2 Korint 5:8 - Ghari

⁸ Eo, igita a malagai sosongo nogo, ma pada mananaa laka e dou baa na mololeana na valena na konida ni lao eni, ma ka ba totu tana valena na Taovia.

2 Korint 5:8 Referans Kwoze

2 Korint 5:6

Aia nogoria ti igita a gini malagai sosongo. Igita a donagininogoa laka kalina igita a tototu moa tana valena na konida ni lao eni, migita a tototu ao moa tania na valena na Taovia.

1 Ioane 3:2

Kulaqu galugaluve igamu, igita a lia nogo na dalena God, me tau moa vati labamaka vanigita nagua sauba ka lia goto i muri. Igita a dona moa laka kalina ke labavisumai a Iesu Kristo, migita sauba ka usulia, rongona sauba ka morosia vaga e totu manana nogo aia.

Ioane 14:3

Mi kalina kau vano, ma kau vangarausuia vanigamu na sasamui, me sauba ti kau visumaitugua ma kau adigamu sui ma kamu mai totu i koniqu, rongona i tana kau totu inau au ngaoa igamu goto kamu totu.

2 Korint 5:9

Me atsa moa ti iava igita a totu, tana mauri ni lao eni se tana mauri ni muri, me kesa moa na omea igita ka padalokia: laka igita ka nausailaginia moa na omea e dou i matana na Taovia.

Linge 17:15

Minau kiki moa sauba kau morosilakamu igoe, rongona au tau naua sa omea ke sasi. Mi kalina inau kau mamata, me sauba ke dangatovu i tobaqu na magemage na totu i matamu igoe.

Linge 16:11

Igoe sauba ko tusuvulagi vaniau na sautu e vano kalea na mauri. Igoe o totu varangisiau me gini danga tovu niqu magemage, ma niqu mage na totu i matamu igoe e utu goto ke sui.

Na Katemai 22:3

Me tagara kesa na omea seko God e dona na reisaviana ke totu tana verabau ia. Me sauba ke totu goto i laona na verabau ia ka niqira sasana na totukae kaira God ma na Dalena Sipi, migira sui nina tinoni sauba kara samasama vania i tana.

Aqoaqo 21:13

Maia e goko me tsarivanigami, “?Nagua vaga amu naua igamu, mamu ngangai vaganana mamu sekoliginia tobaqu? Inau au vangarau segeniqu nogo, tau rongona moa ti kara soriau i Jerusalem, ma na rongona goto ti kau tsodoa na mate i tana rongona nogo na asana na Taovia Iesu.”

Ioane 17:24

“!Mama! Igoe nogo o tusugira vaniau. Minau, au kilia laka i tana kau totu inau, kara totu koluau goto igira. Kara gini reivulagia niqu marara, na marara igoe nogo o tusuvaniau, rongona igoe o galuveau kalina e tau vati botsa moa na barangengo.

Luka 2:29

“Kalina ia, Taovia, igoe o manalinogoa nimu veke, me dou moa ti ko tamivaniau inau nimu maneaqo ma kau ba mango tana rago.

Mateo 25:23

Ma gana taovia e tsarivania, ‘!Dou sosongo! Igoe na maneaqo dou, mo gini aqo sasaga na omea tetelo au noruginigo. Vaga ia, minau sauba kau molo vanigo ko reitutugugira na omea loki danga. !Me dou ti ko sage mai, mo ko tamanipata koluau tana niqu magemage!’

Mateo 25:21

Ma gana taovia e tsarivania, ‘!Dou sosongo! Igoe na maneaqo dou, mo gini aqo sasaga na qolo tetelo au noruginigo. Vaga ia, minau sauba kau molovanigo ko reitutugugira na omea loki danga. !E dou ti ko sage mai, mo ko tamanipata koluau tana niqu magemage!’

Goko Tabana 14:32

Igira na tinoni tsutsukibo ara alomai vanigira segeni gaqira toroutsa tana omea seko ara naua, ma niqira sasaga dou igira na tinoni dou e dilagira tana dani na mate.

Ioane 12:26

Masei moa ti vaga ke ngaoa ke aqo vaniau ma nina aqo aia ke tsarimuriqu. Rongona i tana kau totu inau kara totu goto igira niqu tinoni aqo. Ma na Tamaqu sauba ke tsonikaegira igira ara aqo vaniau inau.