1 Korint 4:9 - Ghari

⁹ Me vaga moa tana niqu moro inau, tasiqu, laka God e tusuvanigami, igami nina apostolo, na sasamami i muri tsotsodo, vaga nogo ti na tinoni ara pede vaninogoa ke mate malemale i mataqira na angelo ma na tinoni sui.

1 Korint 4:9 Referans Kwoze

Hibru 10:33

Visana kalina ara tsirigamu malemale i mataqira na tinoni, mara rotasigamu sosongo. Me visana goto kalina amu tau sove na toturota koluaqira na kulamui ara rotasigira vaganana goto ia.

Roma 8:36

E vaga ara marenogoa tana Mamare Tabu mara tsaria, “Tana rongomu nogo igoe te igami ami gini totu pipi dani moa tana mate. Mara sekoligami vaga nogo ti na sipi ara vangaraunogoa kara labumatesigira.”

Hibru 1:14

?Me ti vaga ia, me laka nagua moa igira na angelo? Igira na tarunga, mara aqo vania God. Ma God e mologira kara mai sangagira na tinoni igira nogo aia e ngaoa kara mauri saliu i konina i baragata.

Hibru 11:36

Mara visana ara tsirigira, mara rarusigira kakai tana rongona niqira tutuni. Mara visana ara sorigira mara tsonigira tana vale sosori.

1 Tesalonika 3:3

rongona ami matagu ke tau visana vidamui kara suga tania niqira tutuni kalina ara rotasigamu rongona amu tutunina a Iesu Kristo. Igamu amu dona segenimui nogo, laka God nogo e tamia ke gadovigita na rota vaga ia rongona nida tutuni.

2 Korint 6:9

E vaga moa ti e tau donaginigami ke kesa, miava, ma na tinoni sui ara donaginigami nogo. E vaga saikesa moa ti ami mate nogo, migamu segenimui nogo amu reigami laka ami mamauri rago moa. Ara kedegami mara rarusigami, mami tau gini mate.

Aqoaqo 19:31

Visana vidaqira na taovia loki na vera ara dou vania a Paulo, migira goto ara mologoko vania, mara tongokakai vania na laba tana nauna ia.

Aqoaqo 19:29

Mara qururutsau i laona na vera popono. Ma na alaala e baa, mara tangolikaira a Gaius ma Aristarkus, kaira ruka na Masedonia ara ka dulikolua a Paulo, mara ulo kolukaira baa tana nauna gana niqira mani sai na toga.

Linge 44:22

Mi tana rongomu segeni nogo igoe te ara labumatesigami pipi kalina, mara naua vanigami vaga saikesa nogo ti na sipi ara vangaraua na labumatesiaqira.

Linge 71:7

Danga na tinoni ara morosia na omea ara laba vaniau inau, mi tana nogo igira ara gini dona laka igoe nogo o susuliga mo ravisiau.

Jeremia 20:18

?Laka na rongona gua te e vasuau tinaqu inau? ?Laka gana moa ke gadoviau na rota ma na melu, ma kau suilavaginia na mauriqu tana paluvangamâ?

1 Korint 15:19

Ti vaga nida tutuni tana rongona a Iesu Kristo agana moa na mauri ni dani eni me ke tagara goto i muri, migita a livugaluveda liusigira na tinoni sui tavosi i barangengo.

2 Korint 11:23

?Laka nina maneaqo a Iesu Kristo igira? !Mi kalina ia au goko saikesa moa vaga na bule, minau goto kesa nina maneaqo dou baa a Iesu Kristo! Au aqo kakai sosongo baa, mau totu danga baa kalina i laona na vale sosori, ara rarusiau kakai baa, mau matepitsa nogo danga kalina.