1 Samuel 7:10 - Ghari

¹⁰ Mi kalina a Samuel e savoria moa na kodoputsa ia, migira na Pilistia ara alamai ginigira. Mi tana tagu tsotsodo nogo ia, ma na gokona na Taovia e poda loki tû i gotu i baragata me utusigira. Mara gini matagu loki sosongo mara tavongani taposasa bamai lê mara viri tsogo saranga.

1 Samuel 7:10 Referans Kwoze

1 Samuel 2:10

Na korena na Taovia sauba ke poda tû i gotu i baragata, me ke matesigira sui gana gala. Na Taovia sauba ke pedea na barangengo popono; me sauba ke saua na susuligana vania nina taovia tsapakae, maia ke naua me ke gini managana aia e vilinogoa.”

1 Samuel 12:17

?Amu dona laka e tau na tagu na usa kalina ia ne? Me atsa moa ti e tau na tagu na usa, minau sauba kau nongia na Taovia ke molotsunamai na quluqulu ma na usa loki. Mi kalina kamu reia ke laba vaga ia, migamu sauba kamu reigadovia laka amu sasi loki sosongo vania Taovia, kalina igamu amu nongia aia ke molovanigamu ke kesa segeni ke taovia tsapakae vanigamu.”

Tinoni Pede 5:20

Migira goto na veitugu ara tû tana masaoka mara sanga na vailabugi, kalina ara tarari taligu tana masaoka. Eo, igira goto ara sangâ na vailabugi koluana a Sisera.

Josua 10:10

Ma na Taovia e naua mara gini matagu na Amor mara viri tsogo saranga bamai kalina ara morosigira ara mai na mane vaumate ni Israel. Migira na Israel ara labumatesigira na Amor i Gibeon, mara takuvitsunagira liu bâ i Bet Horon, mara labugira babâ poi ara ba tsau i Aseka mi Makeda tabana i ata.

Sekaria 4:6

(-)

Tinoni Pede 5:8

Mi muri kalina igira na Israel ara vilia visana niqira god vaolu, mi tana e taratsi tugua na vailabu tana veraqira. ?Mi laoqira ara vati sangavulu na toga na mane ni Israel me laka ke kesa vidaqira ke adia gana tako se ke kalagaia nina bao? !Tagara!

Tinoni Pede 4:15

Mi kalina a Barak migira nina alaala na mane vaumate ara ratsia na vailabugi, me tsaku ma na Taovia e naua me gini ponopala lê na tobana a Sisera kolugira sui nina terê ma nina mane vaumate. Ma Sisera e tû me tsipuligi tania nina terê me tsogo liulê i lao.

1 Samuel 7:11

Migira na Israel ara alatsunamai talu i Mispa mara takuvi tsarigira na Pilistia me varangi kara ba tsau i Betkar, mara labumatesigira babâ moa i sautu.

1 Samuel 14:15

Migira sui na Pilistia ara totu polipoli tana nauna ia ara viri matagu loki; migira goto na alaala na vanga labunovoti tinoni ma na mane vaumate ara totuvisu tana ara tototu, ara matagu loki sui mara gagariri; me kakanu popono na kao, migira ara viri tsogo saranga bamai.

Linge 29:3

Na gokona na Taovia e kuvia na maorodo; na gokona God Susuliga e poda loki vaga na quluqulu, ma na ileilena na gokona e quluvia na kema popono.

Linge 29:4

Na gokona na Taovia e maququ putsikae tana susuligana loki.

Na Vaolusi Ketsa 28:7

“Na Taovia sauba ke tuliusigira gamui gala i matamui nogo igamu. Mi kalina igira kara maiginigamu, me sauba kara liumai kesa moa tana nauna, mi kalina kara tsogo tanigamu, me sauba kara viri tsogo saranga bamai.

Linge 18:15

Na pakokana na maorodo e mamatsa kuti lê, ma na pikana na barangengo e totu labalaba lê, kalina igoe Taovia o taimataqira gamu gala, mo goraragira tana nimu momosa loki.

Linge 78:66

Ti aia e tû me tsialigigira saikesa igira gana gala, me paluvangamaqira saviliu.