2 Samuel 2:13 - Ghari

¹³ Maia Joab, aia na dalena ko Seruia, kolugira goto visana nina mane sasanga a David, ara ba tsodogira kesa tana maomao. Mi tana migira sui ara totupuka i lao, kesa alaala kesa tabana na maomao ia me kesa alaala ara totu i tabana.

2 Samuel 2:13 Referans Kwoze

1 Turupatu Dato 2:16

Maia Jese e tamanikaira goto ruka na dalena daki, kaira ko Seruia ma ko Abigail. Maia ko Seruia na dalena a Jese e vasutugira tolu na dalena mane: tugira a Abisai, ma Joab ma Asahel.

2 Samuel 8:16

Maia Joab na dalena ko Seruia e taovia tagao vanigira na mane vaumate; ma Jehosapat na dalena a Ahilud aia e reitutugugira na papi tana ara maretsunagira pipi sui na omea ara laba;

Jeremia 41:12

mi tugira kolugira sui niqira tinoni ara tû mara takuvitsaria aia, mara ba tsaulia i ligisana na maoutu i Gibeon.

1 Turupatu Dato 11:6

Ma David e tsaria, “!Aia ke ida ke matesia kesa na Jebus sauba aia nogo ke lia na taovia tagao vanigira sui na alaala na mane vaumate!” Ma Joab, aia na dalena ko Seruia, aia nogo e ida na matesiana kesa na Jebus, te aia e lia gaqira taovia tagao.

1 Taovia Tsapakae 1:7

Maia Adonija e bâ me goko kolua a Joab na dalena ko Seruia, me goko kolugotoa a Abiatar na manetabu, mi kaira sui ara ka tabevania nina papada.

2 Samuel 20:23

Aia Joab e taovia tagao vanigira na mane vaumate ni Israel; ma Benaia na dalena a Jehoiada e taovia vanigira nina mane matali a David;

2 Samuel 2:18

Mi tugira tolu na dalena ko Seruia ara tu totu tana: tugira nogo a Joab, ma Abisai ma Asahel. Maia Asahel e dona ke ulo tsaku vaga moa kesa na dia atsi,

2 Samuel 20:8

Mi kalina ara ba tsau tana vatu loki i Gibeon, mi tana ma Amasa e mai tsodogira. Maia Joab e sagelia gana sagore na vailabu kolua kesa na isi e totu tana basana e sori bâ tana nina beleti. Mi kalina aia e aligiri laka ke ba tsodoa a Amasa ma nina isi ia e rutsu lê tania na basana.

1 Taovia Tsapakae 2:5

“Miani goto e kesa na omea. Igoe o padatugua na omea a Joab e nauvaniau kalina aia e matesikaira gaqira taovia na mane vaumate ni Israel, kaira nogo a Abner na dalena a Ner, ma Amasa na dalena a Jeter. Mo padatugugotoa laka aia e labumatesikaira lê tana tagu e sui nogo na vailabu, e tangotuguqira igira kaira ara ka labumatesigira tana tagu na vailabu. Mi kalina eni e ngoli sosongoliau na omea ara ka naua kaira, mau gini rota loki tana rongona ka niqira sasi.

1 Samuel 26:6

Mi muri, ma David e veisuakaira a Ahimelek na Het, ma Abisai na kulana a Joab, ma ko Seruia ka tinaqira, me tsaria, “?Laka asei ka vidamui kagamu ke muriau inau na vano tana e totu a Saul?” Maia Abisai e tsarivania, “Inau nogo.”

2 Samuel 23:24

Igirani nogo na soaqira igira na tavosina i laoqira “Igira na Tolu Sangavulu”: a Asahel na kulana a Joab, ma Elhanan na dalena a Dodo ni Bethlehem, mi kaira a Sama ma Elika ni Harod, ma Heles ni Pelet, ma Ira na dalena a Ikes ni Tekoa, ma Abieser ni Anatot, ma Mebunai ni Husa, ma Salmon ni Aho, ma Maharai ni Netopa, ma Heleb na dalena a Baana ni Netopa, ma Itai na dalena a Ribai ni Gibea tana Benjamin, ma Benaia ni Piraton, ma Hidai ni tana poi ligisana i Gaas, ma Abialbon ni Araba, ma Asmavet ni Bahurim, ma Eliaba ni Saalbon, migira na dalena a Jasen, ma Jonatan, ma Sama ni Harar, ma Ahiam na dalena a Sarar ni Harar, ma Elipelet na dalena a Ahasbai ni Maaka, ma Eliam na dalena a Ahitopel ni Gilo, ma Hesro ni Karmel, ma Paarai ni Arab, ma Igal na dalena a Natan ni Soba, ma Bani ni Gad, ma Selek ni Amon, ma Naharai ni Beerot, aia nina mane kalagai sagore a Joab, mi kaira a Ira ma Gareb ni Jatir, ma Uria na Het. Igira sui kolu ara tolu sangavulu vitu na mane vaumate tangirongo.