1 Timoti 6:6 - Ghari

⁶ Eo, e pelu loki manana na lotu, maia e pelu moa vania na tinoni aia e dona ke gini dou moa tobana ti nagua moa e tamanina nogo.

1 Timoti 6:6 Referans Kwoze

Hibru 13:5

Kamu laka na kiliqolo sosongo. Ke dou moa na tobamui ti nagua kamu tamanina. Rongona God e tsarinogoa, “E utu kau mololegamu. Me utu goto kau tsonilegamu.”

1 Timoti 6:8

Vaga ia, ma ti ka tamanina nogo gada mutsa ma na poloda, me tugugita nogo.

Goko Tabana 16:8

E dou bâ ti ko tamanina ke tsaurae lê moa na omea o adia tana nimu aqo segeni, liusia na tamani omea danga o adia tana peqo.

1 Timoti 4:8

Na tovoana ke gini malutsi na konina na tinoni, e tamani rago na rongona dou i laona. Eo, ma na tovoana ka dou i matana God, aia e tamanina na rongona dou sosongo baa, rongona sauba igita ka adia na peluna tana mauri ni kalina ia, mi tana mauri ni muri goto.

Pilipi 1:21

?Ma nagua vaniau na mauri? Na mauri vaniau, aia moa nogoria a Iesu Kristo. Ma na mate aia sauba ke peluau loki baa.

Goko Tabana 15:16

E dou bâ vanigo ti vaga ko tau tamanina sa omea mo ko dona moa na kukuni taniana na Taovia, liusia bâ ti ko tamani omea danga mo ko totu moa i laona na rota.

Linge 37:16

Na omea tetelo lê e tamanina kesa na tinoni dou, e dou bâ liusia niqira tamani levo na tinoni vanga tsutsukibo.

Linge 84:11

Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

Roma 8:28

Igita a dona nogo laka God e dona na gini aqo pipi na omea sui ti ke gini laba na omea dou vanigira ara galuvea, igira nogo aia e viligira kara naua na omea aia e kilia.

Luka 3:14

Mara mai goto visana na malagai mara veisuaa, “?Migami, nagua kami naua?” Maia e tsarivanigira, “Kamu laka na turuginiana kesa ke tusuqolo vanigamu, ma kamu laka na keli lee vaniana ke kesa. Ke dou moa tobamui ti nagua kara voliginigamu matena nimui aqo.”

Binaboli 2:21

Me vaga ia, ma Moses e mai me sanga mutsa kolugira, me tamigotoa na totu i tana kolugira, maia Jetro e sauvania a Moses ko Sipora ke taugâ,

2 Korint 4:17

Na rota igita a vatsangia kalina eni e malamala lee, me utu goto ke totu oka. Maia nogo e vangarau vanigita na omea loki sosongo baa aia e totu saviliu, aia nogoria na mauri saliu i konina God.

Goko Tabana 28:25

Na matapuku e tsukia moa na vaiganigi. Me dou sosongo bâ aia e dona na noruana na Taovia.

Jeremia 35:9

Igami ami tau logovale tana kami totu. Mami totu moa tana valepolo. Mami tau goto tamanina sa uta na uaeni, se sa uta tavosi goto. Igami ami muri saikesalia moa pipi sui na vali aia Jonadab na mumuamami e molovanigami.

Luka 12:15

Ma Iesu e pilo baa koniqira na toga me tsarivanigira, “Kamu parovata, ma kamu kana tania na kili tamani omea danga, rongona na maurina manana na tinoni e tau pukugamai tana rongona laka aia e tamanina na omea danga te e gini dou na maurina.”

2 Taovia Tsapakae 6:2

Ko tamivanigami ma kami vano tana Jordan ma kami kavitsunagira ke visana na gai, agana na logoana goto kesa na vera i tana ka totu.” Ma Elisa e tsarivanigira, “E doua.”