1 Korint 1:31 - Ghari

³¹ Mi tana nogo e gini mana na tsaqina goko ara marea tana Mamare Tabu, me tsaria: “Asei ti vaga ke ngaoa na goko kaekae, nina aqo ke gini gokokae moa tana rongona na omea na Taovia e naua.”

1 Korint 1:31 Referans Kwoze

2 Korint 10:17

Ara marenogoa tana Mamare Tabu: “Asei ti ke ngaoa na goko kaekae, ma nina aqo ke gini goko kaekae moa tana rongona na omea na Taovia e naua.”

Pilipi 3:3

Igita nogoria a adia na paripapadana mainana, me tau igira, rongona igita nogoria a samasama vania God tana nina sasanga na Tarunga Tabu, ma magemage tana nida mauripata koluana a Iesu Kristo. Igita a tau vataraginia nida tutuni kesa tana aqotabu ni taba lee moa, vaga ti tana paripapadana.

Linge 105:3

Ka gini mage loki igita, tana rongona igita a nina tinoni nogo aia; migira sui goto ara samasama vania kara gini magemage loki.

Isaia 41:16

Migamu sauba kamu tsonidatogira tana masaoka, vaga moa ti na kekevuna na uiti, ma na guguri sauba ke pualigigira, ma na tulonga ke sarangasigira. Mi muri ti igamu sauba kamu gini magemage tana rongona inau nogo nimui God, ma kamu tsonikaeginiau inau na God tabu loki ni Israel.

Jeremia 4:2

Me ti vaga kamu ngaoa na nauana kesa na vatsa ma kamu tsarivaganana iani, ‘Au vatsa tana asana na Taovia mamauri’ me ke mana nomoa nimui goko, me ke goto nimui sasaga. Me ti vaga kamu nauvaganana ia me sauba igira na puku tavosi sui sauba kara nongiau goto kau vangalaka vanigira, ma kara gini tsonikaeau inau.”

Isaia 45:25

Inau nogo na Taovia sauba kau laumaurisigira igira sui na kukuana a Jakob, mi tana ti igira kara tsonikaeginiau.”

1 Turupatu Dato 16:10

!Ka gini mage loki igita tana rongona igita nina tinoni nogo aia!

1 Turupatu Dato 16:35

Kamu tsarivania, “God nimami vagamauri, ko maurisigami, ko adisaigami mo ko adivisugami tania na totu i laoqira na puku tavosi, rongona kami gini soadougo, ma kami tsonikea na asamu tabu.”

Linge 34:2

Eo, sauba kau tsonikaea rongona na omea dou sui aia e naugira. !Kara rorongo ma kara gini magemage igira sui ara bingi sekoligira!

Roma 4:2

Rongona ti vaga laka tana rongona moa na omea aia e naugira ti a Abraham e gini totugoto i matana God, me tuguragoa nomoa aia ke gini kaekae matena. Me tagara, rongona e utu moa ke gini kaekae sa omea i matana God.

1 Korint 4:6

Tana matemui nogo igamu na tasiqu, te au gini adikaea ka nimami aqo kagami a Apolos minau, kamu gini padagadoviginia nagua na rongona na goko vaga iani: “Laka na liusiana na vorovoro.” E tau dou kamu gini kaekae tana rongona kesa tinoni, ma kamu peaa kesa tinoni tavosi.