1 Korint 10:22 - Ghari

²² ?Egua, laka igita a ngaoa ka tsaia moa na Taovia me ke kore? ?Laka igita pada a susuliga liusia aia?

1 Korint 10:22 Referans Kwoze

Na Vaolusi Ketsa 32:21

Igira ara murigira na god peropero e tagara soaqira, me gini momosa tobaqu, mau gini masugu vanigira. Me vaga ia, minau sauba kau gini aqo kesa na puku tavosi e tagara soana, migira kara gini kore; ma kau naua migira kara masugu vanigira na puku na bule.

Na Vaolusi Ketsa 32:16

Ara samasama vanigira na god peropero, me gini masugu na Taovia; me gini momosa loki tobana na reiana na omea seko ara naua.

Hibru 10:31

!Eo, na omea seko manana nomoa ti vaga kesa tinoni ke puka tana limana na God mamauri!

Esekiel 22:14

?Megua, laka o padâ igoe sauba ke totuvisu sa gamu malagai se sa gamu susuliga na mani langaana na limamu kalina inau kau suilavagini vanigo nogo vaga ia? Tagara saikesa. Inau nogo na Taovia au tsaria na omea iani, me sauba nomoa kau manalia na omea au tsaria.

Sasani Sasaga 6:10

Pipi sui na omea ara laba i dani eni ara pedenogoa i sau te ara laba, migita sui a donanogoa laka e tau tugua kesa ke vaimangasuguradigi kolua kesa aia e susuliga liusia bâ aia.

Sepania 1:18

Me atsa moa ti igira sui niqira siliva ma niqira qolumila me tau goto tangomana ke maurisigira tana dani ke poda na korena na Taovia. Mi tana dani ia, ma na barangengo popono sauba ke toroutsa saikesa tana lakena nina momosatoba loki. Maia sauba ke tavongani suilavaginigira na tinoni sui lakalaka tana barangengo.

Isaia 45:9

Sauba ke seko sosongo nomoa vania na tinoni e vaimangabarigi kolua God aia e aqosia. ?Laka kesa na popovatu e dona ke tû me ke vaimangabarigi kolua aia e aqosia? ?Me laka na kao tsitsi ke tû, me ke veisuâ aia e karoa gana na aqosiginiana na popovatu, “Laka nagua sagata o naua igoe?” Se ke tsarivania, “Na popovatu o aqosia igoe e tau dou, e tau tamanina sa tatangolina.”

Linge 78:58

Na peona niqira god peropero ara gini tsaia na korena God kolugira goto niqira titinonina na god peropero, me gini momosa loki bâ na tobana God.

Nina Papi A Job 9:4

God aia e sasaga loki me susuliga sosongo bâ; me tau ulagana sa tinoni ke tû me ke suamangana.

Josua 24:19

Ma Josua e tsarivanigira na tinoni, “Tau na omea lakagana na aqo vaniana na Taovia, rongona aia segeni moa e tabu loki, me dona ke masugu, me utu ke padalegira nimui sasi.

Na Vaolusi Ketsa 6:15

Me ti vaga kamu samasama vanigira na god peropero gira, ma na korena na Taovia sauba ke tsunamai i konimui vaga na lake me ke ganisuigamu saikesa, rongona na Taovia nimui God aia e tototu kolugamu, maia e tau tamivanigamu kamu samasama vanigira na god tavosi.

Na Vaolusi Ketsa 4:24

rongona na Taovia nimui God e vaga na lapina lake loki; me tau tamivanigamu kamu samasama vania sa god tavosi.

Binaboli 34:14

“Kamu laka goto na samasama vaniana sa god tavosi, rongona inau nogo na Taovia nimui God me utu goto kau tamivanigamu kamu tamanina sa god tavosi.

Binaboli 20:5

Kamu laka na tsuporu tsuna vaniana se na samasama vaniana na titinonina sa god peropero, rongona inau nogo na Taovia nimui God me utu goto kau tamivanigamu kamu tamanina sa god tavosi. Inau sauba kau kedegira igira ara reisaviau inau me ke tsau bâ tana tolunina ma na vatinina vatavata na kukuaqira.

1 Taovia Tsapakae 14:22

Migira na tinoni ni Juda ara sasi loki sosongo i matana na Taovia mara tsaia me gini momosa loki bâ na korena vanigira liusia bâ na omea seko sui igira na mumuaqira ara naunogoa.

Jeremia 7:19

?Me laka inau ngana ara sekoliau? Tagara saikesa. Igira ara sekoli segeniqira, mara paluvangamaqira segeni.

Jeremia 44:8

?Me rongona gua ti igamu amu tsaia na korequ mamu ba samasama vanigira na titinoni lê, mamu savori-kodoputsa vanigira na god peropero ieni tana Ejipt i tana amu mai totu? ?Laka amu naua na omea iani rongona amu ngaoa kamu gini sekoli segenimui, gana pipi sui na puku tana barangengo kara peagamu, ma kara gini aqo na soamui tana vealagi?