1 Timoti 2:9 - Ghari

⁹ Au ngaogotoa laka igira na daki kara sasaga tana rongona na polo ara sagelia kara tau raqaginia na matana tinoni. Kara sagelia moa na polo e tau mamarega sagata. Kara laka na tsipana na ivuqira ke lelevoga na rereina, se na sageliana na inilau dangadanga, se na polo e loki sosongo na matena.

1 Timoti 2:9 Referans Kwoze

Jeremia 4:30

!Jerusalem igoe o seko pitsu nogo! ?Laka rongona gua ti o sagelia na polo tsitsibora vaga ara sagelia igira na daki taovia? ?Me rongona gua goto ti o gini inilau na inilau matega loki sosongo mo tolea na matamu? !Igoe o aragolea na rereimu ke gini rereidou sosongo, me tau saikesa tamani sa rongona! Igira ara galuvego i sau ara reisavigo nogo kalina eni, mara area moa na matesiamu.

Linge 149:4

Na Taovia e reingao sosongoligira nina tinoni; E molokaegira igira ara palatsuna mara gini tangomana tana vailabu.

Isaia 3:16

Ma na Taovia e tsaria, “!Kamu morosigira bâ na daki ni Jerusalem, na vanga kaekae gira! Kalina ara vanovano i sautu mara koeginigira sosongo. Mara gini tû na tsivi na guguqira, me rereke na tsetsê tana tuaqira gana na raqaana na mataqira na mane.

Jeremia 2:32

?Laka sa daki vaolu tangomana ke padalea gana inilau, se sa daki tauga vaolu nina polo na tauga? Bâ, migira moa niqu tinoni ara padaleau oka sosongo nogo.

2 Taovia Tsapakae 9:30

Mi kalina a Jehu e laba i Jesreel, maia ko Jesebel e rongominogoa na omea e laba vaga ia, me tolea na matana, me aragodoua na ivuna, me ba tutû tana ovana na bisi i laona na valena, me morotsuna i sautu.

Goko Tabana 7:10

Ma na daki ia e mai me tsodoa; aia e sagelia na polona na daki rebi me vangaraua na valoana na mane ia.

Tuturigana 24:53

Mi muri, maia e tû me aditsuna na polo ma na inilau siliva ma na qolumila, me saugira vania ko Rebeka. Maia e saugotoa visana na vangalaka loki matena vanikaira na tasina ma na tinana.

Isaia 61:4

Me sauba kara logo visutugua na verabau ara totu toroutsa oka nogo.

Esta 5:1

Tana tolunina dani na vitoa ko Esta e sagelitugua nina polo na daki taovia, me ba sage tana pakokana na valena na taovia tsapakae, me tû arokalea na vokina. Ma na taovia tsapakae e tototu tana nina sasana na totukae, me totu aro bâ i matana valena.

Goko Tabana 31:22

Aia e aqosigira na tsatsavuna nige me sagelia na polo tsitsibora vovosi laka.

Mateo 11:8

?Nagua moa amu sulungana baa na morosiana? ?Kesa ngatsu na mane e sagelia na polo dou? !Tagara! Igira na tinoni ara sagelia na polo dou ara totu moa tana valeqira na taovia.

Goko Tabana 31:25

E daki susuliga mara kukuni tania igira na tinoni tavosi, maia e tau goto dona na mataguniana nagua sauba ke laba tana tagu ke mai.

1 Timoti 2:10

Na sasaga dou moa ke ngiti gaqira inilau, vaga e ulagaqira na daki Kristiano.