1 Samuel 2:7 - Ghari

⁷ Aia nogo e naua ti igira visana ara tau tamanina sa omea, migira visana ara tamani omea danga; e molotsunaligira visana, me molokaegira visana.

1 Samuel 2:7 Referans Kwoze

Linge 75:7

maia nogo God nina aqo na pede, maia sauba ke kedegira visana, me ke nusigira visana.

Nina Papi A Job 5:11

Eo, aia God nogo e molokaegira igira ara totu palatsuna, me veregira igira ara tangitangi.

Nina Papi A Job 1:21

Me tsaria, “Inau au tau nogo botsa kolua sa omea, me sauba kau tau goto mate kolua sa omea. Na Taovia nogo e sau omea vaniau, mi kalina ia, maia nogo e adivisugira sui taniau. !Tsonikaea na asana tabu!”

Iakobo 4:10

Kamu molotsunali segenimui i matana na Taovia, maia sauba ke sulukaegamu.

Isaia 2:12

Mi tana tagu nogo ia, sauba na Taovia Susuliga Sosongo ke molotsunaligira igira sui ara susuliga, mara kaekae, mara padaloki segeniqira.

2 Taovia Tsapakae 9:6

Mi kaira ara ka rutsuligi tanigira, mara ka bâ kesa tana voki tavosi, maia na propete vaolu e qetua na oela na olive tana lovana a Jehu me tsarivania, “Aia na Taovia na God ni Israel e tsarivaganana iani: ‘Inau au tabugo igoe ko lia na taovia tsapakae vanigira niqu tinoni ni Israel.

Nina Papi A Job 40:12

Eo, ko moro bâ i koniqira mo ko tsogori tsunaligira; mo ko bingi rutugira igira na vanga tsutsukibo i tana nogo ara totu.

1 Turupatu Dato 29:12

Pipi sui na tamani levo ma na tangirongo ara talumai moa i konimu igoe; igoe nogo o tagaovigira pipi sui na omea tana gamu susuliga loki mi tana nimu mana; migoe moa tangomana ko naua me ke tangirongo me ke susuliga asei moa igoe o ngaoa.

2 Turupatu Dato 32:27

Ma Hesekia na taovia tsapakae e tamani omea danga sosongo, me pipi sui na tinoni ara padalokia aia. Maia e logogira visana na voki na mani mololakâ omea, mi tana e molo tsupulaginigira nina qolumila, nina siliva, nina vatu angaanga loki matena, nina papasa sisigini dou, nina tako, migira sui goto na omea tavosi loki matena aia e tamanina.

2 Turupatu Dato 32:29

Ma na kamagana goto na omea sui girani, God e sauvania a Hesekia danga na sipi ma na buluka, me danga sosongo goto nina omea tatamani, te aia e logogira goto danga na verabau.

Linge 75:8

Na Taovia e tangolia kesa na tseu na uaeni susuliga na korena e totu i laona. Maia e qetua, migira sui lakalaka na tinoni vanga tsutsukibo ara inuvia; ara inuvi korasia me tau lelê goto totuvisu sa kukuduna.

Goko Tabana 22:2

Na Taovia nogo e aqosigira na tinoni sui, igira ara tamani omea danga migira goto ara tau tamanina sa omea.

Jeremia 49:15

Na Taovia nogo e tsaria, ‘Inau sauba kau naua migoe na Edom, ko gini palatsuna i laoqira na vera tavosi sui, me ke tagara goto kesa ke padalokigo.

Esekiel 17:24

Mi tana ti igira sui pipi na gai i laona na kao ia, sauba nomoa kara donaginia laka inau nogo na Taovia. Inau au kavitsunagira na gai katsi, mau naua mara gini dato katsi igira na gai ara vô na dato katsi. Mau naua mara gini matsele sui na gai ara dato magobu me marao dou na rauqira, migira na gai ara matsele nogo kara magobu tugua, me ke marao dou tugua na rauqira. Inau nogo na Taovia au tsaria na omea iani. Me sauba nomoa kau nau mananaâ na omea au tsarinogoa laka sauba kau naua.”