1 Samuel 3:11 - Ghari

¹¹ Ma na Taovia e tsarivania, “Reia, inau au vangaraunogoa laka kau naua kesa na omea seko sosongo vanigira na tinoni ni Israel, migira sui kara rongomia na turupatuna na omea ia sauba kara novomate.

1 Samuel 3:11 Referans Kwoze

Habakuk 1:5

Mi tana, ma na Taovia e goko vanigira nina tinoni me tsaria, “Kamu momorosigira dou na puku loki sui ara totu poligamu, me sauba kamu gini beke na omea amu reivoa. Minau sauba kau naua na omea ganataga igamu sauba kamu tau tutunina kalina kamu rongomia na turupatuna.

Aqoaqo 13:41

‘!Kamu momoro igamu na tinoni vanga peapea! !Kamu novo ma kamu mate! !Rongona na omea inau au naua i matamui i dani eni, igamu e utu saikesa kamu tutunina, atsa moa ti visana kara nusirongona dou vanigamu!’ ”

Jeremia 19:3

‘Igamu na taovia tsapakae tana Juda, ma na tinoni ni Jerusalem, kamu rongomia na omea inau na Taovia Susuliga Sosongo, na God ni Israel, sauba kau tsaria vanigamu. Inau sauba kau alomai vanigamu na rota seko loki sosongo tana nauna iani, migira sui na tinoni kara rongomia sauba kara gini novo loki.

2 Taovia Tsapakae 21:12

Me vaga ia, minau na Taovia God ni Israel, sauba kau moloa kesa na vatana na rota seko loki sosongo ke gadovia na Jerusalem ma na Juda popono, rongona ti pipi sei ke rongomia na turupatuna na omea vaga ia e laba, sauba ke novo loki sosongo.

Luka 21:26

Ke kaso na tobaqira na tinoni ma kara gini mateluvu kalina kara pitua nagua ke laba vania na barangengo, rongona tana dani vaga ia, sauba kara viri aligiri na omea susuliga sui ni gotu.

Isaia 29:14

Me vaga ia, minau sauba kau nauvanigira tugua na omea ganataga loki gana kau novotiginigira. Ma kau tabarusia niqira papada igira na tinoni sasaga, ma kara tau nogo sasaga, ma kara tau goto tangomana na padagadoviana sa omea.”

Isaia 28:19

Me sauba ke tau goto kuti na gadoviamui babâ ke pipi moa na dani, ma kamu vatsangia na rotana na dani ma na bongi. Me pipi kalina kamu rongomia kesa na goko e talumai konina God, me sauba kamu gini matagu loki ma kamu gariri.

1 Samuel 3:10

Ma na Taovia e mai me tû i ligisana, me soa asana tugua vaga e naunogoa tana idana, “!A Samuel! !A Samuel!” Ma Samuel e gokovisu me tsaria, “Ko goko Taovia, inau nimu maneaqo au rongovata.”

1 Samuel 4:10

Migira na Pilistia ara vailabu susuliga mara tuliusigira na Israel, migira na Israel ara tsogovisu lê i veraqira. Ara danga sosongo vidaqira ara mate tana dani ia: igira na Pilistia ara labumatesigira ara tolu sangavulu toga na mane vaumate ni Israel.

Nina Papi A Job 41:9

“Me ti vaga kesa ke reilakana moa na Leviatan, me sauba ke kaso tobana me ke tavongani mateluvu lê.