1 Korint 13:6 - Ghari

⁶ Na galuve e tau gini mage tana omea e seko, me gini mage moa tana omea e mana.

1 Korint 13:6 Referans Kwoze

Roma 12:9

Nimui galuve ke mana saikesa, me ke tau malapalu. Kamu tsoniligia na omea e seko, ma kamu tangolikakaia na omea e dou.

2 Ioane 1:4

E gini mage loki sosongo na tobaqu, kalina au rongomia laka visana na dalemu ara mauri muria na manana, vaga nogo e ketsaligita God na Tamada ka naua.

Roma 1:32

Ara donaginiragoa nina parovata God laka na tinoni ara mauri vaga ia sauba nomoa ke gadovigira na mate saliu. Migira ara tau goto kuti na nauvaganana moa ia, mara tsovula goko vanigira goto na tinoni tavosi kara gini sanga na nauana na omea seko vaga gira.

2 Tesalonika 2:12

Eo, igira sui ara sove kara tutunina na manana, mara padangaoa moa na mauri babaa tana sasi, sauba nomoa kara gadovikede.

Hosea 4:8

Igamu amu gini tamani omea danga talu tana niqira sasi niqu tinoni, maia nogo na rongona ti igamu amu ngaoa kara sasi babâ moa.

Goko Tabana 14:9

Igira na tinoni bubulega ara tau lelê gini boe ti vaga ara naua na sasi, migira na tinoni dou ara ngaoa kara padale vanigira niqira sasi.

Mika 7:8

Igira gada gala ara tau tamanina sa niqira rongona na kiataginiada. E mana rago laka igita a puka lê nogo, me sauba nomoa ka tukae tugua. Migita a totu tana rodo kalina ia, ma na Taovia segenina nogo sauba ke lia nida marara.

Jeremia 13:17

Me ti vaga igamu kamu sove moa na rorongo, minau sauba kau ngangai loki i tobaqu tana rongona nimui sasaga kaekae; me ke ro loki na kô na mataqu tana rongona ara aditsekavanogira sui nogo nina tinoni na Taovia.

Pilipi 3:18

Na omea iani inau au tsarinogoa vanigamu danga kalina, mi kalina ia inau au tsaritugua vanigamu kolua na koo na mataqu: Eo, ara danga ara mauri vaga moa ti igira ara gala vania na mateana a Iesu Kristo tana gai ulutaligu.

Pilipi 1:18

!Me dou moa vaniau inau! Au gini mage moa, rongona e kesa moa na omea au kili sosongolia baa: laka na tinoni sui kara rongomia na Turupatu Dou tana rongona a Iesu Kristo, atsa moa ti ke goto se ke tau goto na tobaqira igira ara gini turupatuna.

Pilipi 1:4

Me pipi kalina au nonginongi matemui igamu, minau au nonginongi tana magemage.

Luka 22:5

Migira ara gini mage sosongo, mara vekea kara sauvania na vovolina tana qolo.

Jeremia 20:10

Inau au rongomigira na tinoni sui ara viri gagasa mara tsaria, “!Aia ngana e katea laka ‘Na Omea Mamataguniga e Totu Pipi Sui Tana Nauna!’ !Ida ma ka tatamanga gana vanigira na taovia!” Me atsa moa ti igira gaqu duli dou sosongo inau migira goto ara pipitua kara reia ti vaga kau tubulagi tana goko. Mara tsaria, “E tau ngatsu utu vanigita ka valoa moa aia, mi tana ti igita ka tangolia ma ka tangotuguda.”

Jeremia 9:1

Ke dou ti vaga na lovaqu ke vaga na vuravura na kô tana e sarara mai na kô na mataqu, gana kau ngangaisigira na dani ma na bongi igira niqu tinoni ara viri matesigira nogo.

Linge 119:136

Au rota na ngangai me rutsu na kô na mataqu vaga moa kalina e tave na ko loki, rongona igira na tinoni ara tau muridoua nimu ketsa.

Linge 10:3

Na tinoni vanga tsutsukibo e gini kaekae na omea seko aia e padâ i tobana; ma na tinoni vanga susugu e goko seko me sove tania na Taovia.

Binaboli 18:9

Mi kalina a Jetro e rongomia na omea sui girani maia e gini mage

Hosea 7:3

Na Taovia e tsaria, “Tana niqira vorogoko igira na tinoni ara perobulesia niqira taovia tsapakae ma nina mane sasanga.

Mateo 18:13

poi tsau kalina ke tsodovulagia. Minau au tsarivanigamu, sauba aia ke mage loki sosongo baa matena aia kesa lelee moa na sipi e nanga me reivulagitugua, liusia baa na mateqira ara siu sangavulu siu igira ara tau nanga.