1 Korint 7:30 - Ghari

³⁰ migira ara ngangai kara vaga moa ti ara tau melu; migira ara magemage, kara vaga moa ti ara tau mage; igira ara vovoli, kara vaga moa ti ara tau tamanina na omea ara volia;

1 Korint 7:30 Referans Kwoze

Ioane 16:22

Me atsa vaga goto igamu. Kalina eni amu melu. Minau sauba kau visumaitugua i konimui, mi tana dani ia ma na magemage ke dangaliginia na tobamui, tana vatana na mage ke tau tangomana ke kesa ke veoligia tanigamu.

Luka 6:25

“!Sauba ke seko baa vanigamu igamu amu masu kalina eni; kesa dani kamu vatsangia na vitoa! “!Sauba ke seko baa vanigamu igamu amu kiakia kalina eni; kesa dani kamu melu ma kamu ngangai!

Luka 6:21

“!Kamu gini mage igamu amu vitoa kalina eni; sauba kamu masu! “!Kamu gini mage igamu amu ngangai kalina eni; sauba kamu kiakia!

Sasani Sasaga 3:4

Na tagu na melu ma na tagu na magemage, na tagu na tangitangi ma na tagu na gavai.

Linge 30:5

Nina kore e vô ke totu oka, ma nina galuve moa e dona ke totu saviliu. Ke rutsu na kô i matada tana bongi, mi tana matsaraka ma na mage ke visutugua i tobada.

Na Katemai 18:7

Aia e mauri tana tsonikae segenina mi tana magemage, baa, mi kalina eni igamu kamu nautuguna vania tana rota loki ma na vatsangisavi. Aia e goko kaekae me tsari segenina sailagi vaga iani: ‘!Inau na daki taovia, mau totukae tana sasaqu na totu! !Minau tau na daki tinamate, mau tau goto dona kau vatsangisavi kesa dani!’

Na Katemai 7:17

rongona na Dalena Sipi, aia e totu i levugana patupatu na sasana na totukae, aia nogo sauba ke lia niqira reitutugu, vaga kesa na reitutugu sipi aia e reitugudougira nina sipi. Me sauba ke tudumigira baa tana vuravura na ko tusumauri. Mi tana tagu ia, ma God sauba ke saluvaligi vanigira pipi na koo na mataqira.”

Luka 16:25

“Ma Abraham e tsarivania, ‘Ko padavisua dalequ, laka tana maurimu igoe o tsodogira na omea dou sui, ma Lasarus aia e tsodogira na omea seko sui. Mi kalina eni aia e totu magemage ieni, migoe o totu rota tana.

Isaia 30:19

Igamu na tinoni amu totu i Jerusalem sauba kamu tau nogo ngangai. Na Taovia e dona sosongo na galuve, mi kalina igamu kamu ngangaidato vania ke sangagamu, maia sauba ke rongomigamu.

Isaia 25:8

Ma na Taovia God sauba ke veoligi saikesalia na mate. Me sauba ke saluvaligia na kô na mataqira na tinoni sui, me ke adiligia gaqira vangamâ igira nina tinoni ara gini rota tana barangengo popono. Aia segenina nogo na Taovia e tsaria na omea iani.

Esekiel 7:12

E maimai nogo na tagu. Eo, e varavara nogo ke laba na dani i tana na vovoli omea ma na tsabiri omea kara tau tamani rongona, matena nina kede God sauba ke gadovigira na tinoni sui lakalaka, na lokina ma na tetelona.

1 Korint 7:29

Tasiqu, na omea au ngaoa na tsairiiana vanigamu e vaga iani: e tau nogo katsi na tagu vanigita. Me dou ti ke tuu kalina eni igira na tinoni tauga kara mauri vaga moa ti ara tau tauga;

1 Korint 7:31

migira ara gini aqo na omea levolevo ni barangengo, kara vaga moa ti ara tau padaloki sosongolia na omea vaga ia. Rongona na barangengo igita a totu konina kalina ia, e varangi nogo ke nanga lee.