1 Timoti 3:8 - Ghari

⁸ Igira na sasanga tana aqo na lotu, igira goto kara tinoni dou, me ke goto niqira sasaga. Kara laka na inu tsaitsai, se na susugu matena na qolo.

1 Timoti 3:8 Referans Kwoze

Pilipi 1:1

Ikagami, inau a Paulo ma Timoti, kagami ruka nina maneaqo a Iesu Kristo, ami ka marea na leta iani vanigamu sui nina tinoni God i Pilipi, igamu amu tutunina nogo a Iesu Kristo, kolugira goto nimui tagao tana lotu ma niqira sasanga.

Titus 2:3

Mo ko tsarivaganana vanigira goto na daki loki. Kara totu kukuni tana niqira sasaga. Kara tau vaitsari gunuru, ma kara laka na inu uaeni tsaitsai.

1 Timoti 5:23

Au dona laka igoe o vatsangisavi mo lobogu pipi kalina. Me vaga ia, me dou ti ko tau inu ko lee moa. Ko inu uaeni goto visana kalina ke gini dou na tobamu.

1 Timoti 3:3

Ke tau dona na inu bule, me ke tau na mane korekorega. Ke tsalapo dou, me ke totu dodo moa tana rago kolugira na tinoni sui. Ke tau padaloki sosongolia na qolo.

Aqo Manetabu 10:9

“Igoe mi kaira na dalemu kamu tu laka na sage tana Valepolo i tana au totu inau ti vaga amu tu inuvia na uaeni se na bia. Ti vaga kamu tu nauvaganana ia, me sauba kamu tu mate. Iani nogo kesa na ketsa kamu tu taoni kalavatavia tugamu migira sui tu kukuamui.

Iakobo 3:10

Na tsaqina goko na soadouana God, ma na goko na asu vaniana na tinoni, kaira sui ara ka rutsumai talu i laona kesa moa na manga. !Tasiqu gamu, e tau saikesa ulagana ke laba na omea vaga ia!

Titus 1:7

Na tagao tana lotu, e kilia ke goto saikesa sasagana, rongona e tangolia me reitutugua nina aqo God. Ke laka na kaekae, me ke tau goto dona na kore tsaku, se na inu bubulega, ma na momosatoba loki, ma na kiliqolo sagata.

1 Timoti 3:12

Aia na sasanga tana aqo na lotu, ke taugaa ke kesa moa na daki, me ke dona na tagaovidouaqira na dalena ma nina tamadale.

Esekiel 44:21

Ma kara laka goto na inuviana sa uaeni ti kara sage bâ tana pakoka i matana na Vale Tabu.

Linge 52:2

Tana dani popono igoe o totu matengana moa na vorogokona na sekoliaqira na tinoni tavosi; na lapimu e vavanga vaga na risa. Mo tavongani botsangia na gokopero pipi kalina.

Linge 12:2

Igira sui lakalaka ara vaiperogi moa; mara gini vaivalogi moa niqira goko puipui.

Linge 5:9

Nagua sui moa ti kara tsaria igira gaqu gala me utu saikesa vaniau kau tutunina; igira ara kilia moa na raqasasili tinoni. Na mangaqira e gini mabulu na pero, me dangaligira na tabatu na mate.

1 Petero 5:2

igamu amu tagao tana lotu, kamu lia na reitutugu dou i laoqira na tinoni God e vanigamu kamu reitutugugira. Kamu laka na gato na reitutuguaqira vaga God e kilia kamu naua. Kamu madodo na nauana nimui aqo, tau gana na mani pelu qolo moa, me gana saikesa moa na mani sangaginiaqira na tinoni.

Roma 3:13

Ara dona na asu seko sailagi moa, ma na mangaqira e gini mabulu na pero. Na tabatu na mate e totu i vavana na lapiqira, vaga moa na muata vogata,

Linge 50:19

“Na mangamui e tau goto kuti na goko seko. Ma na lapimui e botsangia danga na goko pero.

1 Timoti 3:2

Aia e tagao tana lotu, nina aqo ke goto saikesa pipi nina sasaga; me ke taugaa ke kesa moa na daki; ke sasaga, me ke tagaovi segenina dou, me ke parovata dou pipi tana nina aqo sui; ke dona na soalakaqira na tinoni labana kara baa i valena; me ke madodo na gini sasani tinoni na gokona God.