1 Samuel 2:4 - Ghari

⁴ Niqira parige igira na mane vaumate susuliga ara takutsi lê, migira ara maluku lê ara susuliga doutugua.

1 Samuel 2:4 Referans Kwoze

Linge 76:3

Mi tana nogo e bokua niqira parige igira na gala, ma niqira tako ma niqira isi, eo, me pipi sui goto niqira omea levolevo gana na vailabu.

Linge 37:15

Me sauba ke pilovisu niqira isi segeni me ke matesigira, ma niqira parige ke tabokuboku lê.

Pilipi 4:13

Au susuliga na bariana pipi na omea sui ara laba vaniau ginia na susuligana a Iesu Kristo nogo e sauvaniau.

Linge 46:9

Aia e tukapusigira na vailabu loki sui ara laba pipi nauna tana barangengo. E bokugira na parige, me kutsigira na bao, ma na tako sui e kodogira tana lake.

Hibru 11:34

Mara matesia na iruna na lake loki, mara pitsa tania na mate tana isi. Ara maluku lee tana idana, mi muri mara malagai mara susuliga sosongo tana vailabu, mara tuliusigira niqira malagai na vera tavosi.

2 Korint 12:9

Maia e gokovisu me tsarivaniau, “Niqu galuve e tugugo nogo. Rongona na susuligaqu e aqo susuliga baa i konimu kalina igoe o maluku.” Aia nogoria na rongona au gini mage loki goto baa na gini kaekae mateqira na malukuqu inau, rongona na susuligana a Iesu Kristo ke totu i koniqu.

Linge 37:17

Rongona na Taovia sauba ke adiligia na susuligaqira igira na tinoni vanga tsutsukibo, me ke reitutugudougira na tinoni dou.

Jeremia 37:10

Me atsa moa ti vaga igamu kamu tangomana na tuliusiaqira na alaala popono na mane vaumate ni Babilonia, migira moa ara boka kara totuvisu, ma kara tsatsaro tana niqira valepolo, migira nogo sauba kara tû, ma kara ba mololakena na verabau iani me ke iru sui saikesa.”

Isaia 10:4

Igamu sauba nomoa kamu mate tana vailabu, se kara aditsekavanogamu. Me atsa moa ti e vaga ia, ma na korena na Taovia e tau moa vati sui. Aia sauba ke kedegamu baba moa.

Epesus 6:14

Vaga ia, migamu kamu tukakai moa, ma kamu pipitu: na manana ke ngiti itai kamu soriginia na bungumui; na sasaga goto ke ngiti didilamui,

Hibru 11:32

?Me gua? ?Laka amu ngaogotoa kau soa vanigamu na soaqira goto ke visana? Mau tau nogo tamani tagu kau gini turupatuna tana rongoqira a Gideon, ma Barak, ma Samson, ma Jepta, ma David, ma Samuel, migira na propete.

Linge 18:39

Igoe nogo o sauvaniau na susuliga gana na vailabu te au gini tangomana na tuliusiaqira gaqu gala.

Linge 46:10

Me tsarivaganana, “Kamu mololea na vailabugi, ma kamu donaginia laka inau nogo God, mau loki tsapakae i laoqira na puku sui, mau loki tsapakae kaputia na barangengo popono.”

Isaia 40:29

Aia e susuligasigira igira ara maluku mara kolae.

Jeremia 51:56

Igira ara mai gana kara toroutsania na Babilon; mara tangoligira nina mane vaumate, mara bokua niqira parige. Inau nogo na God au dona kau kedegira igira ara naua na omea tabaruga, me sauba nomoa kau nauvania na Babilon na omea vaga e ulagana.