1 Petero 2:25 - Ghari

²⁵ Tana idana, igamu amu mala vaga na sipi ara sarevo. Mi kalina eni, God e adivisugamu nogo, mamu gini muridoua a Iesu Kristo nimui Taovia dou, ma gana Reitutugu na tidaomui.

1 Petero 2:25 Referans Kwoze

Isaia 53:6

Tana idana, igita sui lakalaka a vaga saikesa na sipi sarevo lê. pipi kesa e tavongani muria kesa nina sautu segeni. Ma na Taovia e molovania aia ke kalagaia na kede e tugua ke gado i konida igita sui.

Esekiel 34:6

Eo, igira niqu sipi inau ara liu ao sosongo i gotu tana vungavunga dato, mara viri tavota bamai i laona na barangengo, me tagara goto ke kesa ke ba tsoni lalaveqira.

Aqoaqo 20:28

Me ti e vaga ia, ma kamu reitutugugamu segenimui, ma kamu reitutugugira goto igira na tinoni na Tarunga Tabu e moloa vanigamu kamu reitutugugira. Kamu lia na reitutugu dou manana i laoqira nina tinoni God, igira aia e voliginigira nogo tana mateana na Dalena.

Isaia 40:11

Maia sauba ke reitutugudougira nina tinoni, vaga moa na mane reitutugusipi e reitutugugira me palagira nina sipi, me alotisaigira na dalena sipi me tabelegira; me alagigira bâ na tinaqira tana nauna i tana kara mango.

Linge 119:176

Au sarevo bamai vaga moa ti na sipi e nanga; vaga ia, migoe ko mai mo ko laveau inau nimu tinoni aqo, rongona inau au tau saikesa padalegira nimu ketsa.

Mateo 9:36

Mi kalina e reigira na toga ara danga vaga sagata ia, maia e galuve sosongoligira i tobana, rongona ara rota me tagara kesa ke sangagira. Ara vaga saikesa moa na alaala na sipi e tagara kesa ke reitutugugira.

Mateo 18:12

“?Ma nagua amu pada igamu? ?Ti vaga kesa na mane, maia e tamanigira kesa sangatu nina sipi, me kesa na vidaqira ke nanga, me laka nagua sauba ke naua? Sauba nomoa aia ke mololegira talu igira siu sangavulu siu na sipi tavosi tana nauna ara mutsamutsa, maia ke vano talu na laveana aia na sipi e nanga,

1 Petero 5:4

Mi kalina ke labavisumai na Taovia Loki na Reitutugu Sipi, me sauba aia ke sauvanigamu na sorilova marara e voo ke nanga na makana.

Hibru 13:20

Inau, au nongi sailaginia God vanigamu sui. Aia God na Taovia na Rago, maia nogo e maurisivisua a Iesu Kristo nida Taovia tania na mate. Maia nida Reitutugu Sipi Loki Tsapakae manana rongona e reoa na gabuna segeni ke gini tukakai saviliu na taso vaolu.

Jeremia 23:2

Iani nogo nina goko na Taovia na God ni Israel e tsaria tana rongoqira igira ara tagaovigira nina tinoni: “Igamu amu tau reitutugudougira niqu tinoni. Amu tsialigigira, mamu sarangasigira bamai. !Doua! Mi kalina ia, inau sauba kau kedegamu matena na omea tabaruga amu naua.

Hibru 3:1

!Igamu na tasiqu Kristiano, igamu goto God e viligamu! E dou kamu pada sosongolia moa a Iesu, aia God e molomaiginia ke lia nida Mane Tabu Loki igita sui a tutunina aia.

Esekiel 37:24

Me kesa na taovia tsapakae vaga nogo a David niqu maneaqo sauba ke lia niqira taovia tsapakae. Migira sui sauba kara totusai i vavana kesa moa na reitutugu, maia ke tagao dou vanigira, ma kara muri kalavatavigira niqu ketsa sui.

Linge 80:1

Taovia, igoe niqira Reitutugusipi igira na Israel, ko rongomigami; igoe o matalidougira nimu sipi, ko rongomigami. Igoe o totu tana sasamu na totukae i kelana na rapoqira na angelo,

Sekaria 13:7

Na Taovia Susuliga Sosongo e tsaria, “!Mamata igoe niqu isi, mo ko ba labumatesia na mane pitusipi aia e aqo vaniau inau, ma kara viri saranga bamai na sipi! Inau sauba kau baginigira niqu tinoni,

Isaia 13:14

“Migira na tinoni ni veratavosi ara totu i Babilon sauba kara tsogovisutugua tana veraqira segeni, ma kara tsogo saranga bamai vaga moa na dia kalina ara tsogo tanigira na tinoni na rugu, me vaga goto na sipi kalina e tagara kesa ke reitutugugira.

Isaia 53:5

Me tagara. E tau vaga ia. Aia e gini gadovikede me gini boka tana rongona nida sasi igita; mara ramitsia tana rongona na omea seko igita nogo a naua. Mi tana rongona nogo na rota aia e vatsangia te igita a gini dou visutugua, mi tana bokana nogo ia, igita a tsodoginia na mauri.

Hibru 5:2

Me rongona aia segenina nogo e tinoni maluku goto danga tana nina sasaga, te e tugua aia ke tsalapo kolugira igira ara tau dona dou mara gini liu sasi.

1 Petero 3:20

Migira nogoria na tidaoqira na tinoni ara petsakoe vania God i sau, kalina aia e berengiti me pipitu poi ke tsau kalina a Noa ke kavisuia na vaka. Mara tsaurae lee moa na tinoni ara sage i laona na vaka e kavia a Noa. Ara tu alu lelee moa tugira, mara tu gini mauri tania na obo loki.