2 Samuel 22:3 - Ghari

³ Niqu God aia nogo e reitutuguau, mi konina nogo ia inau au totu raviravi dou. Aia e dilaau vaga moa na tako; maia nogo e isutuguqu me ravisiau. Aia nogoria niqu vagamauri; e reitutuguau me maurisiau tanigira na tinoni vanga tangopeke seko.

2 Samuel 22:3 Referans Kwoze

Linge 9:9

Na Taovia aia niqira raravi igira ara bingi sekoligira, maia niqira nauna agana na tsogoravi kalina ti ke laba na tagu seko.

Isaia 12:2

God aia nogo niqu vagamauri. Maia moa sauba kau norua, ma kau gini tau goto matagu. Na Taovia aia nogo na susuligaqu ma niqu vagamauri.

Goko Tabana 18:10

Na Taovia e vaga moa na kusudato susuliga, i tana tangomana kara ba totu raviravi igira e gotolaka niqira sasaga.

Goko Tabana 30:5

“God e manalia pipi sui na veke aia e naugira. Me dilagira na tinoni ara ba toturavi i konina, vaga nogo na tako e dilâ na mane vaomate tana tagu na vailabu.

Linge 46:11

Aia na Taovia Susuliga Sosongo e totu i konida igita; nina God a Jakob aia nogo e ravisigita.

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Na Vaolusi Ketsa 33:29

!Igamu na Israel, kamu magemage dou! E tagara goto sa puku tinoni ke atsa kolugamu igamu, igamu nogo na puku na Taovia e laumaurisigamu. Na Taovia segenina nogo aia nimui tako ma nimui isi, gana ke isutugumui me ke sangagamu kamu gini tangomana. Igira gamui gala sauba kara nongigamu kamu galuvegira, migamu sauba kamu tsogori tsunaligira.”

Tuturigana 15:1

Kesa tana tagu i muri, ma na Taovia e goko vania a Abram tana moro me tsarivania, “A Abram ko laka na matagu. Inau sauba kau dilago tanigira sui na omea seko, ma na pelumu sauba ke loki sosongo.”

Hibru 2:13

Me tsarigotoa: “Minau sauba kau noru saikesalia moa God.” Me kesa goto tana tsaqina tavosi aia e tsaria: “Iani nogo inau, kolugira na dalequ sui God e tusugira vaniau.”

Luka 1:69

E manogati vanigita nogoa kesa na Vagamauri susuliga, aia e talu tana puku konina a David nina maneaqo.

Linge 144:2

Aia nogo e reitutuguau me isutuguqu, me ravitiau me vagamaurisiau, mi konina nogo aia au totu raviravi dou. Maia e mologira na puku sui tana limaqu inau.

Linge 59:16

Minau sauba kau lingena tana rongona na susuligamu igoe, niqu God, me pipi tana matsaraka inau sauba kau gini linge loki tana rongona nimu galuve vo oli. Igoe nogo niqu mani tsotsovata mo ravisiau tana tagu e gadoviau na rota.

Linge 14:6

Na tinoni vanga nauseko ara tovoa laka kara utusia nina aqo na tinoni palatsuna, ma na Taovia aia segeni nogo e sogogana.

Jeremia 16:19

Taovia, igoe nogo o reitutuguau mo susuligasiau; migoe goto nogo o sangaau tana tagu e gadoviau na rota loki. Migira na puku sui pipi sui tana nauna, tû kesa tabana na barangengo, me tsau bâ tabana, sauba kara mai ma kara tsaria, “Niqira god na mumuamami igami na god peropero moa. E utu saikesa kara naua sa omea kara sangaginigami.

Isaia 32:2

Pipi kesa vidaqira sauba ke vaga kesa nauna i tana igira na tinoni kara tsogoravi tania na guguri ma na legai. Me sauba kara vaga na kô e tatave i laona na kaomate, me vaga goto na auauna kesa na maragova dato ao i levugana na kaomate.

Linge 140:4

Taovia, ko maurisiau tania na limaqira na tinoni vanga tsutsukibo; ko laumaurisiau tanigira na tinoni vanga tangopeke seko, igira ara vorogokona na tsogori pukaliaqu.

Linge 55:9

!Taovia ko virisia niqira goko igira gaqu gala! Au reia niqira kore loki ma niqira galagugû na tinoni danga i laona na verabau,

Linge 46:7

Aia na Taovia Susuliga Sosongo e totu i konida igita. Nina God a Jakob aia nogo e ravisigita.

Luka 1:71

laka aia ke maurisigita tanigira gada gala, me tania na limaqira igira sui ara reisavigita.

Linge 140:11

Ko laka goto na tamiana ke managaqira igira ara dona na keliseko; mo ko naua me ke kesa na omea seko ke gadovigira na vanga tsaikore ma kara mate.

Linge 140:1

Taovia, ko maurisiau tanigira na tinoni seko; ko laumaurisiau tanigira na tinoni vanga tangopeke seko.

Linge 86:14

Niqu God, igira na tinoni kaekae ara tau goto kuti na mai sailagi na sekoliaqu; e kesa na alaala popono igira na vanga sekoli tinoni ara tovoa laka kara labumatesiau inau, migira ara tau goto dona kara boeginigo igoe.

Linge 84:11

Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

Linge 84:9

God, ko vangalaka vania nimami taovia tsapakae, aia na taovia tsapakae igoe o vilinogoa.

Linge 72:14

E laumaurisigira tania na limaqira igira ara bingi sekoligira mara rotasigira; rongona aia e padaloki sosongolia na mauriqira igira.

