2 Korint 6:11 - Ghari

¹¹ !Igamu na kulamami galugaluve ni Korint! Igami ami gokomaka sosoingo vanigamu, mami sangavia na tobamami popono vanigamu.

2 Korint 6:11 Referans Kwoze

Pilipi 1:8

God nogo e donaginia laka inau au goko mana kalina au tsaria laka niqu galuve loki vanigamu e pukugamai tana galuvena a Iesu Kristo nogo.

2 Korint 12:15

Sauba kau gini mage na tusuana vanigamu na omea sui au tamanina, ma na mauriqu goto gana na maurisiginiana na tidaomui. ?Me ti inau au galuve loki sosongoligamu vaga ia, me laka e dou ti ke tsaurae lee nimui galuve igamu vaniau?

Linge 119:32

Sauba kau tau goto kisâ na muriaqira nimu ketsa, rongona igoe nogo sauba ko mararasia na tobaqu ma kau gini padagadovigira dou bâ.

2 Korint 2:4

E melu loki tobaqu mau gini rota sosongo mau ngangai kalina inau au marea na leta ia vanigamu i votangana, me tau gana laka kamu gini melu, ma gana moa kamu gini donaginia laka inau au galuve sosongoligamu sui.

Na Katemai 22:12

Ma Iesu e tsarigotoa, “!Kamu rorongo dou! E varangi sosongo nogo kau visumai inau, me sauba kau adimai koluau na peluna, gana na tusuana vania pipi tinoni tatasa, muria na douna se na sekona nina aqo e naua tana maurina.

Pilipi 4:15

Migamu na Pilipi, igamu amu donadounogoa laka kalina inau au mololea na butona na vera ni Masedonia tana tuturigana niqu aqo na rasavaginiana na gokona na Turupatu Dou, migamu segeni moa na saikolu na tinoni tutuni amu sangaau dou sosongo mamu vangalaka vaniau tana qolo.

Galatia 3:1

!Eo, igamu na tinoni ni Galatia, amu bule sosongo nomoa! ?Nagua sagata e turuvigamu? !I matamui igamu segeni nogo, inau au vuresi makalia vanigamu na rongona na mateana a Iesu Kristo tana gai ulutaligu!

1 Samuel 2:1

Maia ko Hana e nonginongi vaga iani: “!Na Taovia e dangaliginia na tobaqu na magemage; mau gini mage sosongo tana rongona na omea aia e nauvaniau! !Inau au kiataginigira gaqu gala me gini mage sosongo na tobaqu tana rongona aia God e sangaau.

Epesus 6:8

Kamu padadoua laka na Taovia sauba ke saua na peluna vania pipi tinoni rongona nina aqo dou e naua, atsa moa ti aia na tseka se tau na tseka.

Habakuk 2:5

!Kamu papada dou! Na kili omea danga e tamani tabatu i konina. Migira na tinoni vanga susugu ara kaekae sosongo, mara tau moa gini vatsa tana omea ara tamaninogoa. Ara ngaoa moa kara aditamaniqira ke danga babâ moa na omea, vaga nogo na mate e ngaoa ke adigira kara danga babâ moa na tinoni. Maia nogoria na rongona ti igira ara ba tangoligira na vera dangadanga vanigira segeni.

Linge 51:15

Taovia ko sangavia na mangaqu minau sauba kau tsonikaego sailagi.

Nina Papi A Job 32:20

Niqu aqo nomoa kau goko ti ke gini rago na tobaqu.

Isaia 60:5

Migoe sauba ko morosigira mo ko gini mage loki, me ke pidi na tobamu. Niqira omea loki matena na veratavosi sauba kara adimaigira vanigo, me ke tû tabana bâ na tasi igira sauba kara lutsangimai vanigo niqira omea levolevo.

Esekiel 33:22

Mi tana ngulavi idavia na maiana na mane ia, minau au vatsangia e totuviau na susuligana na Taovia. Mi kalina na mane ia e mailaba i koniqu tana matsaraka na dani ngana, maia na Taovia e nusivaniau na lapiqu, mau gini tangomana na goko tugua.

Aqoaqo 18:1

Mi murina iani, ma Paulo e mololea i Atens, me ba saviliu i Korint.

Aqoaqo 18:8

Ma Krispus, aia e ida tana lotu i tana, aia migira sui gana tamadale ara tutunina na Taovia. Migira goto na tinoni danga i Korint ara rongomidoua na gokona na Turupatu Dou, mara tutunina, mara lesovitabu.

Galatia 4:12

Au ngasugamu kakai, igamu na tasiqu, laka tana omea iani kamu reinunu i koniqu. Rongona inau au vaga nogo igamu. Migamu amu tau rago naua sa omea ke seko vaniau inau.

Epesus 6:19

Ma kamu nonginongi vaniau goto inau. Ma kamu ngasua God ke tusuvaniau na goko ke goto kalina ti kau tuu na goko, rongona kau gini malagai na gokomaka ma na vuresi makaliana na Turupatu Dou.