Yuda 1:6 - I CILAGANE CIPYA 1991

⁶ Ne wamalayika wono si wawukamisa u wuwaha wawo, kanyhi wakayileka ne nyikala yawo yono yiwanojeye, u Mulungu yawawopile ne manyolo ge cibitilila mu citi, sunga mwizuwa Liwaha lyo wulingʼanizwe.

Luganuzi Luswanu Kuli Wanhu Wose 2002

⁶ Ne wamalayika wono si wawukamisa u wuwaha wawo, wakayileka ne nyikala yawo yono yiwanojeye, u Mulungu yawawopile ne manyolo ge cibitilila mu citi, sunga mwizuwa Liwaha lyo wuling'anizwe.

Yuda 1:6 Referans Kwoze

2 Petelo 2:4

Na lono wamalayika wetumila u wubi, u Mulungu na langa yakawataga mu moto we Gehena, mono wafunjigwe walindiye Lizuwa lililya lyo wulingʼanizwe.

Waefeso 6:12

Hambi u wulugu wetu nha si cikwihoma ne wanhu, langa cikwihoma ne litewa lyavu lya mu yinze ye cimuhe, cikwihoma ne watemi, ne wawaha na wono wena i vilungo, wono wayitemile i yinze yiyi ye citi.

Matayo 25:41

“Ale, baho ho kowalonjela na awalya wono wali ku lubavu lwakwe lo kucekulu yawe kutya, ‘Ale, mbucilenyi anye mono mwalijitwa! Bitenyi mu moto we cibitilila wono wawicilwa Setani ne wamalayika wakwe.

Matayo 8:29

Nawo wakawa kwanza kuzoza wakutya, “Alo cina nghanici nagwe go Mwana wo Mulungu? Alo kuza akuno ho wucigaze na lono icidaha cikali si nafika?”

2 Petelo 2:9

Ale, holeka, Muwaha yamanyile kuwaponya mu wulipicizwe sunga Mwizuwa lililya lyo wulingʼanizwe.

Wahebelaniya 10:27

Langa yono yisigaye yowa yo wulanjilila no woga, u wulingʼanizwe wo Mulungu no moto mukali wono wolowamala wose wono wakumulema u Mulungu.

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Wugubule 20:10

Na Setani mono yawakongaga, nayo yakagumilwa mwilamba lyono likwako moto we cibiliti, mumo mono molili alilya lilimu hamonga no muwizi wo wulambi, nawo wowa kugazwa misi ne cilo, cibitilila ne cibitilila.

Matayo 10:15

Mbeka nghumutyenyi, Mwizuwa lye ningʼaniza, ilikaya lilyo lyolotuga wulipicizwe wuwaha muno kuciza, si nho wulipicizwe wulya wono galipicizwa i makaya ga Sodoma na Gomola.

Walumi 2:5

Ninga so wukamu ne cibede ca munhumbula yako, wukwiwicila go mweneco ilikuwo, kwizuwa alilya lyono ilikuwo lyo Mulungu lyono lina i ningʼaniza ye lingʼani lyologubulwa.

Yuda 1:13

I wanhu wawo wehwanile i mawingo ge lilenga gono gagalile, ne metumo gawo ge cevu, gejeye calinze nha mafulo ge mawingo. Wene wawo wehwanile i zinyelezi zono zikuyumbayumba, wono u Mulungu yawawiciye i hanhu hawo cibitilila ha wutitu wuwaha.

Wugubule 20:2

Malayika yuyo yakalibata lizoka, alilya lizoka lye katali, yo Ibilisi, hamba Setani, yakawa kuliwopa myaka elufu monga.