Yuda 1:16 - I CILAGANE CIPYA 1991

¹⁶ I wanhu wawa wekalaga du wakungʼungʼulika nhondo zose, no kuwahosa wanhu wanji. Wekalaga mu masulumizi gawo i mabi, wakwilumba no kuwakumya muno wanhu wanji, ho wetujile cambuzi muli zono wasakaga wene.

Luganuzi Luswanu Kuli Wanhu Wose 2002

¹⁶ I wanhu wawa wekalaga du wakung'ung'ulika nhondo zose, no kuwahosa wanhu wanji. Wekalaga mu masulumizi gawo i mabi, wakwilumba no kuwakumya muno wanhu wanji, ho wetujile cambuzi muli zono wasakaga wene.

Yuda 1:16 Referans Kwoze

2 Petelo 2:18

Hambi nha walongaga zinghani zo wiwoni zono zisina nhunizo, kanyhi wegetumamilaga imasulumizi gawo mabi go muwili ho wawagwise awalya wono wakondya kwilega mu wanhu wono wekalaga mu wajilile.

2 Petelo 2:10

Na ko muno wa walya wono watyatyaga imasulumizi mabi go muwili na wono wakubedegala no kulema kutemwa no Mulungu. Iwanhu we liwala lilyo wasina cihuliko kanyhi wedunhumuzi, hambi nha watovulaga, kanyhi wasina cogopo kuli viwumbwa vyono vyelile vya kucanyha.

Wafilipi 2:14

Mwitumaje zose akuno musina wungʼungʼulice hamba wiwanganile,

1 Petelo 4:2

Holeka kuwulawa lulu, imikalile yenyu yono yisigaye kwikala kukuno kononze, yinojeye muwe kutongwa no wuhile wo Mulungu, hamba si ne masulumizi ge cimunhu munhu.

1 Timoteyo 6:5

no wiwanganile wono wusina ndumo, wono wukulawa kuli wanhu we mahala gono gavizice, kanyhi wono wayisina imbeka. Wono wehwesaga vyono dini, ʼmba yo nzila yo kutujila wugoli.

1 Wakolinto 10:10

Hamba mulece kumungʼungʼulicila nha vyono wanji wamungʼungʼulicila, nawo wakawulagwa wose no Muwulaji!

Yuda 1:18

Wamulonjelenyi wakatya, “Mu vilo vya ku ndumo vilakuza, wolokuza wanhu wono wolowa kumuzwajizenyi, wanhu wono wakutyatya masulumizi gawo mabi.”

2 Petelo 3:3

Mukwamula kumanya vyono mu vilo vya ku ndumo wolokuza wanhu wono mikalile yawo yitemigwe ne masulumizi gawo mabi. Wolowazwajizenyi nyenye,

1 Petelo 2:11

Nye nyo wendece wangu, nghumunenenyi nyenye nha wajenzi kanyhi wakola nzila mononze! Mwiyilegaje mu masulumizi go muwili gono vikulewana ne nhumbula.

Yuda 1:15

ho yalavye u wulingʼanizwe kuli wanhu wose, kuwalingʼaniza wose so metumo gawo i mabi gono wetuma, hamonga ne makani gawo gono i wanhu wabi wamutovulaga.”

1 Petelo 1:14

Kanyhi nha vyono yinha nhe wana wo Mulungu we cihuliko, holeka mulece kugatyatya kanyhi imasulumizi mabi, gono mwali mwina nago lono mwali mukali walele.

Wagalatiya 5:16

Holeka ane nghutya nhavi, i mijendele yenyu yeze kulongozwa no Muhe, nanye ho si motyatizya lukulu i masulumizi ga mononze.

Yohana 6:61

Ninga Yesu yakawamanya mweneco, hamba yunji si yamulonjela vyono wejizwa wakwe wakuyingʼungʼulicila inghani yiyo, yakawawuza yakutya, “Alo inghani yiyi yikumupelenyi mahwele hongo?

2 Timoteyo 4:3

I lipango lyokuza lyono wanhu si wolokwenda kugahuliciza i mejizo ge mbeka, langa wene wokwenda kutyatya masulumizi gawo weneco, no kwilundila wejizi wenji wono wowalonjela zinghani zizo du zono i makutu gawo gowa gewikanize kuwuhulicize.

1 Watesalonike 4:5

ninga si mu masulumizi mabi nhe wanhu we makungugo ganji wono si wamumanyile u Mulungu.

Wagalatiya 5:24

I wakwe Kilisito, wakondya kuwuwulaga u wuwe wawo we ciyinze-yinze hamonga ne mahweso gayo i mabi ne masulumizi gayo.

Yohana 6:41

Nawo Wayahudi wakawa kwanza kungʼungʼulika kusoko vyono yatya, “Ane yo nene i ndigwa yono yatima kulawa ku wulanga.”

Luka 19:7

Wanhu wose waza kuwona zizo, wakawa kwanza kungʼungʼulika wose, wakutya, “Kenjila kuduwa kuli munhu mubi.”

Luka 15:2

Wafalisayo na wejizi wo Wulajilize, wakanza kungʼungʼulika wakutya, “Lanjenyi ta munhu ayu! Yakuwabocela wanyo wubi no kuhanga nawo mu zindigwa.”

Luka 5:30

Wafalisayo ne wejizi wo Wulajilize wakawangʼungʼulicila wejizwa wakwe; wakutya. “Alo so cici mukulizana kanyhi mukungʼwezana ne watoweza kodi ne wanyo wubi?”