2 Korint 7:5 - Ghari

⁵ Kalina igami ami balaba i Masedonia, mami tau lelee goto mango tetelo. Pipi nauna i tana ami tsodoa na rota ma na vaiganigi koluaqira na tinoni, me gini gariri na tobamami tana matagu.

2 Korint 7:5 Referans Kwoze

2 Korint 2:13

Mau gini padasavi sosongo moa, rongona au tau tsodoa na tasida a Titus i tana. Te au mololegira moa i tana, mau vano saviliu moa i Masedonia.

Na Vaolusi Ketsa 32:25

Na vailabu sauba ke alomaia na mate tana sautuna na veraqira; ma na omea mataguniga loki sauba ke gadovigira i laona na valeqira. Na mane ma na daki vaolu sauba kara viri mate sui, me atsa goto igira na baka tetelo se na tuqatuqa sauba ke utu goto kara gaegira.

Aqoaqo 20:1

Mi murina kalina e totupuka na vaikoregi loki ia, ma Paulo e soasaigira sui na tinoni tutuni, me pabotugua nina totosasaga vanigira. Me sui me tsarivanigira, “!Eo, kamu totu igamu!” Maia e tuu, me mololegira me vano tana Masedonia.

1 Tesalonika 3:5

Aia nogo na rongona te au padaginia laka niqu aqo nomoa inau ti kau moloa a Timoti ke baa i konimui. Eo, e utu goto kau berengiti, te au moloa aia ke baa i konimui me ke reia ti laka igamu amu totukakai moa tana nimui tutuni se tagara. !Rongona sei baa dona ke tau laba na tidao seko me ke tubulaginigamu me ke puala lee sui na vuana pipi tu nimami aqo ami tu naua i laomui!

Galatia 4:11

!Eo, inau au boeginigamu manana nomoa! ?Egua, laka e dou ti kara luvu lee moa pipi sui niqu aqo au gini ngongoragi sosongo na nauana i laomui igamu?

2 Korint 2:9

Au marevanigamu na leta ia i votangana rongona au ngaoa kau tovolegamu, ma kau tsodovulagiginia laka ti amu muri mananaa niqu goko se tagara.

2 Korint 2:3

Aia nogo na rongona ti au gini mamare baa vanigamu i votangana. Au tau ngaoa kau baa i konimu, ma kamu tau molomelu vaniau, rongona igamu nogo e tugua kamu molomage vaniau. Inau au tutunina laka kalina au magemage inau, migamu sui amu magemage goto.

1 Korint 16:5

Sauba kau liu talu tana Masedonia ti kau balaba i konimui, rongona au kilia kau liu baa tana Masedonia.

1 Korint 15:31

!Eo tasiqu, inau au totu manana tana mate pipi dani! Au tsaria na omea iani vanigamu, rongona au padaloki sosongoligamu tana nida mauripata koluana a Iesu Kristo nida Taovia.

Jeremia 45:3

laka igoe a Baruk o tsaria, ‘!Inau au qisi nogo! Au gini rota sosongo nogo na vatsangi savi ma na melu, ma na Taovia e ba pabogotoa niqu rota. !Au gini labe saikesa nogo na kukungu, mau tau goto tangomana kau mango tania niqu rota!’

Jeremia 20:10

Inau au rongomigira na tinoni sui ara viri gagasa mara tsaria, “!Aia ngana e katea laka ‘Na Omea Mamataguniga e Totu Pipi Sui Tana Nauna!’ !Ida ma ka tatamanga gana vanigira na taovia!” Me atsa moa ti igira gaqu duli dou sosongo inau migira goto ara pipitua kara reia ti vaga kau tubulagi tana goko. Mara tsaria, “E tau ngatsu utu vanigita ka valoa moa aia, mi tana ti igita ka tangolia ma ka tangotuguda.”

Jeremia 8:18

Niqu melu e tau saikesa tangomana ke sui, me ponopala sosongo na tobaqu.

Jeremia 6:25

Ami matagu loki, mami tau goto malagai na liu bamai tana poi, se i sautu, rongona igira gamami gala ara tangolinogoa niqira isi mara totu polipoligami.”

Isaia 33:12

Igamu sauba kamu rapa lê vaga moa na bita ara kodoa me lia na poke, me vaga goto na itai kokonaga e gâ me lia na tora lê.

Nina Papi A Job 18:11

“Na omea mamataguniga ara totupitua pipi moa tana nauna, mara takuvitsaria.

Tuturigana 8:9

ma na rongona na kô e tau vati tsuna saikesa moa me tsavu poponoa moa na kao, ma na kulukulu ia e tau tangomana ke tao. Maia e lovo visutugua tana vaka, ma Noa e molo rutsumia na limana me adisagetugua i laona na vaka.

Roma 15:26

Na rongona igira na tinoni tutuni i Masedonia mi Akaia ara padangao segeniqira nogo na sauana niqira vangalaka gana na sangaginiaqira na tinoni ara tau tamanina sa omea i laoqira nina tinoni God i Jerusalem.