1 Samuel 4:22 - Ghari

²² Maia e tsarigotoa, “Na susuligana God e baligi taninogoa na Israel rongona nina Bokisi na Taso God ara lauliginogoa.”

1 Samuel 4:22 Referans Kwoze

Ioane 2:17

Tana, migira gana duli a Iesu ara gini padavisua kesa na tsaqina goko tana Mamare Tabu e tsaria vaga, “Na pada lokiana na Valemu igoe niqu God, e iru i laoqu vaga saikesa nogo na lake.”

1 Samuel 4:21

Me soaginia na baka mane ia a Ikabod, ma na rongona na soa ia, “Na susuligana God e baligi taninogoa na Israel,” rongona ara launogoa nina Bokisi na Taso God, mara ka mate nogo kaira na savana ma na tamana na savana.

1 Samuel 5:1

Mi kalina igira na Pilistia ara launogoa na Bokisi na Taso, mara kalagaivanoa tû i Ebeneser me ba tsau i Asdod niqira verabau nogo igira.

1 Samuel 2:34

Mi kalina ko reikaira na dalemu a Hopni ma Pinehas kara ka mate i laona kesa moa na dani, maia nogo na papadana vanigo laka sauba kau manalia pipi sui na omea au tsarinogoa vanigo.

1 Samuel 3:12

Mi tana dani nogo ia, inau sauba kau manaligira na omea sui lakalaka inau au vekea kau nauvania na vungu konina a Eli.

Linge 78:64

Migira na manetabu ara viri mate sui tana isi, migira na tinamateqira ara tau tamivanigira kara tangisigira.

Tangitangi 2:1

Tana nina momosatoba loki na Taovia aia e molomaia na rodo ke tsavu poponoa na Sion. Na Jerusalem, aia na verabau rereidou sosongo i sau, mi kalina ia na Taovia e vuipukali saikesalia. Mi tana dani nina kore loki, me atsa moa nina Vale Tabu me vano tanigotoa aia.