2 Petero 3:10 - Ghari

¹⁰ Nina Dani na Taovia sauba ke tavongani labamai vaga saikesa nogo ti na mane komi. Mi tana Dani ia na baragata sauba ke nangaligi tana leleo loki ma na kabakutu. Migira na omea sui tana masaoka kara iru tana lake, ma kara nangaligi saikesa. Ma na barangengo me pipi sui na vangana i laona kara tavongani nanga lee sui.

2 Petero 3:10 Referans Kwoze

Na Katemai 21:1

Mi muri, mau reia na baragata vaolu ma na barangengo vaolu. Kaira sui na baragata ida ma na barangengo ida ara ka nangaligi lee sui nogo, me nanga le goto na tasi.

Mateo 24:35

Na baragata ma na barangengo sauba kara ka nangaligi lee. Ma niqu goko inau, e utu saikesa kara nangaligi.

2 Petero 3:7

Ma na baragata ma na barangengo ni dani eni, kaira sui ara ka gini totu kesa moa nina tsaqina goko God, agana na lake ke gini ganikaira goto kesa dani. Eo, sauba kara ka totu vaga ia, poi ke tsau tana dani tana God ke pedekaira, ma kara gini luvu lee sui igira na tinoni ara dona na peana na mangana God.

Na Katemai 16:15

Mi tana e tuu na Taovia me tsaria, “!Kamu rorongo dou! !Inau sauba kau mai vaga na mane komi! !Ke dou baa vania aia e totu mamata me piqu kakaia na pipisina, rongona ke tau tavero lee, me ke gini vangamaa na liu malaiole i mataqira na toga!”

Isaia 51:6

Kamu morodato tana masaoka; ma kamu morosigotoa na barangengo. Na masaoka sauba ke nangaligi lê vaga moa na pungu, ma na barangengo sauba ke tapuripuri lê vaga moa na polo ngutanguta, migira sui na tinonina sauba kara viri mate vaga moa na lango. Minau moa e utu ke sui niqu aqo na laumaurisi tinoni, niqu tangomana sauba ke totu saviliu.

1 Tesalonika 5:2

Migamu segenimui nogo amu donadounogoa laka nina Dani na Taovia sauba ke labamai vaga nogo na manekomi e mai tana bongi.

Marko 13:31

Na baragata ma na barangengo sauba kara ka nangaligi lee, ma niqu goko inau e utu saikesa kara nangaligi.

2 Petero 3:12

Iani nogo e vaga na omea kamu naua na mani pituana na maiana nina Dani God, aia igamu amu amesia laka ke labamai tsaku. Maia nogo na Dani ia, i tana sauba ke iru na baragata me ke gini nangaligi lee, migira na omea sui tana masaoka kara gini rapa lee tana paparana na lake loki ia.

Isaia 34:4

Na aso, ma na vula, ma na veitugu sauba kara puka ma kara lia lê na papasa. Ma na masaoka sauba ke tabuni lê, vaga moa kalina ara virua na viviruna na papi, migira na veitugu sauba kara dudu lê, vaga moa kalina e rasa na gai me dudu na rauna, se na rauna na itai na uaeni.

Na Katemai 3:3

Kamu padatugua na omea ara sasaniginigamu mamu rongominogoa. Kamu murigira ma kamu piloligi tanigira nimui sasi. Me ti vaga kamu tau parovata minau sauba kau mai i konimui vaga saikesa na tinoni komi, me sauba e utu kamu donaginia na taguna tana inau sauba kau labamai.

Luka 12:39

“Eo, mamu dona laka ti vaga kesa na tamanina na vale ke donaginia na tagu tana ke mai na mane komi, maia sauba e utu ke tamivania ke ratsia na valena.

Linge 102:26

Migira na omea sui, sauba kara nangaligi lê kesa dani, migoe moa sauba ko totu saviliu; eo, sauba kara nguta lê igira sui vaga moa na polo. Migoe sauba ko tsoniligigira lê vaga moa na polo ngutanguta, me sauba kara nanga lê sui.

Na Katemai 20:11

Mi muri, mau reigotoa kesa na sasana na totukae, e loki me sere, ma na tamanina e totu kaekae i konina. Mi kalina kaira sui na barangengo ma na baragata ara morosi vaganana ia, mara ka mataguni sosongolia, mara ka tsogoligi tania, mara ka ba nanga lee saikesa.

Nahum 1:5

Migira na vungavunga ara kakasisi i matana na Taovia, ma na tetena ara viri rono mara lia lê na kô. Eo, na barangengo e kakasisi popono kalina na Taovia e labamai, ma na tinoni sui ara viri gagariri tana matagu.

Joel 2:31

Me ke rodo na aso, ma na vula ke tsitsi vaga moa na gabu. Igirani nogoria na omea kara laba ida talu ti ke laba na dani mamataguniga, na Dani i tana ke labamai na Taovia.

