2 Korint 5:2 - Ghari

² Kalina eni, igita a tau mage, a kukungu moa ma amesi sosongolia na dani tana ka sagelia na konida vaolu aia e totu i baragata.

2 Korint 5:2 Referans Kwoze

Roma 8:23

Me tau igira moa na omea vovola ara kukungu, igita goto, atsa moa ti e totu nogo na Tarunga Tabu i laoda, a kukungu i laona na tobada kalina a pipitua moa God ke naua migita ka gini lia na dalena me ke maurisia na konida tania na rota ma na mate.

Pilipi 1:23

Ara ka raqaau ruka tabana me gini ponopala na tobaqu. Kesa tabana, au kili sosongolia kau mololea na mauri ni lao eni ma kau ba totu kolua a Iesu Kristo i baragata. Aia moa na omea e dou saviliu.

Roma 7:24

!Tinoni seko nomoa inau! ?Masei ke maurisiau tania na susuligana na sasi e aqo i laona na koniqu me raqaau baa vania na mate?

1 Korint 15:51

Kamu rorongo dou igamu. Iani saikesa nogo na manana God e poia i sau vanigira na tinoni: laka sauba ka tau moa vati mate sui igita, mi tana susuina tatangina na tavuli, migita sui sauba ka oli tsaku lee, vaga saikesa na kunina na matana tinoni. Rongona kalina ke tangi na tavuli, mi tana sauba kara maurivisutugua igira ara mate, me utu goto kara mate tugua. Migita sui a mauri moa tana tagu ia, me sauba ka oli goto.

Nina Papi A Job 10:11

Igoe nogo o molosaia na koniqu kolu velesi ma na ulaula tana suliqu, mo tsavusaiginia na lasi ma na kokora.