1 Samuel 2:3 - Ghari

³ Ko laka goto na tsonikae segenimu; ke mui lê na mangamu na tsoniana na goko kaekae. Rongona na Taovia aia na God e donaginigira na omea sui, maia nogo e pedegira pipi na omea sui ara naua igira na tinoni.

1 Samuel 2:3 Referans Kwoze

Goko Tabana 8:13

Aia e kukuni tania na Taovia e reisavigira na omea seko; inau au reisavi sosongolia na kaekae ma na koesegeni, na sasaga tabaru ma na goko peropero.

1 Taovia Tsapakae 8:39

migoe ko rongomia niqira nonginongi. Tû tana veramu i baragata ko rongomia niqira nonginongi, mo ko padalea niqira sasi, mo ko sangagira. Igoe segeni moa o donaginia nina papada e totupopoi i laona tobana pipi tinoni, mo ko nauvania pipi tinoni vaga e ulagana na omea aia e naua,

Goko Tabana 24:12

Me tau utu ko tsaria laka e tagara sa nimu rongona na nauvaganana vaniana ia, ma God nogo e dona me pedea nimu omeomea. Aia e mamatanigo sailagi; me donaginigo. Maia sauba ke saupeluna vanigo taonia na omea igoe o naua.

Hibru 4:12

Na gokona God e totu mamauri saviliu, me aqo susuliga, me vavanga liusia baa na isi e vavanga ruka levu. Me dona ke tsulu tsapatugu i tana ara ka sai na tidaona ma na sasagana tinoni, na sulina ma na okana na sulina tinoni. Maia e pedegira pipi sui na papada ma na kili ara totu popoi i laona na tobana tinoni.

Goko Tabana 16:2

E tau utu ti ko pada laka ara goto sui pipi na omea o naugira, ma na Taovia nogo e pedegira pipi nimu omeomea.

Isaia 37:23

?Masei sagata nomoa igoe o peâ mo tsiria? Igoe o tau saikesa kukuni taniau, inau na God tabu loki ni Israel.

Linge 147:5

E loki tsapakae me susuliga sosongo nida Taovia; ma nina sasaga loki e utu na tsarituguana.

Linge 94:4

?Sauba ke oka koegua goto kara kaekae igira na tinoni vanga nauseko ma kara gini goko kaekae matena na omea seko ara naua?

Linge 44:21

migoe sauba ko donaginia nomoa, rongona igoe nogo o donaginigira na omea sui ara totu popoi i laona na tobana tinoni.

Nina Papi A Job 31:6

Me ti vaga God ke tovoginiau na omea na tovomamava manana, me sauba nomoa ke reiginia laka inau au tau tsukia sa sasi.

1 Samuel 16:7

Ma na Taovia e tsarivania a Samuel, “Ko laka na gini boe na morosiana na katsina ma na rereidouna aia. Inau au sove tania moa aia, rongona inau au tau dona na moro vaga igamu na tinoni lê. Na tinoni lê e morosia moa na rereina tinoni, minau au moro bâ i laona tobana.”

Na Katemai 2:23

Me sauba kau labumatesigira goto igira sui ara muria nina sasani ko Jesebel. Mi tana ti igira na tinoni tutuni sui pipi tana saikolu na lotu, kara gini dona laka inau nogo au donaginia pipi sui niqira papada ma niqira omeomea na tinoni. Me sauba kau sauvanigamu tatasa pipi gamu sui na peluna vaga e tugua nimui aqo amu naua.

Malaki 3:13

Ma na Taovia e tsarigotoa, “Igamu amu tsarigira danga na omea seko tana rongoqu inau. Mamu tû mamu veisuaau moa, ‘?Laka nagua seko ami tsaria tana rongomu igoe?’

Daniel 5:27

mamava, ara tovonogoa na mamavamu tana mani tovomamava, mara tsodovulagia laka o malamala lê;

Daniel 4:37

“Mi kalina ia, minau a Nebukadnesar au tsonikaea, mau pada mamavasia, mau soalokia, na Taovia Tsapakae ni Baragata. Me pipi sui na omea aia e naua e dou me goto, maia e dona ke molotsunâ asei moa e ngaoa laka ke molokae segenina.”

Jeremia 17:10

Inau na Taovia au vilekedoua i laona nina papada pipi tinoni, mau tovolea na sasagana, mau pedea pipi tinoni taonia nina omeomea segeni, ma nina aqo aia e naugira.”

Isaia 26:7

Taovia, igoe nogo o gotolia na sautu vanigira na tinoni dou, mara gini liu tana sautu atsa dou.

Linge 17:10

Mara tau goto galuveau mara goko kaekae sosongo.

Linge 31:18

Ko muisigira igira na vanga peropero igira sui ara dona na molokae segeniqira ma na goko peapea, mara tsirigira na tinoni e gotodou niqira sasaga.

Linge 75:5

mau tsarigotoa vanigira kara mololea na koesegeniqira.”

Josua 22:22

“!Na God Susuliga Sosongo aia nogo e Taovia! !Maia e dona nogo na rongona gua ti igami ami nauvaganana ia, migami ami ngaogotoa igamu kamu donaginia! !Me ti vaga igami ami sove na rongomangana mami tau nogo totu kakai i konina na Taovia, ma kamu laka goto na tamiana vanigami kami mauri babâ moa!

Tinoni Pede 9:38

Me tû a Sebul me tsarivania a Gaal, “?Iava na mangamu kalina ia aia o gini gokokae sosongo igoe? Igoe nogo o veisuagami rongona gua ti igami kami aqovania moa na mane iani a Abimelek. Igira nogoria na mane igoe o gilugaqira sosongo. Ko tû nogo kalina ia, mo ko ba vailabugi kolugira.”

Esekiel 35:13

Eo, minau au rongomigira sui goto nimu goko kaekae ma nimu goko peapea o nauvaniau inau.