Amos 9:5

Na Taovia God Susuliga Sosongo e pelea moa na barangengo, me gini kasisi; migira sui ara mauri i laona ara tangitangi. Ma na barangengo popono e tsobodato me pukaluvu tugua vaga moa na Kô Nile.

1 Korint 5:5

E dou ti ka molo baa na mane ia vania Satan, maia ke matesia na konina e tsukivania me gini puka tana sasi. Ma na tidaona ia, igita ka amesia ke tsodoa na mauri tana Dani na Pede, tana ke visumaitugua nida Taovia.

Mika 1:4

Migira na vungavunga sauba kara viri rono lê sui i vavana na tuana aia, vaga moa na kadele kalina ara moloa tana lake, me sauba kara viri nara bamai tana poi popono, vaga moa na kô e sarara tsuna talu i kelana na tetena.

Isaia 24:19

Ma na barangengo sauba ke tapavotâ me ke tarutu.

Linge 97:5

Migira na vungavunga ara rono lê vaga moa na kadele kalina e iru, i matana na Taovia aia e tagaovia na barangengo popono.

Amos 9:13

Me tsarigotoa na Taovia, “Ara maimai nogo na dani, i tana kara dato magobu dou na omea tsukatsuka, me ke tau vati sui moa na pipitsu, me ke raratugua na uta, ma kara mada danga sosongo na vuana uaeni, me ke tau moa vati sui na rapasiaqira ma kara mada goto visana. Ma na kona na uaeni puipui sauba ke kukudu tsuna tana vungavunga, me ke tatave tana tetena.

Joel 2:1

Kamu uvia na tavuli, ma kamu taia na kuku tana Sion, aia nina vungavunga tabu God. !Kamu gariri igamu na tinoni tana Juda! Nina dani na Taovia e maimai varangi nogo, na dani i tana aia ke mai me ke kedegira na tinoni ara sasi.

Joel 1:15

Nina dani na Taovia e mai varangi nogo, aia nogo na dani i tana aia na God Susuliga Sosongo ke alomaia gaqira matemate na tinoni sui. Ma na omea mamataguniga nomoa sauba ke laba tana dani ia.

Isaia 2:12

Mi tana tagu nogo ia, sauba na Taovia Susuliga Sosongo ke molotsunaligira igira sui ara susuliga, mara kaekae, mara padaloki segeniqira.

Roma 8:20

Na omea vovola sui ara gini totu sarevo, tau tana niqira kili segeni igira, ma na rongona moa God e pedenogoa ke vaga te e gini vaga.

Malaki 4:5

“Mi tana idana ke labamai nina Dani na Taovia, aia na dani loki mamataguniga, minau sauba kau molomai vanigamu a Elia na propete.

Joel 3:14

Migira na toga ma na toga na tinoni ara mailaba sui nogo tana Poi na Pede. Mi tana nogoria e varangi ke laba nina dani na Taovia.

Linge 46:6

Migira na puku tavosi ara viri matagu loki sosongo, ma na veraqira igira na taovia tsapakae sui ara viri taveo popono. Nina goko God e poda loki, ma na barangengo popono e nangaligi lê.

Iude 1:6

Ma kamu padatugugira goto visana na angelo, igira ara tau goto ngaoa na totu dodo i laona na vovorona niqira susuliga segeni vaga God e pedenogoa vanigira. Mara tuu, mara mololea na veraqira segeni. Maia God e soriginigira na itai tapala, me livugira i laona na rodo saviliu. I tana nogo kara totupitua gaqira kede tana Dani na Pede Loki.

2 Korint 1:14

mau amesia laka sauba kamu padagadovia i muri, rongona tana Dani kalina ke visumai a Iesu Kristo nida Taovia, migamu sauba kamu gini kaekae tana ka rongomami kagami, vaga goto kagami kami ka gini kaekae tana rongomui igamu.

1 Korint 1:8

Maia goto nogo sauba ke kakaisigamu tsau tana susuina, ti kamu gini totu male saviliu tana Dani tana ke visumai a Iesu Kristo nida Taovia.

1 Tesalonika 5:4

Migamu na tasimami, amu tau nogo totu tana rodo tana rongona na visumaituguana na Taovia. Te e gini utugana vania na Dani ia ke tavongani novotigamu vaga na manekomi.

2 Petero 3:11

Eo, amu dona rago nogo laka sauba kara nanga lee na omea sui lakalaka vaganana. ?Megua igamu? ?Nagua amu pada kamu naua agana na mani vangarau pituana na Dani Loki ia? Nimui aqo kamu tovoa ke dou kalavata na sasagamui, ma kamu muridoua pipi nina ketsa God.

Na Katemai 6:14

Ma na masaoka e tavongani nanga lee, vaga moa kesa na viviruna na papi ara virua, me pipi sui na vungavunga ma na momoru ara viri ratsuligi tania na sasaqira tana ara totu.