1 Korint 9:16 - Ghari

¹⁶ E tau ulagaqu kau gini kaekae kalina inau au gini turupatuna na Turupatu Dou. Me utu moa kau tau gini turupatuna. !Rongona ti kau tau turupatuna, me sauba ke seko sosongo baa vaniau!

1 Korint 9:16 Referans Kwoze

Roma 1:14

E ngoli sosongoliau na aqo na turupatuna na Turupatu Dou vaniaqira na tinoni sui lakalaka, vanigira igira ara sasaga nogo me vanigira igira ara ponotoba moa; vanigira igira ara sasani loki nogo me vanigira igira ara tau vati sasani moa.

Kolose 4:17

Ma kamu tsarivania a Arkipus, laka nina aqo nomoa ke suilavaginia na aqo ami molovania ke nauvania na Taovia.

Jeremia 20:9

Mi kalina inau au padâ moa i tobaqu mau tsaria, “Sauba nomoa kau padalea na Taovia ma kau tau nogo gini goko sa omea tana asana aia.” Mi tana tsotsodo, pipi sui nimu tsaqina goko Taovia ara irudato vaga moa na lake gagâ i laona tobaqu. Minau au tovokakaia laka kau muisaginigira lê, me utugana sosongo vaniau nomoa.

Luka 9:62

Ma Iesu e tsarivania, “Ti vaga kesa ke tuturiga nogo na pilokao, me ke tau kuti na morovisu, tinoni vaga ia e tau saikesa ulagana ke aqo vangana na Verana God.”

Aqoaqo 4:20

Mi kagami e utu saikesa kami ka kuti na gini goko na omea ikagami segenimami nogo ami ka reia mami ka rongomia.”

Amos 3:8

?Mi kalina e kanga loki kesa na laeone, masei sauba ke tau gini matagu? ?Mi kalina na Taovia God e goko, masei ke baribari me ke tau katevulagia nina goko?

Roma 15:17

Tana niqu mauripata koluana a Iesu Kristo, ti inau au gini kaekae niqu aqo vania God.

Aqoaqo 9:15

Ma na Taovia e tsarivania, “Ko ba moa, rongona inau au vilinogoa aia ke aqo vaniau, me ke tsarivulagia na asaqu vanigira na tinoni pipi tana vera sui ma niqira taovia, me vanigira goto na tinoni sui ni Israel.

Aqoaqo 9:6

Ko tuu, mo ko baa i laona na verabau ni Damaskus, mi tana sauba kara tsarivanigo nagua sauba ko naua.”

Roma 4:2

Rongona ti vaga laka tana rongona moa na omea aia e naugira ti a Abraham e gini totugoto i matana God, me tuguragoa nomoa aia ke gini kaekae matena. Me tagara, rongona e utu moa ke gini kaekae sa omea i matana God.

Amos 7:15

Maia moa na Taovia e adiligiau tania niqu aqo na pitusipi, me ketsaliau kau mai ieni, ma kau katevulagia nina goko vanigira nina tinoni ni Israel.

Isaia 6:5

Minau au tû mau tsaria, “!E, e! !Au mate nogo kiki inau! Au seko pitsu kiki nogo rongona pipi sui lakalaka na tsaqina goko ara rutsu i mangaqu, na sasina sui moa gira, mau mauri i laoqira na tinoni igira goto pipi sui niqira tsaqina goko ara sasi saviliu. Minau, na mataqu segeni nogo ara reilakana na Taovia Tsapakae, aia na Taovia Susuliga Sosongo.”

Jeremia 20:7

“Lao, Taovia, igoe o valoau, minau au tutunina lê nimu goko. Igoe o susuliga bâ vaniau, mo tuliusiau inau. Migira na tinoni sui ara gilugaqu, mara kiataginiau lê tana dani popono.

Jeremia 1:17

Migoe a Jeremia, ko tû, mo ko ba turupatuna vanigira pipi na omea sui inau au ketsaliginigo. Ko laka na mataguniaqira igira, rongona kau tau naua migoe ko gini matagu loki sosongo goto bâ kalina ko ba laba i koniqira.

1 Samuel 12:23

Minau, e utu saikesa kau sasi i matana na Taovia ma kau mololea na nonginongi vaniamui igamu. E utu. Sauba nomoa kau sasanigamu babâ moa na muriana na omea e goto me ulagana kamu naua.

1 Korint 4:15

Atsa moa ti vaga kara sangavulu na toga na tinoni kara sasanigamu tana mauri Kristiano, ma kamu laka moa na padaleana laka igamu amu tamanina e kesa lelee moa na tamamui. Inau nogoria na tamamui i laona nimui mauripata koluana a Iesu Kristo, rongona inau nogo au adimai vaolua vanigamu na Turupatu Dou.

1 Korint 9:12

?Amu palagira rago na tinoni tavosi ara mai aqo vanigamu, megua kagami? ?Laka ami ka tau tamanina na rongona loki baa vanigamu ti kamu palaginikagami? Eo, mi kagami ami ka tau nomoa gini aqo na papada vaga ia. Ami ka tami ka segenimami moa vania pipi na vatana na rota, rongona ami ka tau ngaoa kami ka naua ke kesa na omea, me ke tukapusiginia na vavanona na Turupatu Dou tana rongona a Iesu Kristo.

1 Korint 9:14

Me vaganana goto, na Taovia e moloketsana nogo laka igira sui ara gini turupatuna na Turupatu Dou kara gini mauri nogo ia.

2 Korint 2:12

Kalina inau au laba i Troas laka kau turupatuna vanigira na Turupatu Dou tana rongona a Iesu Kristo, mau reia laka na Taovia e sangavi sautuna nogo niqu aqo i tana.

Mateo 25:16

Ma na maneaqo, aia e adia tsege na toga na qolo, e baa saviliu me gini aqo, me laba papabona e tsege goto na toga na qolo.