1 Timoti 4:15 - Ghari

¹⁵ Ko naudougira na omea girani tana tobamu popono, ma kara reiginia na tinoni sui laka igoe o tovoa pipi kalina ke gini dou saikesa pipi nimu sasaga.

1 Timoti 4:15 Referans Kwoze

Mateo 5:16

Migamu kamu vaga saikesa goto ia. Na douna nimui sasaga tana maurimui ke labamaka i mataqira na tinoni. Migira kara reiginia nimui aqo dou amu naua, ma kara tsonikaeginia na Tamamui i gotu.

Linge 143:5

Inau au padavisugira na dani ara vano putsi nogo; mau papada tana rongoqira na omea sui igoe o aqosigira; mau pukugira sui i tobaqu na omea igoe o naugira nogo.

Linge 104:34

Ke gini laona sosongo aia na rongomiana niqu linge, rongona aia nogo na pukuna niqu magemage.

Aqoaqo 6:4

Eo, me vaga ia, migami kami gini boe saikesa moa na nonginongi ma na gini turupatuna na gokona God.”

Titus 2:14

Aia e sausegenina me mate na tuguda, gana ke gini suivisugita tania pipi sui na nauseko, me ke naua igita ka gini male ma ka masidi, ma ka gini lia nina tinoni segeni, ma ka gini madodo pipi tana aqo dou sui.

Linge 119:97

!Taovia au reingao sosongolia nimu ketsa! Mau papadâ moa tana dani popono.

Josua 1:8

Ma nimu aqo nomoa ko tsokovulagia na papi na Ketsa i mataqira na toga pipi kalina kamu sai na lotu. Mo ko padakakaia i tobamu na dani ma na bongi, mo ko reidoua laka ko taonidougira pipi sui na omea ara marea i laona. Me ti ko nauvaganana ia, me sauba ko tamaniginia ke danga nimu omea, mo ko gini tangomana pipi tana omea ko naua.

1 Timoti 4:6

Ti vaga igoe a Timoti ko tsaritutugudoua vanigira na tasida tana tutuni na rongoqira na omea vaga gira, migoe sauba ko lia nina maneaqo dou a Iesu Kristo. Mi tana ke gini labamaka laka igoe o gini mauri nogo na gokona na tutuni ma na sasani manana vaga igoe o lavu nogo na muriana.

Linge 119:148

Tana bongi popono au tsaro mamata moa, rongona kau padatugutugua moa nimu totosasaga.

Linge 119:99

Inau au padagadovia dou bâ liusigira pipi sui gaqu tarai, rongona inau au padatugutugugira dou nimu totosasaga.

Linge 119:48

Au pada mamavasigira mau padalokigira nimu ketsa; me sauba kau tau kuti na padatugutuguaqira nimu totosasaga.

Linge 119:15

Sauba kau padalokigira nimu totosasaga; ma nimu sasani sauba kara totu sailagi i mataqu.

2 Korint 8:5

!Migira ara liusia baa na omea ami amesia! Eo, ara ida talu ara sau segeniqira vania na Taovia. Mi muri, tana nina kili nogo God, ara sau segeniqira goto vanigami igami.

Linge 105:5

Igamu na kukuana a Abraham aia nina maneaqo na Taovia; migamu goto na kukuana a Jakob na mane aia God e vilia; kamu padatugugira na valatsatsa loki God e aqosigira, ma nina pedelaka aia e naua.

Linge 49:3

E maka sosongo na omea inau au padâ i tobaqu na tsariana. Sauba kau gini goko na tsaqina na goko sasaga.

Linge 19:14

Au nongigo Taovia, ko tamidoua na adiaqira pipi niqu tsaqina goko ma niqu papada ma kara dou sui i matamu. !Taovia, igoe nogo niqu reitutugu mo niqu vagamauri!

1 Korint 16:15

Igamu donaginitugira nogo a Stepanas ma nina tamadale, i tugira nogo ara tu ida na sage tana lotu Kristiano tana Akaia, mara tu sau segeniqira saikesa nogo tana aqo vanigira nina tinoni God. Mau ngasugamu kakai igamu na tasiqu,

Linge 119:23

Atsa moa ti igira na tagaovera ara vorogokona na labuaqu, minau sauba kau tau kuti na pada sailaginiana nimu ketsa igoe.

Linge 77:12

Sauba kau papada tana rongoqira pipi sui lakalaka na omea igoe o naugira; sauba kau totu mui ma kau padatugugira pipi nimu aqo loki sui.

Linge 63:6

Mi kalina au tsaro i nigequ, mau padavisugo; mi tana bongi popono inau au padago moa igoe,

Linge 1:2

Na tinoni dou vaga ia, e tsodoginia nina magemage tana muriana nina Ketsa na Taovia, me tau kuti na padaana i tobana na dani ma na bongi.

2 Korint 4:14

Ami donaginia laka God nogo e maurisivisua na Taovia Iesu tania na mate, me sauba ti ke maurisivisugami goto kolua a Iesu, me ke adisaigami kolugamu goto igamu, migita sui ka sage kolu tana verana aia.

1 Timoti 4:14

Ko laka na moloana moa me ke totu lee na vangalaka nina Tarunga Tabu God e saunogoa vanigo, aia igoe o adia kalina ara goko na propete, migira na tagao tana lotu ara molo limaqira i lovamu, migoe o gini lia na ida ma na tagao tana lotu.

1 Timoti 4:16

Ko reitutugu segenimu dou tana omea sui o naua, mi tana omea sui goto o gini sasani tinoni. Ko tau kuti na nauana babaa na omea girani, rongona ti vaga ko nauvaganana ia, me sauba ko maurisi segenimu igoe, mo ko maurisiginigira goto igira ara rongomigo.

Tsoko Tinoni 8:26

Mi muri, ti vaga aia ke ngaoa, me ke sangagira rago na Levite tavosi na nauana niqira aqo i laona na Valepolo Tabu, me ke tau moa nau segenia kesa na aqo. Aia nogoria ko nauvaganana kalina ko vota aqo vanigira Levite.”