1 Samuel 2:2 - Ghari

² “E tagara ke kesa ke tabu loki vaga na Taovia; me tagara ke kesa ke atsalina aia, me tagara goto ke kesa ke reitutugugita dou vaga e naua nida God.

1 Samuel 2:2 Referans Kwoze

2 Samuel 22:32

Na Taovia aia segenina moa e God; God segeni moa aia nida isutugu.

Isaia 44:6

Na Taovia, aia e tagaovigira me reitutugugira na tinoni ni Israel, aia na Taovia Susuliga Sosongo e tsaria na omea iani: “Inau nogo na kesanina ma na susuina, me tagara goto sa god tavosi, inau segeni lelê moa au God.

Linge 86:8

E tagara goto sa god ke tsauligo igoe Taovia, e tagara goto ke kesa ke naugira na omea vaga igoe o naugira.

Linge 89:8

Taovia God Susuliga Sosongo, e tagara goto ke kesa ke tsaulina na susuligamu igoe; me pipi sui tana omea igoe o mana saviliu Taovia.

Binaboli 15:11

“!Taovia, asei i laoqira na god ke atsakolugo igoe? ?Asei ke vaga igoe, o susuliga tsapakae mo tabu loki? ?Asei tangomana ke aqosigira na valatsatsa ma na omea ganataga loki sosongo vaga o naua igoe?

1 Petero 1:16

Rongona God e tsari manogatimainogoa tana Mamare Tabu, “Kamu doulaka saviliu igamu, rongona inau au doulaka saviliu.”

Jeremia 10:6

Taovia, e tagara goto kesa ke vaga igoe; igoe segeni moa o loki tsapakae, mo susuliga sosongo, me tangiloki na asamu.

Isaia 57:15

“Inau nogo na God tabu loki mau totu saviliu. Inau au totu i gotu vasau tana nauna tabu, mau totu goto i laoqira na tinoni ara totu palatsuna mara padasavia niqira sasi, gana kau kakaisia na tobaqira, ma kara gini mauri doutugua.

Na Vaolusi Ketsa 3:24

‘Taovia God, inau au dona laka igoe o sauvulagi vaniau na turina lê moa na omea loki ganataga igoe o vangaraua na nauaqira. !E tagara goto sa god i gotu i baragata se i lao i barangengo e tangomana ke naugira na omea loki sosongo vaga igoe o naunogoa!

Aqo Manetabu 19:2

ke tsarivaganana iani vanigira na saikolu popono tana Israel, “Nimui aqo kamu doulaka vaga nogo inau na Taovia nimui God au doulaka.

Roma 15:4

Eo, pipi na omea ara marea tana Mamare Tabu ara kalevisugita goto igita rongona kara sasaniginigita, ma kara malagaisiginigita ka gini dona na berengiti tana rota kalina igita a pipitua tana amesi na omea dou aia God e vekevanigita tana Mamare Tabu.

Isaia 44:8

!Kamu laka na matagu igamu niqu tinoni! Igamu amu donagininogoa laka e tû i sau vasau, me tsau mai i dani eni, inau moa au katevulagigira idanogo na omea sui sauba kara laba, migamu nogo niqu rongovata. ?Laka e totu manana sa god tavosi vaga inau? ?Me laka sa god susuliga goto sa nauna inau au tau vati donaginia?”

Isaia 40:18

?Asei bâ ke atsa kolua God? ?Masei tangomana ke tsaritugutugua na rereina God?

Isaia 6:3

Mara vaiguvigi mara tsaria, “!Tabu, tabu, tabu! !E tabu loki na Taovia Susuliga Sosongo! Ma na mararana e mararasi poponoa na barangengo.”

Linge 111:9

Aia nogo e laumaurisigira nina tinoni, me naua kesa na vaitasogi saliu kolugira. !Aia segeni e tabu loki me susuliga tsapakae!

Linge 99:5

!Tsonikaea na Taovia nida God; samasama vania i matana nina sasana na totukae! !Aia segeni e tabu loki!

