1 Samuel 1:9 - Ghari

^9-10 Me kesa dani, kalina igira ara mutsa sui nogo i laona na valena na Taovia i Silo, maia ko Hana e tû. E melu loki sosongo tobana me ngangai kalina aia e nonginongi vania na Taovia. Mi tana tagu goto ia, ma Eli na manetabu e totu moa tana sasana i ligisana na matsapa.

1 Samuel 1:9 Referans Kwoze

1 Samuel 3:3

Ma Samuel e maturu tana nina voki tabu na Taovia i tana e totu na Bokisi na Taso. Mi tana matsaraka rovorovo, kalina na bulu ara iruiru moa,

Linge 27:4

E kesa moa na omea au nongia i konina na Taovia; e kesa lelê moa na omea au kilia: aia nogoria laka kau totu saviliu moa tana na valena na Taovia tana mauriqu popono. Mi tana kau reia na douna na Taovia, ma kau nongia ke sauvulagia vaniau na sautu i tana kau liu.

Linge 5:7

Eo, mi tana rongona moa nimu galuve loki igoe, te e gini tau utu vaniau na mai i laona na valemu; ma na samasama i laona na Valemu Tabu ma na tsuporu vaniamu tana kukuni loki.

2 Samuel 7:2

Ma na taovia tsapakae e goko vania a Natan na propete me tsaria, “!Ko reia, inau au totuvia kesa na vale dou ara aqosiginia na gai na sida, ma nina Bokisi na Taso God e totu moa i laona kesa na valepolo lê!”

1 Samuel 3:15

Ma Samuel e tsaro moa i nigena poi tsau tana matsaraka. Mi muri, maia e tû me ba sangavigira na matsapana na valena na Taovia. Me matagu sosongo na ba tsarivulagiana vania a Eli na omea e rongomia i konina na Taovia.

Linge 29:9

Na gokona na Taovia e birugira na gai loki, me rusia na rauqira mara viri dudu sui. Migira sui ara totusai i laona na Vale Tabu ara gudato mara tsaria, “!Tsonikaea God!”

Binaboli 21:6

ma nina aqo gana taovia ke adivanoa tana nauna gana na samasama, mi tana aia ke molovania ke tu vataragi ligisana na matsapa, se tana gaitudato tana matsapa, me ke ovativania na kulina. Mi muri, maia ke lia nina tseka tana maurina popono.

1 Samuel 4:13

Mi kalina e laba ia, maia Eli e totu tana sasana ligisana na matsapakapuna na vera, me pipitu. Aia e pada sosongolia na Bokisi na Taso. Ma na mane ia e sage tana vera me rasavaginia na turupatu ia i laona na vera popono, migira sui ara ngangaidato tana matagu.