2 Petero 1:11 - Ghari

¹¹ Me ke gini ulagamui na sage kesa dani tana Verana a Iesu Kristo nida Taovia ma nida Vagamauri.

2 Petero 1:11 Referans Kwoze

Na Katemai 5:10

Igoe o naua, mara gini lia na puku manetabu gana na aqo vaniana nida God, me sauba igira nogo kara tagaovi kaputia na barangengo.”

Mateo 25:34

Mi muri kau tsarivanigira igira ara totu tana madoaqu, ‘!Kamu mai igamu, aia na Tamaqu e reingaogamu! Kamu mai, ma kamu tamanina na verana aia God e vangarau manogatinogoa vanigamu, e tuu mai nogo kalina e botsa na barangengo.

Na Katemai 3:21

Me vanigira igira e managaqira, sauba kau mologira kara totu i ligisaqu i baragata, atsa vaga inau au tangomana nogo, mi kalina eni au totu i ligisana na Tamaqu i baragata.

Hibru 6:17

God e ngaoa ke labamaka laka e utu saikesa vania ke olitugua nina pede vanigira igira sauba kara tamanina na omea aia e vekea. Te aia e tuu, me paboginia na vatsa nina veke.

2 Timoti 4:8

Mi kalina ia, e totu pituau nogo na peluna niqu mauri goto i matana God, na peluna aia nogo God na Taovia na pedegoto sauba ke sauvaniau tana Dani na Pede. Me tau vaniau segeni moa inau, me vanigira sui goto igira ara galuvea, mara pipitua na visumaiana.

Ioane 10:10

Na tinoni komikomi aia e gini mai rongona moa na komi ma na vailabu ma na ketso. Minau au gini mai gana igamu kamu gini tamanina na mauri, aia na mauri laka saikesa.

Daniel 7:27

Ma kara sauvanigira nina tinoni segeni na God Loki Tsapakae kara tamanina gaqira susuliga ma gaqira tangirongo igira na vera loki sui i laona na barangengo. Me sauba kara tangolidato sailaginia na susuliga taovia tsapakae, migira sui na tagaovera tavosi tana barangengo popono sauba kara aqo vanigira ma kara rongomangaqira.”

Epesus 3:20

Ka tsonikaea God, aia e gini aqo na susuligana loki, me dona ke naua i laoda na omea ke loki liusia pipi sui na omea e tugua ka pada igita se ka dona na nongiana i konina.

Daniel 7:14

Me tû aia e mauri saliu, me tusuvania gana mana, ma gana loki, ma gana susuliga tangirongo taovia, rongona ti pipi sui na puku, ma na mamatana tinoni ma na vatana goko kara aqo vania. Ma gana susuliga sauba ke totu saviliu, ma nina tamani e utu goto ke sui.

2 Korint 5:1

Igita dona laka kalina na valepolo igita a mauri i laona, aia nogo na konida ni lao eni, ke taratsiligi kalina ka mate, me sauba ka tamanina na konida vaolu i baragata. Maia ke vaga na vale vaolu God segenina nogo e aqosia, me tau aqosia na limana tinoni, ma na konida vaolu ia sauba ke totu saviliu.

2 Petero 1:1

Inau nogo a Simone Petero, nina maneaqo ma nina apostolo a Iesu Kristo, au marea na leta iani vanigamu sui, igamu amu adinogoa na vangalaka putsikae na tutuni atsa kolugami igami: laka nida God ma nida Vagamauri a Iesu Kristo aia segeni moa e gotolaka saviliu.

Isaia 35:2

Na kaomate sauba ke lilinge me ke gudato tana mage; me sauba ke rereidou saikesa vaga nogo na Vungavunga ni Lebanon, migira na omea tsukatsuka i laona sauba kara dato magobu dou saikesa, vaga moa i laona na uta tana Vungavunga Karmel, mi tana poiatsa ni Saron. Mi tana tagu ia migira na tinoni sui sauba kara reivulagia gana loki tsapakae na Taovia, ma na susuligana loki nida God.

Isaia 9:7

Ma gana susuliga sauba ke dato babâ saviliu; ma na verana sauba ke totu sailagi moa tana rago. Maia sauba ke tagao na tuguna a David na taovia tsapakae, me ke vaturia gana susuliga tana sasaga gotolaka ma na pedegoto, ke tû kalina eni me ke ba saviliu tsau tana susuina na dani. Na Taovia God Susuliga Sosongo e padakuti matena nogo laka sauba nomoa ke naua ma kara laba na omea sui girani.

Linge Na Galuve 5:1

Igoe na kosuqu popono ma niqu aneane, inau au sage bâ nogo i laona niqu uta. Au angunikolugira nogo niqu omea sisingini dou; mau gania gaqu bulumitsua, mau inuvia gaqu uaeni ma gaqu miliki. Eo, kagamu gamu udu kamu ka mutsa ma kamu ka inu, poi tsau kalina kamu ka masu dou.

Linge 36:8

Mami gania na mutsa dangadanga vaga igoe o vangaraua vanigami; mo tamia vanigami kami inu tana ko loki e talumai tana nimu doulaka segeni igoe.

Linge 145:13

Igoe o taovia tsapakae saviliu, mo tagaovi kaputigira na tinoni sui na dani ma na dani. Na Taovia e manaligira na omea sui aia e vekea, mara dou saviliu pipi na omea sui aia e naugira.

Roma 2:4

?Se ngatsu amu peaa nina galuve ma nina berengiti loki God kolugamu, e gini pitugamu poi tsau kamu pilotoba?

1 Korint 15:24

Mi muri moa ti ke labamai na susuina na dani: i tana a Iesu Kristo sauba ke tsogori pukaligira na tidao sui, na tangirongo ma na susuliga sui, me ke sauvisua nina tamani vania God Tamana.

1 Timoti 6:17

Ko raiginigira igira ara tamanina na omea danga, kara laka na gini kaekae ma na molo vataraginiana na tobaqira tana omea tsautsau lee vaga na qolo. I konina segeni moa God kara vataragi, rongona aia nogo e gini vangalaka vanigita pipi sui na omea dou igita a tamanina.

2 Timoti 4:18

Maia na Taovia sauba ke maurisiau goto tanigira na omea seko sui igira ara ngaoa na nauvaniaqu, me ke tudumiau baa i laona na Verana i gotu. !Ka tsonikaea God na dani ma na dani! Amen.

2 Petero 1:5

Aia tsotsodo nogo tana rongona vaga ia, te e gini dou ti igamu kamu tovokakaia na nauana me ke gini dou baa nimui sasaga. Amu tamanina nogo na tutuni. Baa, ma kamu paboginigotoa nimui sasaga dou. Ma nimui sasaga dou kamu paboginigotoa na sasani tana rongona God.

2 Petero 2:20

Ti vaga igira na tinoni ara donagininogoa, mara tutunina a Iesu Kristo nida Taovia ma nida Vagamauri, mara mololenogoa na sautu seko na barangengo, mi muri, mara ba pukavisutugua tana sautu seko ia, ma na tinoni vaga girani, ara sasi loki baa liusia tana idana kalina igira ara tau vati tutunina moa.

2 Petero 3:18

Ke dato babaa i tobamui nina vangalaka God, ma kamu gini padagadovidoua baa na sasani tana rongona a Iesu Kristo nida Taovia ma nida Vagamauri. Aia igita ka tsonikaea i dani eni, mi tana dani ma na dani. Amen.