2 Samuel 2:4 - Ghari4 Mi muri, migira na tinoni ni Juda ara mai i Hebron, mara ninaginia a David na oela maia e lia na taovia tsapakae tana Juda. Mi kalina a David e rongomia laka igira na tinoni ni Jabes tana Gilead ara qilunogoa a Saul, Gade chapit la |
Mi tana, migira sui na ida tana Israel ara mai i Hebron i matana a David na taovia tsapakae. Mara tû mara nausaia niqira veke i matana God, laka aia David ke tagaovigira migira kara muridoua nina goko. Mi muri mara ninaginia a David na oela, maia e lia na taovia tsapakae tana Israel, vaga nogo na Taovia e vekenogoa tana mangana a Samuel.
Mi kalina a David e totu moa i Hebron, mara danga sosongo na mane vaumate tamani sagore ara sangasage tana nina alaala na mane vaumate, gana kara sanga na molokaeana a David ke lia na taovia tsapakae na tuguna a Saul, vaga e vekenogoa na Taovia. Iani nogo e vaga na dangaqira: Igira na Juda: ara 6,800 na mane ara tamani tovu niqira tako ma niqira bao; migira na Simeon: ara 7,100 na mane vaumate ara dona dou na aqona na vailabu; migira na Levi: ara 4,600 na mane; migira ara tsarimurina a Jehoiada na kukuana a Aaron: ara 3,700 na mane; migira na kamana a Sadok aia kesa na mane vaolu e malagai sosongo tana vailabu: ara 22 na tinoni lokiloki; migira na Benjamin, nina puku segeni nogo a Saul: ara 3,000 moa na mane, rongona na dangana na tinoni tana puku konina a Benjamin ara totukakai moa i konina a Saul; migira na Epraim: ara 20,800 na mane ara tangirongo i laona niqira duli segeni; migira na Manase Tabana i Tasi: ara 18,000 na mane ara viligira kara ba molokaea a David ke lia na taovia tsapakae; migira na Isakar: ara 200 na mane tagao, kolugira na mane ara totu i vavana niqira tagao ma na mane tagao girani ara dona dou na pedeana na omea kara naua igira na Israel, mi tana tagu gua e dou vania na nauana; migira na Sebulun: ara 50,000 na mane ara lavu nogo tana vailabu, mara tamaninogoa pipi moa vatana na vangana na vailabu mara padakuti matena moa na sangaana a David; migira na Naptali: ara 1,000 na taovia tagao kolugira 37,000 na mane ara tangolinogoa niqira tako ma niqira bao; migira na Dan: ara 28,600 na mane ara dona dou na aqona na vailabu; migira na Aser: ara 40,000 na mane ara totu vangarau matena na vano tana vailabu; Mi tugira na puku tabana i longa na Kô Jordan, tugira na Ruben, ma na Gad ma na Manase Tabana i Longa: ara 120,000 na mane ara dona na gini aqo pipi moa vatana na vangana na vailabu.
Mi muri, ma Jehoiada e adirutsumia a Joas i tano, me moloa gana kepi na taovia tsapakae i lovana, me sauvania na papi na vavanona nina aqo na taovia tsapakae. Mi muri, maia e ninaginia a Joas na oela tabu, me katevulagia laka aia e lia nogo na taovia tsapakae. Migira na tinoni ara tapotapo, mara gugudato mara tsaria, “!Ke mauri oka a Joas na taovia tsapakae!”