2 Samuel 13:5 - Ghari

⁵ Ma Jonadab e tsarivania, “Me dou ko liu vaga iani ti ko gini tangomana. Ko gini malapalu laka o lobogu loki mo ko ba tsaro i nigemu. Mi kalina na tamamu ke mai na reiamu mo ko tsarivania, ‘Kiki ko nongia ko Tamar na tasiqu ke mai palaau. Au ngaoa aia ke mai me ke vangaraua na mutsa ieni i mataqu gana kau reiginia, maia segenina goto ke palaau.’ ”

2 Samuel 13:5 Referans Kwoze

Aqoaqo 23:15

Vaga ia, ma nimui aqo igamu na taovia na lotu kolugira nimui sasanga, kamu mologoko baa vania na taovia na malagai ni Roma laka aia ke aditsunamai vanigamu a Paulo, ma kamu peroginia laka amu ngaoa kamu dona dou baa laka nagua manana e naua aia. Mi tana ti igami kami totupitua, ma kami labumatesia i sautu.”

Goko Tabana 19:27

Dalequ, ti vaga ko mango na sasani, me sauba ke tau oka mo ko padalegira sui na omea igoe o donaginigira nogo.

2 Samuel 16:21

Ma Ahitopel e tsarivania, “Ko bâ mo ko maturu kolugira na savana lê na tamamu, igira aia e molovisugira kara reitutugua na valena. Mi tana nauvaganana ia ti igira sui tana Israel sauba kara donaginia laka igoe o naua me gini reisavi sosongoligo na tamamu, migira ara tsarimurimu kara gini malagai dou bâ.”

2 Samuel 13:4

Ma Jonadab e tsarivania a Amon, “?Igoe na dalena na taovia tsapakae, megua vaga ti e pipi moa na dani au reigo o melu sosongo vaga ia? ?Nagua vaga e laba vanigo?” Ma Amon e tsarivania, “Inau au gini rota sosongo na ngaoana ko Tamar na tasina a Absalom na kulaqu savusavu.”

2 Samuel 13:6

Me vaga ia, ma Amon e gini malapalu laka e lobogu loki me ba tsaro i nigena. Mi kalina a David na taovia tsapakae e ba tsigovia, maia Amon e tsarivania, “Kiki, ko tamivania ko Tamar ke mai me ke aqosivaniau ke visana na bredi tetelo ieni i mataqu. Mi muri maia segenina nogo ke palaau.”