2 Korint 6:2 - Ghari

² Kamu rongomia na goko e tsaria God: “I sau kalina e laba na tagu tana kau vangalaka vanigamu, minau au rongomia nimui nonginongi. Mi kalina e laba na dani i tana kau maurisigamu, minau au sangagamu.” !Kamu rorongo dou! !Kalina eni nogo na tagu na adiana nina vangalaka God; i dani eni nogo na dani i tana ke maurisigita!

2 Korint 6:2 Referans Kwoze

Isaia 49:8

Ma na Taovia e tsarivanigira nina tinoni, “Kalina ke labamai na tagu i tana inau kau laumaurisigamu, me sauba kau rongomia nimui ngangai dato vaniau ma kau sangagamu. Inau sauba kau mataligamu ma kau reitutugugamu, mi konimui nogo igamu ti inau kau naua kesa na vaitasogi kolugira na tinoni tavosi sui. Ma kau tamivanigamu kamu totuvitugua nimui butona kao e totu seko lê kalina ia.

Hibru 4:7

Aia na rongona te God e titia kesa goto na dani tavosi, me soaginia “I dani eni.” Murina ara putsi nogo danga na ngalitupa, maia God e gini goko goto tana mangana a David tana tsaqina na Mamare Tabu iani, “Ti vaga i dani eni kamu rongomia na gokona God, ma kamu laka goto na baribari.”

Hibru 3:13

Eo, i dani eni nogo vaga ara marea tana Mamare Tabu, me pipi dani goto kamu vaiparovatavigi, ma kamu vaisangagi. Rongona ke gini tau goto totu ke kesa i laomui ke baribari sosongo, me ke tamivania na sasi ke raqa sasilia.

Isaia 61:2

Ma kau katevulagi vanigira laka e laba nogo na tagu i tana ke labamai na Taovia me ke suivisugira nina tinoni, me ke tuliusigira gaqira gala. Aia e molovanoau kau veregira sui igira ara melu,

Hibru 3:7

Me vaga ia, miani nogo na goko vaga e tsaria na Tarunga Tabu: “Ti vaga i dani eni kamu rongomia na gokona God,

Luka 4:19

ma kau katevulagia laka e labamai nogo na tagu i tana aia na Taovia sauba ke maurisigira nina tinoni.”

Linge 69:13

Minau moa Taovia sauba kau nonginongi vanigo babâ moa, migoe niqu God ko tuguvisua niqu nonginongi kalina moa igoe ko pedea. Tana nimu galuve loki au ngasugo ko rongomia niqu nonginongi, rongona igoe o mana saviliu mo vekenogoa laka sauba ko maurisiau.

Luka 18:37

Migira ara tsarivania, “A Iesu ni Nasaret e liumai ieni.”