Yohana 8:54 - I CILAGANE CIPYA 1991

⁵⁴ Yesu yakawapitula, “Hono niyikumye no mweneco, ulukumyo lwangu lowa si cinji. Baba yo yakunghumya, mono nanye mumutezaga Mulungu wenyu.

Luganuzi Luswanu Kuli Wanhu Wose 2002

⁵⁴ Yesu yakawapitula, “Hono niyikumye no mweneco, ulukumyo lwangu lowa si cinji. Baba yo yakunghumya, mono nanye mumutezaga Mulungu wenyu.

Yohana 8:54 Referans Kwoze

Yohana 8:50

Ninga ane si niyilondolelaga lukumyo lwangu no mweneco, ko yuli yunji mono kalondolaga lukumyo lulo, nayo yo Mulingʼanizi.

2 Petelo 1:17

Ase cali baho mu cipango cono yapelelwa icogopo no kukumywa no Mulungu Sogo yo munhu, lono lizi likamuziza kulawa kuli mwene, mono yo Lukumyo Luwaha, likutya, “Ayu yo Mwanangu mwendece mono nyendezwe nayo.”

2 Wakolinto 10:18

Nayo mono yakuvumilwa, si yulya mono yakwiyikumya mweneco ngʼo, langa yo yulya muno Muwaha yakumukumya.

Metumo ge Watumwa 3:13

U Mulungu wa Abulahamu, na wa Isaka, na wa Yakobo, u Mulungu we wasetu, yo yamukumizye Mwitumami wakwe Yesu; mono mwamulavya anye, mwene yo yuyo mono mwamutajila mu miwoko ye wawaha, no kumulema hamwande ya Pilato, hambe Pilato yasakaga kumulecela.

Yohana 17:1

Yesu yaza kukondya kulonga zizo, yakagalamila kucanyha ku wulanga yakatya, “Baba icidaha cafika! Ale wumukumyaje mwanago, nayo mwanago ho yakukumye.”

Yohana 8:41

Anye mukwituma i metumo gagalya gono wetumaga wasogo zenyu.” Nawo wakamutya, “Ase si cili wana watumulwa, langa cina sogo yetu yumonga du, Mulungu.”

Yohana 7:18

Ninga u munhu mono yakwilonjela mu wulajilize wakwe mweneco du, yakulondola u lukumyo lwakwe mweneco, ninga mono yakulondola u lukumyo lwa mono yamutuma, yuyo yaweza mwihuwilwa, na muli mwene musina wavu wo wose.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

1 Petelo 1:12

Nayo Mulungu yakawagubulila mu vilo vyono walongaga ze zinghani zizo, zono anye, alu mwakondya kuzihulika, kulawa kuli wawalya watumwa wono wakamuganulilenyi u Luganuzi Luswanu, lwe vilungo vyo Muhe Mono Yelile, mono yatumwa kuwulawa ku wulanga, vyono wuwo mulimo wawo, si wali so cambuzi cawo weneco, langa ku soko yenyu. Zizo zo nghani zono hamba wamalayika wali wende kuzimanya.

Yohana 17:5

Alu nhondo Baba, wunghumizyaje hali gwegwe ko lukumyo lululya lono nali nina nalo, lono yinze yali yikali hamba si nawumbwa.

Yohana 7:39

(Yalonga zizo, yakulonga zo Muhe Mono wolomubocela wono wamwihuwiye mwene. Mu cipango cico u Muhe yali yakali si naza, vyono Yesu yali yakali si nakumywa.)

Yohana 5:41

“U wuhile wangu, si vyono ho nhuje u lukumyo kulawa kuli wanhu.

Yohana 2:11

Aci co citanjilo cilongozi, Yesu yacinozeza ku Kana ya ku Galilaya, yakalulajila u lukumyo lwakwe, nawo wejizwa wakwe wakamwihuwila.