2 Korint 4:9 - Ghari

⁹ Ara danga rago gamami gala, maia moa God e tau tsonilegami. Ami boka seko sosongo visana kalina, mami tau nomoa gini mate.

2 Korint 4:9 Referans Kwoze

Isaia 43:2

Mi kalina ti vaga kamu tulusavu tana kô mao, inau sauba kau totu kolugamu; ma na tatarina na kô e utu ke lumigamu. Mi kalina ti vaga kamu liu bâ i laona na lake me sauba e utu ke ganigamu, ma na iruna e utu goto ke iruvigamu.

Mika 7:8

Igira gada gala ara tau tamanina sa niqira rongona na kiataginiada. E mana rago laka igita a puka lê nogo, me sauba nomoa ka tukae tugua. Migita a totu tana rodo kalina ia, ma na Taovia segenina nogo sauba ke lia nida marara.

Goko Tabana 24:16

Me atsa moa ti kesa tinoni dou ke puka danga kalina, maia e tangomana sailagi moa ke tû tugua; migira na tinoni vanga tsutsukibo ara toroutsa saikesa kalina e gadovigira na rota loki.

Linge 42:11

?Megua vaga inau ti au melu sosongo vaga ia? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Hibru 13:5

Kamu laka na kiliqolo sosongo. Ke dou moa na tobamui ti nagua kamu tamanina. Rongona God e tsarinogoa, “E utu kau mololegamu. Me utu goto kau tsonilegamu.”

2 Korint 7:6

Ma God, aia e dona na malagaisiana asei ti ke ponopala tobana, e malagaisigami kalina ami reia a Titus e mailaba i konimami.

Isaia 62:4

Me sauba e utu goto kara soaginigo “Tsonikidana,” ma nimu butona kao “Na Daki Aia na Savana e Tsonitsunâ.” Ma na asamu vaolu ke vaga iani, “Na Daki Aia God e Reingao Sosongolia.” Ma nimu butona kao kara soaginia, “Na Tauga Magemage,” rongona na Taovia e reingao sosongoligo, me ke lia mala savana nogo nimu butona kao.

Linge 9:10

Igira ara donaginigo Taovia, sauba kara norugo, rongona e utu vanigo igoe ko tsonilegira igira ara mai i konimu.

Ioane 15:20

“Kamu padatugua na omea au tsarinogoa vanigamu: ‘E utu kesa na tseka ke loki liusia gana taovia.’ Ti igira kara rotasiau inau, me sauba kara rotasigamu goto igamu. Ti igira kara rongomia niqu sasani inau, me sauba kara rongomigamu goto igamu.

Linge 42:5

?Megua vaga inau ti au melu sosongo vaga ia kalina? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Linge 37:28

rongona na Taovia e reingao sosongolia na omea e goto, me utu sosongo vania ke mololegira nina tinoni ara rongomangana dou. Aia e reitutugugira saviliu na dani ma na dani, ma na kukuaqira igira na tinoni vanga tsutsukibo sauba aia ke tsialigigira saikesa.

Linge 22:1

?Niqu God, niqu God, egua sagata kiki ti o tsonileau? Inau au ngangai savosavo bâ i konimu, ?megua ti o tau sangaau?

Nina Papi A Job 22:29

Igoe o dona nogo laka God e dona ke molotsunaligira na vanga kaekae me ke molokaegira igira ara totu palatsuna.

Linge 129:2

“Tû kalina inau au vavaolu moa igira gaqu gala ara rotasi sosongoliau, mara tau lelê susuliga liusiau.

Habakuk 3:17

Me atsa moa ti kara tau vua na gai mutsamutsa, me ke tagara goto sa itai na uaeni ke molo vuana, me atsa moa ti kara tau vua na gai na olive me ke tagara goto sa mutsa i laoqira na uta, me atsa moa ti kara mate sui lakalaka na sipi, me ke mangu lê na nauna i tana ara totu na buluka,

Roma 8:35

E tagara saikesa sa omea tugua ke molovotagita tania na galuvena a Iesu Kristo, atsa moa ti na rota se na vatsangisavi loki, se na tsodo rota tana rongona na lotu, se na vitoa, se na totu sekona lee, se na mate ke gadovigita.

2 Timoti 3:12

Mo dona goto laka pipi sei ti ke ngaoa ke mauri tana sasaga dou i laona nina mauripata koluana a Iesu Kristo, sauba nomoa ke vatsangia na rota.