Linge 71:7

Danga na tinoni ara morosia na omea ara laba vaniau inau, mi tana nogo igira ara gini dona laka igoe nogo o susuliga mo ravisiau.

Linge 61:3

rongona igoe nogo niqu reitutugu, o susuliga mo sugutigira gaqu gala.

Linge 46:1

God aia nogo nida raravi ma na susuligada, e totu varangisigita me vangaraua na sangaada tana tagu na rota.

Linge 28:7

Na Taovia e reitutuguau me isutuguqu sailagi; minau au noru saikesalia. Maia e sangaau me naua mau gini totu tana magemage; minau au tsonikaea tana linge na magemage dou.

Linge 27:5

I laona na tagu na rota aia sauba ke ravisiau. Aia sauba ke moloau kau totu raviravi dou i laona nina Vale Tabu, me ke molokaeau ma kau totu dou i kelana na vatu loki.

Linge 5:12

Rongona igoe Taovia o vangalaka vanigira igira ara muridoua na gokomu; ma nimu galuve e dilagira vaga nogo ti na tako.

Linge 3:3

Migoe saikesa moa Taovia, o vaga gaqu tako; o sangaau mau gini tangomana, mo malagaisiau mau gini tukakai.

2 Samuel 22:51

God e saua na tangomana loki sosongo vania nina taovia tsapakae; me sauvulagia nina galuve vô oli vania aia e vilinogoa, me vaninogoa a David migira na kukuana na dani ma na dani.

2 Samuel 22:49

me maurisiau tania na limaqira gaqu gala. Eo Taovia, igoe nogo o sangaau te au gini tangomana na tuliusiaqira gaqu gala, mo isutuguqu tanigira na tinoni vanga tangopeke seko.

1 Samuel 2:1

Maia ko Hana e nonginongi vaga iani: “!Na Taovia e dangaliginia na tobaqu na magemage; mau gini mage sosongo tana rongona na omea aia e nauvaniau! !Inau au kiataginigira gaqu gala me gini mage sosongo na tobaqu tana rongona aia God e sangaau.

Na Vaolusi Ketsa 32:37

Mi muri ma na Taovia sauba ke veisuagira nina tinoni, ‘Iava ara ba liu igira na god susuliga igamu amu norugira ri?

Titus 3:6

God e reo tsunamaia i konida danga sosongo nina vangalaka na Tarunga Tabu, na matena nogo nina aqo a Iesu Kristo nida Vagamauri.

Titus 3:4

Baa, mi kalina e labavulagia nina vangalaka ma nina galuve God nida Vagamauri, maia nogo e suivisugita.

Luka 1:47

ma na tobaqu e gini magemage rongona God niqu Vagamauri,

Jeremia 16:9

Ko rongomi vatavidoua na omea inau na Taovia Susuliga Sosongo, na God ni Israel, kau tsarivanigo. Inau sauba kau muisia na leleona na magemage ma na kiakia, ma na tatangina na magemage na kavomutsa na tauga. Me sauba ko morosia kara laba na omea girani kalina igoe o mamauri moa.

Isaia 45:21

Kamu mai, ma kamu vaigokovigi talu, mi muri ma kamu sauvulagia nimui gogoko tana tinete. ?Laka asei nomoa e kate idanogoa i sau vasau na omea sauba ke laba? ?Me laka e tau inau nogo na Taovia, aia na God e laumaurisigira nina tinoni? E tagara goto sa god tavosi.

Linge 32:7

Taovia igoe nogo niqu mani taopoi. Me sauba igoe ko maurisiau tania na omea seko sui. Au lilinge dato vanigo rongona igoe nogo o maurisiau, mo reitutuguau dou.

Linge 142:4

Mi kalina au moro bamai i ligisaqu, mau tau nogo reia ke kesa ke sangaau, tagara goto ke kesa ke reitutuguau, se ke boeginiau.

Na Vaolusi Ketsa 32:4

“Na Taovia aia nogo nimui isutugu susuliga, e doulaka me gotolaka pipi sui tana nina omeomea. Nimui God e gotolaka me mana saviliu; maia e naua moa na omea e mana me goto.

1 Samuel 2:2

“E tagara ke kesa ke tabu loki vaga na Taovia; me tagara ke kesa ke atsalina aia, me tagara goto ke kesa ke reitutugugita dou vaga e naua nida God.

2 Samuel 22:31

!Na God iani e gotolaka pipi nina aqo aia e naua, ma nina tsaqina goko sui ara mana saikesa! Aia e vaga saikesa nogo ti na tako vanigira igira sui ara ba totu raviravi i konina.

2 Samuel 22:47

!Na Taovia aia e totu mamauri manana! !Tsonikaea aia niqu reitutugu! !Katevulagia gana loki tsapakae God susuliga aia e maurisiau!

2 Samuel 23:3

Aia na God ni Israel e goko nogo; maia segeni nogo niqira reitutugu igira na Israel e tsarivaniau: “Kalina kesa na taovia tsapakae e dona na gini tagao na pedegoto, me naua nina aqotagao tana kukuni tania God,

Binaboli 15:2

Na Taovia aia nogo e isutuguqu; aia segenina nogo e laumaurisiau. Aia nogo niqu God, minau sauba kau tsonikaea, aia nina God na tamaqu, ma kau linge tana rongona gana loki tsapakae.

Linge 9:10

Igira ara donaginigo Taovia, sauba kara norugo, rongona e utu vanigo igoe ko tsonilegira igira ara mai i konimu.

Linge 46:2

Vaga ia, me sauba e utu goto igita ka matagu, atsa moa ti vaga na barangengo ke kasisi popono, ma na vungavunga kara luvu takuti i laona na mao rodo.