dani ti kau soago, migoe sauba ko tsialigigira gaqu gala ma kara tsogo sui. Minau au dona nogo laka God aia e totu tabana koniqu inau

Linge 55:16

Minau au soâ na Taovia God laka aia ke sangaau, maia sauba nomoa ke maurisiau.

Linge 50:15

Kamu soaau tsaku kalina ti ke laba vanigamu sa omea seko, minau sauba kau maurisigamu, mi tana nauvaganana ia, ti igamu kamu gini tsonikaeau manana inau.”

Linge 34:6

Igira e tagara kesa ke sangagira ara soâ na Taovia, maia e rongomigira; me maurisigira tania pipi sui niqira rota.

Nehemia 9:5

Mi muri mara visana na Levite ara soagira na tinoni kara mai lotu vania God: tugira nogo a Jesua, ma Kadmiel, ma Bani, ma Hasabneia, ma Serebia, ma Hodia, ma Sebania ma Petahia. Mara tu tsaria: “!Kamu tû ma kamu tsonikaea na Taovia nimui God na dani ma na dani! Na tinoni sui kara tsonikaea na asana tabu, atsa moa ti ke tagara goto sa nina tsonikae na tinoni ke ulagana.”

2 Turupatu Dato 20:22

Mi kalina igira ara tuturiga moa na linge, ma na Taovia e naua migira na mane vaumate ara maimai na bokiana na Juda ara viri matagu lê sui.