1 Samuel 26:10 - Ghari

¹⁰ Ma David e goko babâ moa me tsaria, “Tana asana na Taovia mamauri, inau au dona nogo laka na Taovia aia segenina nogo sauba ke labumatesia a Saul, se ke mate kesa tana vailabu, se kalina ke tsau nogo tana nina tagu na mate.

1 Samuel 26:10 Referans Kwoze

Na Vaolusi Ketsa 31:14

Mi muri ma na Taovia e tsarivania a Moses, “Igoe, e varangi nogo ko mate. Ko soâ a Josua mo ko adimaia tana Valepolo, rongona kau gini tsarivania na omea ke naua.” Mi kaira a Moses ma Josua ara ka vano tana Valepolo,

Tuturigana 47:29

Mi kalina e varangi nogo na mateana, maia e soâ a Josep me tsarivania, “Ko moloa na limamu i levugana na kakabaqu mo ko vekevaniau laka sauba ko tau qiluau inau ieni tana Ejipt.

Roma 12:19

Kulaqu igamu, kamu laka goto na tuguvisuana na omea seko ara nauvanigamu na tinoni tavosi. Kamu molovania moa na korena God ke naua, matena ara marenogoa tana Mamare Tabu laka na Taovia e tsaria, “Inau nogo sauba kau tuguvisua na omea seko ara nauvanigamu.”

Linge 37:13

Ma na Taovia e kiataginigira moa igira na tinoni vanga tsutsukibo, matena aia e dona manoga nogo laka na tinoni vaga ia sauba ke tau oka ma kara mate.

1 Samuel 31:6

Aia nogo e vaga na mateana a Saul mi tugira tolu na dalena, maia goto na borau e kalagaia gana sagore; migira sui lakalaka nina mane vaumate a Saul ara mate sui tana dani ia.

1 Samuel 25:38

Me gana ngongo sangavulu na dani i muri, maia na Taovia e labua a Nabal me mate.

1 Samuel 25:26

Na Taovia nogo e tangolivisua na limamu mo gini tau dona na tangotugumu segeni ma na labumatesiaqira gamu gala. Mi kalina ia, inau au vatsa vanigo tana asana na Taovia mamauri, laka igira gamu gala migira sui goto ara ngaoa na labuamu igoe, sauba kara vaga nogo a Nabal.

Na Vaolusi Ketsa 32:35

Na Taovia sauba ke tangotugu me ke kedegira; sauba ke labamai na taguna i tana igira kara puka; me maimai varangi nogo na dani i tana kara mate;

Na Katemai 18:8

Eo, ma na rongona aia e tsaria na goko vaga ia, me sauba i laona ke kesa moa na dani kara gadovikakaia na rota seko loki sui, na liuna na lobogu seko, ma na tangitangi, ma na uvirau. Me sauba na lake ke ganigotoa, rongona na Taovia God nogo e pedea, maia segenina moa e susuliga sosongo.”

Hibru 9:27

Pipi na tinoni sui, nina aqo ke mate kesa moa kalina, mi muri ti aia God ke pedea.

Luka 18:7

?Megua, laka amu pada God ke tau isutuguqira nina tinoni segeni, igira ara ngangai dato vania na bongi ma na dani rongona aia ke sangagira? ?Me laka aia sauba ke tau tu tsaku me ke sangagira?

Sasani Sasaga 3:2

Na tagu na botsa ma na tagu na mate, na tagu na tsutsuka ma na tagu na tsatsai.

Linge 94:23

Aia nogo sauba ke kedegira tana rongona niqira tsutsukibo ara naua igira, me ke matesigira matena niqira sasi; na Taovia nida God sauba ke tû me ke labumatesigira sui.

Linge 37:10

E utu ke oka ma kara nanga lê igira na tinoni vanga tsutsukibo; migamu sauba kamu lalavegira me utu goto kamu tsodovulagigira.

Nina Papi A Job 14:14

?Me ti vaga ke mate na tinoni, me laka tangomana aia ke maurivisutugua? Minau sauba nomoa kau berengiti ma kau pipitu moa, poi ke sui niqu tagu na rota.

Nina Papi A Job 14:5

Igoe nogo o titivania na okana na maurina, ma na dangana na vula sauba aia ke mauri tsaulina, me tau goto tangomana kesa ke olia na omea igoe o titinogoa.

Nina Papi A Job 7:1

Ma Job e goko babâ moa me tsaria, “Na maurina tinoni i lao eni e vaga saikesa moa ti na mauri tana rarai, mi tana aqo kakai pipi kalina,

1 Samuel 24:15

Na Taovia nogo sauba ke pede, me ke votavanikaita asei ka vidada nomoa e sasi. Maia ke vilekea na omea iani, me ke isutuguqu inau, me ke maurisiau tania na limamu igoe.”

Hibru 10:30

Rongona igita a donagininogoa asei aia e tsaria na goko iani, “!Niqu nogo na pedegoto, minau sauba kau tangotugu!” Me tsarigotoa, “Na Taovia sauba ke pedegira nomoa nina tinoni.”

1 Samuel 24:12

!Na Taovia moa ke pedea asei ka vidada e sasi! Maia nogo ke kedego igoe tana rongona na omea o nauvaniau, minau moa sauba e utu goto kau pelego igoe.

1 Samuel 25:39

Mi kalina a David e rongomia laka e mate nogo a Nabal maia e tsaria, “!Tsonikaea na Taovia! Aia e tangotuguqu nogo i konina a Nabal rongona aia e goko peapea vaniau inau, maia na Taovia e tangolivisua na limana nina maneaqo ke tau naua sa omea seko. Na Taovia nogo e kedea a Nabal tana rongona nina sasi.” Mi muri ma David e mologoko vania ko Abigail laka e ngaoa ke taugâ.

1 Samuel 31:4

Ma Saul e tsarivania nina borau aia e kalagaia gana sagore, “Ko langâ nimu isi mo ko labumatesiginiau, rongona igira na ponotoba ni Pilistia girani kara tau tseqo poliau ma kara labumatesiau.” Ma na borau ia e matagu sosongo na nauvaganana ia. Mi tana ma Saul e tû, me adisegenia nina isi me puka bâ segeni i konina.