2 Samuel 16:3 - Ghari

³ Ma na taovia tsapakae e veisua goto, “?Miava e totu a Mepiboset na kukuana a Saul gamu taovia?” Maia Siba e tsarivania, “Aia e totu moa i Jerusalem rongona aia e padakuti matena laka igira na Israel kara sauvisu vania nina tamani a Saul na mumuana.”

2 Samuel 16:3 Referans Kwoze

Iude 1:11

!Sauba ke seko vanigira nomoa igira! Ara muria nina sautu seko a Kain. Mi tana rongona moa na kiliqolo te ara tsonisage segeniqira i laona na sautu na sasi, vaga e naua a Balaam i sau. Ara petsakoe vania God vaga a Kora aia e petsakoe i sau, mara mate seko lee vaga goto aia.

Mika 7:5

Kamu laka na tutunina niqira goko gamui verakolu, se na noruaqira na kulamui. Kamu parovata dou tana omea sui amu tsaria, atsa moa ti kalina amu goko vania na taumui.

Goko Tabana 21:28

E utu kara tutunina nina goko kesa e dona na goko pero tana pede, mara tabea nina goko kesa aia e dona na vilekedouana talu na omea ti e goko.

Goko Tabana 1:19

Me ke vaga goto vanigira na tinoni vanga tangopeke ma na vanga komi, sauba nomoa kara gini mate niqira tangopeke ma niqira komi.

Linge 101:5

Sauba kau suilavaginia nina guguri aia e vaitsari gaqira popoi na tinoni tavosi; me utu goto kau berengiti kolua na tinoni vanga kaekae me dona moa na padaloki segenina.

Linge 88:18

Migoe o naua migira goto na kulaqu varavara ara gini vanoligi taniau sui, ma na rodo pulipuli aia moa ngiti gaqu duli inau.

Linge 15:3

me vô na keli pero. Maia e tau naua kesa na omea ke seko vanigira na kulana, me tau goto dona ke govula gaqira goko bamai igira gana verakolu.

Binaboli 20:16

“Kamu laka na keli seko vaniana na kulamui.

2 Samuel 16:4

Ma na taovia tsapakae e tsarivania a Siba, “Pipi sui lakalaka na omea e tamanina a Mepiboset nimu tamani nogo igoe.” Ma Siba e tsaria, “Inau nimu maneaqo. !Au amesia laka kau dou sailagi i matamu igoe taovia!”