1 Samuel 2:5 - Ghari

⁵ Migira ara dona na mutsa masu dou tana idana, kalina eni ara mala tsekagira segeni tana aqo rongona na mutsa, migira ara vitoa tana idana, ara tau nogo vitoa. Maia na daki mamane e vasunogoa e vitu na dalena, maia na daki e tamanina danga nogo na dalena, kalina eni e utu nogo vania ke tamani baka.

1 Samuel 2:5 Referans Kwoze

Luka 1:53

E masuliginigira na omea dou igira ara vitoa, me railigigira lee igira ara tamani levo.

Linge 113:9

Maia e galuvea na daki tauga e mamane, me sauvania danga na dalena; me gini mage sosongo na daki ia i laona na valena. !Tsonikaea na Taovia!

Jeremia 15:9

Ma na daki ara mate vitu na dalena mane e mateluvu, me datokesa na mamagona. Ma na dani e vaga moa na bongi vania; maia e paluvangamana, me gini melu sosongo tobana. Minau sauba kau mologira gamui gala kara matesigira igira i laomui ara mamauri moa. Inau nogo na Taovia au tsaria na omea iani.”

Linge 34:10

Atsa moa na laeone, mara dona goto kara noga ma kara vitoa lê; migira moa ara rongomangana na Taovia, e utu goto kara noga sa omea dou.

Luka 16:25

“Ma Abraham e tsarivania, ‘Ko padavisua dalequ, laka tana maurimu igoe o tsodogira na omea dou sui, ma Lasarus aia e tsodogira na omea seko sui. Mi kalina eni aia e totu magemage ieni, migoe o totu rota tana.

Isaia 54:1

Na Taovia e goko me tsaria, “Jerusalem, igoe o vaga kesa na daki mamane, mi kalina ia ko lilinge mo ko gudato tana mage, rongona sauba kara danga na dalemu, liusia na daki na savana e totu moa i konina.

1 Samuel 1:6

Maia ko Penina e rotasia me paluvangamana ko Hana, rongona na Taovia e tau tamivania ke tamani dalena.

1 Samuel 1:20

Me tiana ko Hana me vasua kesa na dalena mane. Maia e soaginia a Samuel, me tsaria, “Aia nogo na baka inau au nongia i konina na Taovia.”

Galatia 4:27

Rongona ara marenogoa tana Mamare Tabu “!Ko mage igoe na daki mamane! !Ko guguu dato tana magemage, igoe o tau gini rota na vasubaka! Rongona aia na daki na savana e mololea sauba ke tamanina danga baa na dalena, liusia aia na daki e totu kolua na savana.”

Nina Papi Ko Rut 4:15

Maia ko Rut na tarungamu e galuve sosongoligo manana. Ma nina aqo aia e naunogoa vanigo, e liusia bâ na aqo tangomana kara tu nauvanigo ti vaga igoe ko tamanitugira ke vitu na dalemu mane. Bâ, mi kalina ia, aia e vasuvanigo nogo kesa na kukuamu, ma na baka ia sauba ke naua me ke gini doutugua tobamu mo ko gini magemage, maia nogo sauba ke adisaemu kalina igoe ko kavekave.”

Isaia 33:9

Na kao e melu rongona e totu mangu lê. Ma na goana atsi ni Lebanon e vangamâ rongona ara matsele sui na gai i laona, ma na poi lakataga dou ni Saron e lia vaga nogo na kaomate, mi Basan mi tana Vungavunga Karmel ara dudu lê sui na rauqira na gai.