Linge 89:6

Me tagara goto ke kesa i gotu ke atsa kolugo, igoe Taovia; me tagara lelê goto sa vidaqira igira ara totu i gotu kara kesaniatsa kolugo igoe.

Na Vaolusi Ketsa 32:39

“ ‘Inau, inau segeni au God; me tagara goto sa god tavosi ke mana. Inau nogo au matesi tinoni, mau maurisi tinoni, mau bokali tinoni mau tali tinoni, me tagara goto ke kesa tangomana ke utusia na omea inau au naua.

Na Vaolusi Ketsa 32:4

“Na Taovia aia nogo nimui isutugu susuliga, e doulaka me gotolaka pipi sui tana nina omeomea. Nimui God e gotolaka me mana saviliu; maia e naua moa na omea e mana me goto.

Linge 99:9

!Tsonikaea na Taovia nida God; samasama vania tana nina vungavunga tabu! Na Taovia nida God aia segeni e tabu loki.

Linge 73:25

?Masei goto kau norua i baragata ti ke tagara igoe? ?Me ti kau totu kolugo nogo igoe, ma nagua goto kau reingaoa tana barangengo?

Linge 71:19

Nimu gotolaka igoe God e dato e suâ na masaoka. Igoe nogo o naugira danga na omea loki sosongo bâ; me tagara goto kesa ke vaga igoe.

Linge 71:3

Ko didisiau, mo ko lia niqu mani toturavi i tana kau bâ totu raviravi, rongona igoe nogo o ravisiau mo isutuguqu.

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Na Vaolusi Ketsa 32:20

Maia e tsaria, ‘Igira na tinoni tsatsarae sosongo ma vanga malapalu girani, sauba e utu goto kau sangagira, ma kau reia na omea ke laba vanigira.

Na Vaolusi Ketsa 4:35

Na Taovia e sauvulagia vanigamu na omea iani, rongona kamu gini donaginia laka aia segenina moa e God, me tagara goto sa god tavosi.

Roma 4:8

!Ke mage na tinoni aia na Taovia e tau tsokogira nina sasi!”

2 Samuel 7:22

!Taovia God igoe nogo o loki tsapakae! E tagara goto ke kesa ke atsa kolugo igoe; migami ami dona sailagi nogo laka igoe segeni moa o God.

2 Samuel 22:3

Niqu God aia nogo e reitutuguau, mi konina nogo ia inau au totu raviravi dou. Aia e dilaau vaga moa na tako; maia nogo e isutuguqu me ravisiau. Aia nogoria niqu vagamauri; e reitutuguau me maurisiau tanigira na tinoni vanga tangopeke seko.

1 Taovia Tsapakae 8:23

me nonginongi me tsarivaganana, “!Igoe Taovia God ni Israel, e tagara goto sa god ke vaga igoe ke totu i gotu i baragata se i lao ieni i barangengo! Igoe o manalidoua nimu tabana na vaitasogi o naua kolugira nimu tinoni, mo saua nimu galuve vanigira kalina igira ara rongomangamu dou igoe tana tobaqira popono.

Linge 18:31

Na Taovia aia segenina moa e God. God segeni moa aia nida isutugu.

Linge 99:3

Migira na tinoni sui sauba kara tsonikaea na lokina ma gana tangirongo na asana tabu. !Aia segeni e tabu loki!

Aqo Manetabu 11:44

Inau na Taovia nimui God, ma nimui aqo kamu doulaka saviliu, rongona inau au doulaka saviliu.

Aqo Manetabu 11:45

Inau nogo na Taovia au adirutsumigamu tania na vera ni Ejipt rongona inau kau gini lia nimui God. Me vaga ia ma nimui aqo igamu kamu doulaka rongona inau au doulaka.

Na Vaolusi Ketsa 4:39

Eo, me dou ti i dani eni igamu kamu padatugua na omea iani ma kamu laka goto na padaleana: laka na Taovia aia e God manana i baragata mi barangengo. Aia segenina moa e God me tagara goto ke kesa tavosi.