1 Petero 3:22 - Ghari

²² me ba dato nogo i baragata i tana e totu tana madoana God Tamana, me taovia loki vanigira na angelo sui, me vanigira goto na omea susuliga sui ni gotu.

1 Petero 3:22 Referans Kwoze

Hibru 9:24

Rongona a Iesu Kristo aia e tau ba sage kesa tana Nauna Tabu ara aqosia moa na tinoni, vaga na nununa lee moa na Nauna Tabu manana e totu i gotu. Aia e sage ba saviliu nogo i baragata. Mi tana aia e totu kalina eni, me isutuguda i matana God.

Hibru 12:2

Igita ka moro tatavata baa moa i konina a Iesu. Rongona i konina nogo ia e vataragi nida tutuni tuu tana tuturigana me ke tsau baa tana susuina. A Iesu aia e tau sove na mate tana vangamaa tana gai ulutaligu rongona e dona nogo laka na mage loki e totupitua. Mi kalina eni, aia e totu tana madoana God i baragata.

Hibru 10:12

Ma Iesu Kristo aia e savori segenina kesa lelee moa kalina na mateqira na sasi sui. Ma na savori aia e naua e aqoaqo saviliu. Mi muri maia e ba totu kalavata i gotu tana madoana God.

Marko 16:19

Mi kalina e sui nina goko koiluigira, ma na Taovia Iesu e dato i bairaigata, me batotu tana madoana God.

Hibru 8:1

Iani nogo na omea pukuga tana goko igita a gini goko: laka igita a tamanina nogo kesa nida Mane Tabu Loki atsa vaga nogo a Melkisedek. Maia e totu nogo tana madoana God na Taovia Tsapakae i baragata, me tagao patakolua.

Hibru 6:20

I tana a Iesu e idagana vanigita nogo, me lia nogo nida Mane Tabu Loki kalavata, vaga nogo a Melkisedek.

Kolose 3:1

Migamu amu maurivisu kolunogoa a Iesu Kristo. Baa, mi kalina eni, kamu lavegira moa na omea ara kalea na mauri ni gotu, i tana a Iesu Kristo e totu tana madoana God.

Roma 8:38

Inau au dona saikesa nogo laka e tagara ke kesa na omea tangomana ke molovotagita tania nina galuve God vanigita: atsa moa na mate se na mauri; atsa moa ti na angelo se kesa na omea susuliga ni gotu; atsa moa tana tagu ni dani eni se i muri baa;

Roma 8:34

?Masei tangomana ke tuu me ke kekegira? ?Laka a Iesu Kristo? !Tagara goto! !A Iesu Kristo aia nogo e mate mateqira, me maurivisu nogo tania na mate, me totu tana madoana God Tamana, mi tana e nongia na Tamana vanigita!

Mateo 22:44

‘Na Taovia e tsarivania niqu Taovia: Ko totu ieni tana madoaqu, poi tsau kalina kau livugira sui gamu gala i vavana tuamu, ma kara tseka vanigo.’

Hibru 1:3

Maia nogo e saumakali vanigita na mararana God; maia goto nogo na nununa laka segeni nogo God, mi tana susuligana nina goko aia e tangoli kakaiginigira na omea sui i gotu mi lao. Mi murina aia e sese mateqira sui niqira sasi na tinoni, maia e ba totu i gotu tana madoana God aia e Susuliga Tsapakae.

1 Korint 15:24

Mi muri moa ti ke labamai na susuina na dani: i tana a Iesu Kristo sauba ke tsogori pukaligira na tidao sui, na tangirongo ma na susuliga sui, me ke sauvisua nina tamani vania God Tamana.

Aqoaqo 3:21

“Ma nina aqo nogo aia ke totu kalavata i gotu poi ke tsau na tagu i tana God ke vaolusigira pipi na omea sui, vaga aia e katemainogoa tana mangaqira na propete ni oka.

Aqoaqo 1:11

Mara ka tsaria, “?Mane ni Galilii, matena gua amu tutuu tana, mamu momoro dato lee i gotu tana masaoka? A Iesu, aia e dato nogo tanigamu i baragata, me sauba ke visumaitugua, vaga nogo amu vasini reia kalina aia e dato i baragata.”

Marko 12:36

Na Tarunga Tabu nogo e mararasia na tobana a David, te e gini tsaria na goko vaga iani, ‘Na Taovia e tsaria vania niqu Taovia: Ko totu ieni tana madoaqu, poi tsau kalina kau livugira sui gamu gala i vavana tuamu, ma kara tseka vanigo.’

Linge 110:1

Na Taovia e tsarivania niqu taovia: “Ko totu ieni tana madoaqu, poi tsau kalina kau tsogori tsunagira gamu gala ma kara tseka vanigo.”

Hibru 1:13

Ma God e tau saikesa goto tsarivania ke kesa vidaqira nina angelo na goko vaga iani: “Ko totu ieni tana madoaqu, poi tsau kalina kau livugira sui gamu gala i vavana tuamu, ma kara tseka vanigo.”

Luka 20:42

Maia segenina nogo a David e goko vaga iani tana papi na Linge Tabu, ‘Na Taovia e tsarivania niqu Taovia: Igoe ko totu ieni tana madoaqu,

Mateo 28:18

Ma Iesu e garumai i koniqira me tsarivanigira, “Na Tamaqu nogo e tusuvaniau pipi sui na susuliga loki i baragata mi barangengo.

Hibru 1:6

Mi kalina God e vangaraua ke molomaia i lao eni na Dalena botsaida, maia e tsarivaganana: “Igira sui nina angelo God, niqira aqo kara samasama vania aia.”

Hibru 4:14

Vaga ia, me dou ti igita ka tukakai tana tutuni igita a tamanina nogo. Rongona igita a tamanina nogo e kesa nida Mane Tabu Loki Tsapakae, maia e vano saikesa nogo i matana God i gotu vasau, maia nogoria a Iesu Kristo na Dalena God.

Ioane 13:32

Me ti vaga na mararana God ke labamaka i koniqu, me sauba God ke tusu labatigotoa na mararaqu i konina segeni, me utu goto aia ke kisa.