1 Korint 10:4 - Ghari

⁴ ma na inuviana na inu tarunga. Rongona ara inu tana maragova tarunga e dulikolugira i sautu, ma na vatu ia a Iesu Kristo segenina nogo ia.

1 Korint 10:4 Referans Kwoze

Binaboli 17:6

Minau sauba kau tutû i matamui tana maragova tana Vungavunga Sinai. Migoe ko touginia nimu itoro na maragova ia, me sauba ko reia ke bubusu tsuna mai na kô vanigira na tinoni gana kara inu.” Ma Moses e nauvaganana ia i mataqira sui igira na ida tana Israel.

Ioane 7:37

Mi tana susuina na dani, aia na dani loki baa tana Dani Tabu ia, e tuu a Iesu, me gokodato, “Ti asei ke marou, ke mai i koniqu me ke inu.

Isaia 48:21

Mi kalina na Taovia e idagana sautu vanigira nina tinoni tana kaomate papara me mamatsa, migira ara tau goto gini rota na marou. Aia e naua me vuramai vanigira na kô talu tana maragova, aia e tapalia na maragova ma na ko maroga e tavongani rutsumai.

Ioane 4:14

Masei ti ke inuvia na koo inau kau tusuvania, tagara ke tau marou tugua. Na koo vaga inau kau sauvania ia, sauba ke lia vaga na vuravura na ko tusumauri i laona tobana me ke bugudato vania na mauri saliu.”

Linge 105:41

Aia e toua na maragova, ma na kô e bubusu tsunamai, me sarara me mao popono tana kaomate vaga moa ti kesa na ko loki.

Linge 78:20

Eo, me mana rago nomoa laka aia e toubâ na maragova me tabusi tsunamai na kô, ?me laka egua, e tangomana goto ia ke palaginigita na bredi, me ke sauvanigira goto nina toga na velesina sabo?”

Linge 78:15

Aia e tapaligira na maragova i laona na kaomate, me tusuvanigira na kô e talumai tana maragova, vaga moa ti e maodato tana kao.

Tsoko Tinoni 20:11

Mi tana ma Moses e saukaea na itoro, me ruka kalina e toubaginia na maragova, ma na vuravura loki na kô e bubusu tsunamai, migira na toga sui ma niqira omea tuavati ara inu sui.

Ioane 4:10

Ma Iesu e tsarivania na daki ia, “Ti moa vaga igoe ko donaginia nina tuva God me laka asei aia e nongigo na koo na inu, maia nogo igoe ko nongi koo i konina, maia sauba ke tusuvanigo na ko tusumauri.”

Isaia 43:20

Me atsa moa igira na omea tuavati atsi, sauba nomoa kara padalokiau, migira goto na pai atsi ma na tsou sauba kara tsonikaeau kalina inau kau moloa na ko maroga ke tatave i laona na kaomate, gaqira kô na inu igira niqu tinoni vivili.

Kolose 2:17

Na omea sui vaga gira, ara vaga ti na nununa lee moa na omea sauba ke laba i muri. Maia nogoria a Iesu Kristo.

Na Katemai 22:17

Mara ka tuu kaira na Tarunga Tabu ma na Daki Tauga Vaolu, mara ka tsaria, “!Kamu mai!” Me pipi igira sui ti kara rongomia na goko vaga iani, ma niqira aqo kara tsarigotoa, “!Kamu mai!” Eo, kamu mai ti asei e marou. Asei moa e ngaoa na inu, e dou ke mai me ke inu lee tana koo na mauri, me ke tau tsonimatena.

Hibru 10:1

Na omea ara gini goko tana nina Ketsa a Moses, ara tau na pukuna manana na omea dou ara totu i gotu. Igira ara vaga na nununa pasapasa lee moa na omea dou sauba kara laba i muri baa. E kesa moa na atsana na kodoputsa ara savori sailaginia na ngalitupa ma na ngalitupa. Mi tana vatana na kodoputsa vaga girani, na Ketsa e tau moa tangomana ke mologotosigira na tinoni ara mai i matana God.

Na Vaolusi Ketsa 9:21

Minau au tû mau adia na omea e raqa sasiligamu igamu amu aqosia, aia na buluka mane qolumila, mau tsonisagea i laona na lake. Mi muri mau tapalia mau rutua, mau tsonia na tarutuna tana ko tsatsali e tsunamai tana vungavunga.

Galatia 4:25

Ko Hagar, aia na papadana na Vungavunga Sinai tana Arabia, i tana God e tusua na Ketsa vania a Moses, mi tana nogo e totu na vera ni Jerusalem kalina eni, maia e totu tseka moa kolu tinonina i laona.

Daniel 2:38

Aia nogo e mologo igoe ko tagaovi kaputigira na tinoni sui lakalaka i laona na barangengo, mo ko tagaovi kaputigira sui goto na omea tuavati ma na manu. Migoe nogo o vaga na lova qolumila tana titinoni ia.

Tuturigana 41:26

Tugira vitu na buluka papaquru tugira na papadana vitu na ngalitupa, mi tugira goto vitu na vunguna sila patudou tugira na papadana goto vitu na ngalitupa, mi kaira sui na bolebole kaira e kesa moa atsa ka rongoqira.

Tuturigana 40:12

Ma Josep e tsaria, “Iani nogo e vaga na rongona nimu bolebole igoe: tugira tolu na arana na papadana ara tolu na dani.

Daniel 7:17

E tsaria, “Tugirani tu vati na omea tuavati atsi loki, na papadana laka sauba kara tu vati na vera susuliga kara tukae i laona na barangengo.