1 Samuel 2:10 - Ghari

¹⁰ Na korena na Taovia sauba ke poda tû i gotu i baragata, me ke matesigira sui gana gala. Na Taovia sauba ke pedea na barangengo popono; me sauba ke saua na susuligana vania nina taovia tsapakae, maia ke naua me ke gini managana aia e vilinogoa.”

1 Samuel 2:10 Referans Kwoze

Linge 2:9

Me sauba ko tairutuginigira na itoro tapala; mo ko rutugira ma kara tarutu vaga saikesa nogo na popo vatu.’ ”

Linge 89:24

Sauba kau galuvea ma kau totu kalavata kolua; sauba kau sangâ maia ke gini tangomana sailagi.

Linge 96:13

rongona na Taovia e mai nogo na pedeana na barangengo. Maia sauba ke pedegira na tinoni sui tana barangengo tana pedegoto ma na pedelaka.

Binaboli 15:6

“Taovia, na limamu madoa e susuliga tsapakae; maia nogo o tairutuginigira gamu gala.

Linge 98:9

rongona aia e mai nogo na pedeana na barangengo. Maia sauba ke pedegira na tinoni sui tana barangengo tana pedegoto ma na pedelaka.

Linge 20:6

Mi kalina eni au donaginia laka na Taovia nogo e tusua na tangomana vania nina taovia tsapakae aia segeni e vilinogoa; me rongomia nina nonginongi tû i gotu tana nina baragata tabu, mi tana susuligana nogo ia, ti aia e tusuvania na tangomana loki sosongo.

1 Samuel 7:10

Mi kalina a Samuel e savoria moa na kodoputsa ia, migira na Pilistia ara alamai ginigira. Mi tana tagu tsotsodo nogo ia, ma na gokona na Taovia e poda loki tû i gotu i baragata me utusigira. Mara gini matagu loki sosongo mara tavongani taposasa bamai lê mara viri tsogo saranga.

Luka 19:27

!Mi kalina ia, kamu adimaigira ieni gaqu gala inau, igira ara tau reingaoa laka inau kau lia gaqira taovia tsapakae, mieni kamu labumatesigira i mataqu!’ ”

Mateo 28:18

Ma Iesu e garumai i koniqira me tsarivanigira, “Na Tamaqu nogo e tusuvaniau pipi sui na susuliga loki i baragata mi barangengo.

Sasani Sasaga 12:14

Ma God sauba nomoa ke pedegita tana rongona pipi sui na omea igita a naua, atsa moa ti na omea dou se na omea seko, me atsa goto moa ti na omea igita a naupopoia.

Sasani Sasaga 11:9

Igoe tinoni vaolu, ko gini mage nimu datovaolu. Ke mage tobamu kalina igoe o vavaolu moa. Ko nauragoa na omea sui o padangaoa na nauana, mo ko muria na omea e kilia na tobamu. Mo ko laka moa na padaleana laka God sauba nomoa ke pedego taonia na omea sui igoe o naugira.

Linge 45:7

Igoe o reingaoa na omea e goto mo reisavia na omea e seko. Aia nogoria na rongona ti aia God nimu God e viliginigo igoe me ninaginigo na oela na mage liusigira sui na taovia tsapakae tavosi.

Linge 21:1

Taovia, e mage sosongo aia na taovia tsapakae rongona igoe o tusuvania na susuligamu. Maia e magemage loki rongona igoe o sangâ me gini managana.

Linge 2:6

Me tsarivaganana vanigira, “Inau segeniqu nogo au turuvaginia aia au vilia ke lia na taovia tsapakae, mi Sion nogo tana niqu vungavunga tabu au molovania ke totu.”

Linge 2:2

Igira na taovia tsapakae ni lao eni ara tû, mara vangarau segeniqira nogo, migira sui na tagao ara vorogokona sai na tukapusiana na Taovia, ma na tukapusiana goto na taovia tsapakae aia e vilinogoa.

Tinoni Pede 5:31

!Taovia e dou bâ ti igira sui gamu gala igoe kara mate vaga ia, migira moa na kulamu igoe kara maka vaga na aso kalina e dato vaolu! Mi tana e laba na rago tana vera ia i laona e vati sangavulu na ngalitupa.

2 Korint 5:10

Rongona pipi gita sui lakalaka, nida aqo sauba ka tuu i matana a Iesu Kristo maia ke pedegita sui. Pipi sei tatasa sauba ke adia na peluna e tugua na matena nina aqo e naua i laona na maurina i lao eni ti vaga e dou se e seko.

Aqoaqo 10:38

Igamu amu donagininogoa a Iesu ni Nasaret, me koegua God e vilia me dangali tovuginia na susuligana ma na Tarunga Tabu. E liu pipi tana vera, me aqo galuve vanigira na tinoni sui, me maurisigira igira e totuvigira na susuligana na tidao seko, rongona God nogo e totu i konina.

Aqoaqo 4:27

“Me laba saikesa vaga nogo, kalina kaira a Herod ma Pontius Pilate ara ka labasai tana vera loki iani, kolugira na tinoni ni Israel ma na tinoni ni veratavosi goto, mara voroa gana mate a Iesu na Dalemu Tabu, aia o vili segenimu nogo ke lia na Mesia.

Luka 1:69

E manogati vanigita nogoa kesa na Vagamauri susuliga, aia e talu tana puku konina a David nina maneaqo.

Mateo 25:34

Mi muri kau tsarivanigira igira ara totu tana madoaqu, ‘!Kamu mai igamu, aia na Tamaqu e reingaogamu! Kamu mai, ma kamu tamanina na verana aia God e vangarau manogatinogoa vanigamu, e tuu mai nogo kalina e botsa na barangengo.

