1 Petero 1:25 - Ghari

²⁵ Ma na gokona God aia segeni moa e dona ke totu saviliu.” Maia nogoria na gokona na Turupatu Dou ara gokogini vanigamu nogo.

1 Petero 1:25 Referans Kwoze

Isaia 40:8

Eo, igira na buruburu ara mate lê, ma na tsitsi ara dudu, ma na gokona moa God e totu saviliu.”

Mateo 5:18

Inau au tsarivanigamu na manana. E utu lelee ke kesa na tsaqina tetelo i laona na Ketsa ke tavongani nanga lee, poi ke tsau tana susuina na dani, i tana kara ka nangaligi lee na baragata ma na barangengo.

Linge 119:89

Taovia, nimu tsaqina goko igoe sauba ke totu saviliu na dani ma na dani; aia e totu kalavata nogo i gotu i baragata.

1 Ioane 1:1

Igami ami marea na leta iani vanigamu, rongona kami gini tsari tutugudoua vanigamu tana rongona na Gokona God aia na pukuna na mauri. Aia e totu nogo tuu tana tuturigana saikesa. Migami ami rongominogoa, mami reigininogoa na matamami. Eo, ami morosilakana nogo, mami peleginia na limamami.

2 Petero 1:19

Aia nogoria na rongona te igami ami gini norukakaia laka e mana na goko ara katemaia igira na propete. Me dou baa ti igamu goto kamu sanga na pada mamavasiana, rongona aia e vaga na sulu e marara tana rodo, poi tsau kalina ke vovomai na Dani ma na makana na veitugusidani ke mararasia na tobamui.

Linge 102:12

Migoe moa Taovia o taovia tsapakae na dani ma na dani; migira na vatavata sui sauba kara padavisugo sailagi.

Luka 16:17

Eo, mau tsari nomoa vanigamu, e lakagana sosongo vanikaira na baragata ma na barangengo kara ka nangaligi lee, ma na Ketsa aia e utu saikesa ke tavongani nangaligi lee, atsa moa ti kesa turina tetelo lee, tagara saikesa goto.

Epesus 2:17

A Iesu Kristo e mai i barangengo rongona ke gini turupatuna na Turupatu Dou na rago vanigira na tinoni sui, vanigamu igamu na tinoni ni veratavosi igamu amu totu ao tania God, me vanigami goto igami na Tsiu igami ami totu varangisinogoa aia.

Ioane 1:14

Me lia tinoni na Goko me mai totu i laoda, me dangatovu i konina na vangalaka ma na manana. Migita a reivulagia na mararana, aia na marara e tamanina rongona aia nogo na Dalena Tamana e kesa moa.

Ioane 1:1

Tana idana tsotsodo e totu na Goko. Me totu kolua God na Goko, me God na Goko.

Linge 102:26

Migira na omea sui, sauba kara nangaligi lê kesa dani, migoe moa sauba ko totu saviliu; eo, sauba kara nguta lê igira sui vaga moa na polo. Migoe sauba ko tsoniligigira lê vaga moa na polo ngutanguta, me sauba kara nanga lê sui.

1 Ioane 1:3

Na omea igami ami morosia mami rongomia, ami katevulagigira vanigamu, rongona ti igamu goto kamu gini sai kolugami igami tana mauripata koluana God Tamana, ma Iesu Kristo na Dalena.

1 Petero 2:2

Kamu lia vaga na baka e botsa vaolu. Kamu gini marou pipi dani na tsutsu tarunga e talumai tana gokona God. Kamu inuvia ti kamu gini lokiloki, ma kamu gini tsaulia na mauri saliu i konina God.

1 Petero 1:23

Rongona igamu sui amu botsa vaolu gini nogoa na gokona God, aia e mauri me totu saviliu. Eo, amu botsa vaolu tugua mala vaga nogo na dalena kesa aia e voo na mate. Me tau vaga igira na tamada ara vasugita, mara dona nomoa kara mate igira.

1 Petero 1:12

God e saumakalia vanigira na propete laka na omea igira ara katemaia e tau kalegira segeni moa igira. E kalegamu goto igamu. Ma na omea vaga ara katemaia igira, igamu amu rongominogoa kalina eni i koniqira igira ara turupatuna na Turupatu Dou tana rongona a Iesu Kristo. Ara goko tana susuligana na Tarunga Tabu e talumai i gotu. Ma na omea vaga girani, atsa moa ti igira na angelo, mara kiligotoa kara sanga na padagadoviana.

Epesus 3:8

Inau au palatsuna saikesa i laoqira nina tinoni God. Ma God aia e tusuvaniau nomoa na aqo na adiana na Turupatu Dou vaniaqira na tinoni ni veratavosi kara gini donaginia na lokina nina tamani a Iesu Kristo,

1 Korint 2:2

Tagara, mi kalina au totu kolugamu inau, mau ngaoa moa kau padalegira pipi sui na omea tavosi, ma kau pada moa a Iesu Kristo, ma na mateana tana gai ulutaligu.

Isaia 40:6

Me tangi laba kesa goto na goko me tsaria, “!Ko katevulagia kesa na goko!” Minau au veisuâ, “?Ma na goko gua vaga sauba inau kau katevulagia?” Maia e tsarivaniau, “Ko katevulagia laka pipi sui na mamatana tinoni e utu kara mauri oka. Ara dona kara mate tsaku lê, vaga moa na buruburu, ma gaqira tangirongo ara dudu tsaku lê vaga moa na tsitsi atsi.

Hibru 6:5

Ara donagininogoa laka nina goko God ara doulaka sui. Mara reigira nogo na omea loki sui aia God e aqosigira tana susuligana segeni, igira nogo na papadana na omea sauba kara laba tana susuina na dani.

Na Katemai 14:6

Mi muri, mau morosia e kesa segeni goto na angelo e lolovo i gotu ao tana masaoka. Maia e tamanina na gokona saliu na Turupatu Dou, gana na gini turupatuna vaniaqira na tinoni sui tana barangengo: vanigira pipi na mamatana tinoni, ma na puku, ma na tavosi goko, me pipi sui na duli i laona pipi vera.