Isaia 45:24

“Me sauba kara tsaria, ‘Na Taovia segeni moa e sangagita, me susuligasigita.’ Migira ara reisaviau inau sauba kara gini rota na vangamâ.

Isaia 32:1

Kesa dani sauba ke totu kesa na taovia tsapakae aia ke tagaolaka, migira sui na tagaovera kara gini tagao na pedegoto.

Linge 148:14

Aia e galuve sosongoligira nina tinoni ni Israel, me vaturikakaia na veraqira, rongona ti igira sui nina tinoni kara tsonikaea. !Tsonikaea na Taovia!

Linge 89:17

Igoe nogo na pukuna na susuligamami, mi tana nimu galuve, igoe o naua migami ami gini tangomana.

Linge 28:8

Na Taovia e reitutugugira nina tinoni; maia e isutuguna me maurisia nina taovia tsapakae vivili.

Nina Papi A Job 40:9

?Me laka igoe o susuliga atsa koluau inau? ?Me laka na tatangina na liomu e dona ke poda loki vaga na lioqu inau?

2 Samuel 22:14

Mi tana, ma na gokona na Taovia aia e totu tana parako, e poda loki vaga na vivisa, mara rongomia na tatangina na liona aia e God Susuliga Sosongo.

2 Samuel 7:13

Maia nogoria sauba ke logo vaniau kesa niqu valetabu, minau sauba kau naua ma nina puku taovia tsapakae ke totu saviliu na dani ma na dani.

2 Samuel 7:8

“Me vaga ia, migoe ko ba tsarivania a David niqu maneaqo laka inau nogo na Taovia Susuliga Sosongo au tsarivania, ‘Inau nogo au adiligigo igoe tania nimu aqo na reitutugu sipi i laona na poina, mau molokaego ko tagaovigira niqu tinoni ni Israel.

1 Samuel 16:1

Ma na Taovia e tsarivania a Samuel, “?Sauba ke oka koegua sagata igoe ko tangisia moa a Saul? Inau au sove taninogoa vaga niqira taovia tsapakae na Israel. Mi kalina ia, ko tû mo ko dangaliginia nimu tosu na oela na olive, mo ko adia mo ko vano i Betlehem i konina kesa na mane a Jese na asana, rongona inau au vilinogoa kesa i tu laoqira na dalena aia ke lia na taovia tsapakae.”

1 Samuel 15:28

Ma Samuel e tsarivania, “I dani eni nogo na Taovia e ratsiligi tanigo igoe nimu aqotagao vanigira na Israel, me saunogoa vania kesa aia e mane dou liusigo bâ igoe.

1 Samuel 12:18

Mi tana ma Samuel e nonginongi, mi tana dani nogo ia na Taovia e molomaia na quluqulu ma na usa loki. Migira sui na toga ara mataguni sosongolikaira na Taovia ma Samuel,

1 Samuel 12:13

“Bâ, miani nogo nimui taovia tsapakae amu vili segenimui; aia igamu segeni nogo amu nongia God ke sauvanigamu. Eo, mi kalina ia, ma na Taovia e saunogoa vanigamu.

1 Samuel 12:3

Bâ, mieni inau. Me ti vaga inau au nausekoli vanigamu nogo sa omea, mi kalina nogo ia igamu kamu tsari malemalea vaniau i matana na Taovia, mi matana goto nimui taovia tsapakae aia na Taovia e vilinogoa. ?Bâ, me laka inau au tavongani aditamaniqu nina buluka se nina asi ke kesa? ?Me laka au peqoa se au bingi sekolia ke kesa vidamui? ?Me laka sa dani au taminogoa kau adiqolona na sanga kesa tabana tana pede? Me ti vaga inau au naunogoa sa vidaqira na omea vaga girani, me dou kamu tsarivaniau kalina ia, minau sauba kau tuguvisu vanigamu na omea au adinogoa.”

Isaia 29:6

i laona na tulonga loki, ma na vuluge, ma na koburu, ma na lake loki, ma kau laumaurisigo.

Esekiel 29:21

“Mi kalina ke laba na omea vaga ia, minau sauba kau naua migira na tinoni ni Israel kara susuliga tugua, ma kau mologo igoe a Esekiel ko bâ mo ko gokodato vanigira tana nauna i tana igira sui na tinoni kara tangomana na rongomiamu, mi tana ti kara donaginia laka inau nogo na Taovia.”

1 Samuel 12:17

?Amu dona laka e tau na tagu na usa kalina ia ne? Me atsa moa ti e tau na tagu na usa, minau sauba kau nongia na Taovia ke molotsunamai na quluqulu ma na usa loki. Mi kalina kamu reia ke laba vaga ia, migamu sauba kamu reigadovia laka amu sasi loki sosongo vania Taovia, kalina igamu amu nongia aia ke molovanigamu ke kesa segeni ke taovia tsapakae vanigamu.”

Linge 20:7

Visana ara vataraginia gaqira susuliga tana niqira terê na vailabu, mara visana tavosi tana niqira ose, migita a norua moa na susuligana na Taovia nida God.

Linge 89:25

Sauba kau pabovania na verana me ke tû tana Tasi Mediteranean me ke vosa bâ tana Kô Euprates.

Linge 132:17

Mieni nogo sauba kau vaturia kesa na kukuana a David ke taovia tsapakae loki; ma na puku i konina aia sauba kara tangolidatoa nina aqotagao.